احلى عراقيات حوامل ...... تفضلوا

[&ام همام&]

هلا بميوش شلونج
اني هم ابوس برورة والنونو

[مي &]

بنات عندي استفسار بسيط منكم ؟؟؟!!!!

حبايب اني عيد زواجي هالشهر يوم 23 بشهر ... عيد زواجي الثالث الله ايتمم علينه يارب

ساعه اكول اسوي حفله يعني شي بسيط وساعه اكول كلش ماسوي لان مابيه حيل بس اجيبله هديه

بس اكول هيه مره بالسنه وحتى لو اسويهه بغير موعد اتصير مابيهه طعم مو مثل يومهه

شتكووولون؟؟؟؟؟؟؟؟؟؟؟


اني كلت اخذله هديه حلقه لان حلقتهه الفضه مضيعهه الحباب والبلاتين اني ضامتهه مانطيهياه اخاف هم ايضيعه ههههههههه
وهيه هم غاليه وهم ذكرى حرامات
ورجلي اختصاص ايضيع حلقات

فكلت اشتريله حلقه >> هاي الهديه وحاضره تقريبا بس اشتريهه

تبقى باقي الاشياء ماادري اسوي لولا ساعه ايصيري واهس واكوم افكر واخطط
وساعه لاوالله ماعندي واهس واكول بس انطي الهديه واكله كل عام وانته ابخير ههههههه

[مي &]

تسلممممممممممممين ام هيمووو حبي شلونج وشلونه هيموو

[( ام يوسف )]

حبيبتي ميوووش سوووي حفله صغيره بينكم انتي وزوجج للذكرى هيج برئيي اني قبلج بيوم عيد زواجي :))
صبايا شلونكم كولكم شخباركم شو مختفين هلاياممممم

[المهندسة ام تيم]

مساءالخير يا بنات
ان شاءالله بخييييييييييييير
حبيت اسلم عليكم اليوم كلششششششششش مخبوصين بالبيت
واتي مريضة
اشوفكم بخييييييييييييييير ان شاءالله

[منى عمري]

مرحباااااااااا يا حبايب
شلوووووووووووووونكم كلكم
اليوم جايبتلكم الاكششششششن مالتي
نبدي بسم الله الرحمن الرحيم
طبعا تدرون اني اخيرا اتعينت ووووووين بالمختبر بمستشفى الولادة
واول يوووووووووم دوام رحت الصبح نشيطه مرتبه حلوة واتمندل اني وبطني سويت الصبح مباشره ورحت للمختبر اتعرفت عالكادر وسولفنه صارت الساعه بالعشره استرخصت منهم ورحت للاستشاريه ....
كصيت باص ودخلت للدكتورة فحصتني الدكتورة كلتلي ماعندج توسع ابدددددددد حولتني عالسونار حتى نشوف شكد الي بالعاشر
رحت للسونار وطبعا بطريقي للسونار كمت احس الالام تجي وتروح قويه كلت لا جذب مثل كل مره وتركته المهم فحصتني كالت هااااااااااااااي شنو المي قليييييييييييييل والطفل نبضه ضعيييف
رجعت للدكتورة كلتلي كبل للطوارئ ويسوولج دخوليه ومراقبة نبض الجنين ويسوولج ولاده اصطناعيه واذا ماكو منا للعصر عمليه
طلععععععت ابججي خابرت امي كلتله راسا اجتي خفت ادخل للصاله
استاذنت الساعه بالوحده طلعت للبيت وهاي الالام بيه مستمره تروح وتجي
العصر رحت للدكتورة فحصتني كلتلي عندج توسع اصبع ونص كلتلي اخذي التحاميل وانشالله اليوم تجيبين
خففففففففففففت اخذهن ضليت الليل كله اطلك وثاني يوم الصبح قريب العصر قررت احط تحميله وحطيته وبددددده الطلوك الطلوك رجعت المغرب للدكتورة فحصتني كالت كبل للمستشفى يحطوله مغذي
رحت الساعه بالتسعه للمستشفى ما انطوني الابره مالت الطلوك الي يحطوهه بالمغذي لحد الساعه ب11ونص
من انطوني المغذي كمت اتمرغل بالكاع واصييييييييييييييحن ياااااااااااااااااااااااااااااااااعلي ياعلي
وكلساعه ذني الطبيبات المقيمات الجدد يتعلمن كل شويه تجي وحده تفحص
ومو فحص عادي كاااارثه
المهم امي اتفقت وي السستر الي تجيب والحمدلله خلت امي تدخل وياي ضليت الوووج اخر شي كلت لامي ودوني سوولي عمليه ما اريد
الساعه ب12 ونص كالت السستر يلا جيبيهه للصاله
صعدوني عالسديه وشلون سديه صغيرونه وبيها حمالات للرجلين ... اني اكصيره رجليه مايوصلن هههههههههههههههههههه وهذي تصيح عليه علكيهن اكوله ما اكدر ما الوح
وهي تجيب بيه كلساع يفلتن رجليه هخهخهخهخهخهخهخخه
تالي ما اعرف شخلتلي ماحسيت بشي فتحتني وكلتلي يلا ادفعي
وبده الشغل انوب كامت اتصيح عليه ولج طلع الراس ادفعي الطفل اختنك موتيييي بعد ما اكدر ادفع كامن السسترات يضغطن على بطني وساعدني دفعته والحمدلله
اوووووووووووووووووووف كانت رحله شااااااااااااااااقه
ياربي ارزق كل محروم من الذريه وبالخصوص علياء وياسمينه ومهاوي وكل منتظره ياااااااارب

اتمنى ماكون طولت عليكم
احبببببببببببببببببببببببببكم

[ام علي العابدي]

الففففففففففففففففف مبرررررررررررررررررررررررررررررررك الولادة والحمد لله على السلامة ان شاء الله يحفظة الله من كل سؤ وكرة عينج وعين ابوه

[&ام همام&]

[طوق الياسمينة]

مبروك منوش ويارب يخليلجياه وتفرحين بيه وبجهالة ياااااااااااارب وينطيج الصحة ..هاي التعين فال خير عليج ذكرتيني اني امي هم قصتها جان قربة من قصتج...تسلمين ياوردة على الدعوة الحلوة...منوش سويها هية مرة بالعمر حتى لتتندمين وخوش هدية حلوووووة
حنوشة شلونج ياوردة
ام تيومي هاي الفلاونزا لزكة اذا جتي للواحد
سيلا وعلاية شخباركم

[طوق الياسمينة]

طبعا على الهدية قصدي ميوش مو منوش خطا مطبعي ههههههههههههه