ديوانية البحرين - دردشة حوامل البحرين - البحرينيات

[بنوتة حلوة]

المشاركة الأصلية كتبت بواسطة om khalil

بنوته اذا حسيتين ولو بنتفة ألم
قعدي على الارض (توقلي)

هالحركة تساعد على التوسع ان شااءلله والله يساعدش

قولش يعني ؟ انزين أي قد أقعد متوقلة .. ؟؟ قصدش جلسة القرفصاء ل ؟

[om khalil]

نوم الهنا بشورة، اذكر تقريبا بالمرتين والثلاث باليوم. يمكن بتش عندها اسهال؟
انتين وش تعطينها غير حليبش؟

بنوته، اي القرفصاء، يمدحون هالوضعية لما اييش الألم، طبعا بتموتين من الألم بس يالله كله بأجره ان شاءالله

ام حسين، هلا اختي لا تغمين روحش ولا شي دوبنا مظلومين من مظلومية سيدي ومولاي ابي عبدالله الحسين سلام الله عليه،، لا تضيقين خلقش ولا شي تعالي سولفي وفضفضي واستانسي ويانا والله لايغير علينا سنة وشيعة ان شاءالله..

[om khalil]

بنوته اذا ياش الألم تحركي قومي قعدي بهالجلسه قد ماتقدرين وردي اوقفي وتحركي
ويارب يواصل وياش ان شاءالله

[rose soul]

ام حسين..لا تابعين هالاشكال ..خلهم في حالهم..
..
ام خلي ..قولج فيها اسهاال؟؟
وانا افكرة طبيعي..عيل يبي لي اسوي لها شي يوقف هالاسهال
انا ما اشربها شي..ماعدا حليبي

[بنوتة حلوة]

هادا اليوم الرابع كله جدي الألم يروح ويجي ! أتملل انزين اقعد اراقب روحي بالجم ساعة وادور في البيت .. وأمشي وأشرب اشياء .. بس تمللت

[ام حسين الدار]

على قوولتكم الله لاافرقنا
المهم وش رايكم افكر بكره اروح اسوي اشعه منهااطمن ويمكن اعرف شنو الي في بطني ههههههههههه اف طفشت ابغا اخلص ووصل الشهر التاسع

[ام حسين الدار]

بنوته اتوكلي على الله ولااتفكري بتشوفي نفسك اولدتي وخلصتي الله اسهل عليك يارب

[rose soul]

دبدوبات..اخليكم
انا تعبت
..
ام حسين..اي روحي جوفي شفيج علشان تسكتين فضولج..ومنها تطمنين ^_^
..
الله يسهل عليج بنوتة يارب..ولا تنسين الحوامل من دعائج في حالة الولادة
..
ام خلي..انتظر جوابج..باجر باجوفه
..
صعب..مرة وحدة اختفت هالبنية..مادري وين تروح
يلا كلكم تصبحون على خير

[بنوتة حلوة]

ان شاااءالله .. وهداني قاعدة القرفصاء على الكرسي .. عشان يمديني انسى الوقت واقعد اسولف وجدي ..

[ام حسن العباس]

السلام عليكم انتو اهنا ساكتين وتجمع رمضان طيح شب في البحرين وشيعه ليش تسكتو روحو شوف وش كاتبين عن الامام وعن يوم عاشور وعن البحرين والعراق واين وقفتكم