【ツ】أحلى تجمع لأحلى حوامل التوائم 【ツ】 ‏الجزء الثالث

[ниō]

الراجيه وبنت الحسب ..
االله يعوضكم بكل خير وويكتب لكم الاجر الجزيل .. ربي يجبر مصااابكم
والله قلبي يعورني ودي اعرف وش السبب .. احس انه من الحضانه :(

[اميرة الورد ~]

صباااح الخيييير
بنات ابي اعرف وين احسن دكتورة بالمانع ؟
حابة اراجع عندهم

[ниō]

رامان الف مبرووك اختي .. الحمدلله ع سلامتكم جميعاااً

يمممممه خفت احس اني بوجه المدفع الان مافيه احد سابقني :(
باي اسبوع ولدتي وكيف ولدتي واوزانهم وجنسهم وشعورك ~

[umnora]

السلام عليكم
عندي سؤال بخصوص الحمل بتوام
هل في بداية الحمل حسيتوا بثقل والتنفس شوي صعب ؟
انا في بداية الثاني والثقل عندي قوي ومن اسوي شي اتعب ويصير تنفسي صعب هل يدل هذا اني حامل بتوام لو مو شرط
هل صار عدكم اوجاع بل الظهر اول ماتصحون من النوم والبطن هل تكبر بشكل ملحوظ ؟
لما اصحى من النوم يصير عندي اوجاع بظهري وطول النهار وبطني الي يشوفني يقول بلثالث او الرابع هذا حملي الثالث اول مرة يصير معي مثل هيك شي
اتمنى استفاد من خبرتكم واذا احتمال يكون توام افضل وقت اسوي سونار على شان يبان الحمل باي اسبوع
وتسلموا مقدما

[Haif]

بنت الحسب
لله ماأعطى ولله ماأخذ ربي يربط على قلبك ويصبرك
و ربي يحفظ لك الثاني ويرده لحضنك وشيء طبيعي أنه مايقدر يرضع الا بأنبوب انتي بس تحصني عليه و استودعيه ربك

وربي يحفظ لكل الحوامل اجنتهاا يارب


أم نوره
الاعراض اللي تحسي فيها ممكن تكون لحمل بتوأم او حمل واحد لازم تتاكدين بالسونار علشان تقطعين الشك باليقين اتوقع يبان بالاسبوع التاسع انا بان بالاسبوع السادس بس بالسونار المهبلي

[غلا القلب]

بنت الحسب


قدر الله وماشاء فعل وربي يجعله لكم شفيج لج ولوالديه ويحفظلكم الثاني ومثل ماقالت هيف حصنيه واستودعيه ربك والله خير حافظ وهو ارحم الراحمين

[رامان]

الشرف الرفيع///
تفاجأت لما قرأت إنك ولدتي ربي يكمل فرحتك فيهم يارب
وزوجي نبارك لك بخروجهم من ألحضانه انا ولدت الخميس
متى كانت ولادتك إنتي؟



بنت الحسب///
الله يجعله شفيع لك ولوالده
وبإذن واحد أحد تفرحين بسلامة الثاني



باقي البنات 0000أقصد الكروشات<<<فيني نذاله

الله يبارك بعمركم وإن شاء الله بنزل لكم أكشن الولاده
وكوميديا الولاده ودراما الولاده بعد نص ساعه

[رامان]

ولادتي كانت أكشن ودراما وكوميديا

تاريخ الولاده 26/7/2012

يوم الخميس

الساعه السادسه مساءا

آخر يوم في الشهر الثامن

توأم //ولد وبنت



بدأت الأعراض معاي قبل الولاده بثلاث أيام وماكنت أنتبه

ويوم الخميس قررنا أنا زوجي نطلع نتمشى نروح كوفي

أختكم في الله طبعا دخلت أخذت شور وجففت شعري

ولبست كأني رايحه زواج وطبعا أنا كان كل همي

من زمان إنو لازم أكون بكامل أناقتي وأنا أولد

هههههه لبست مثل ماقلت لكم طلعت من البيت

الساعه تسعه وحنا بالطريق للكوفي زوجي صمم

إلا نمر المستشفى بالطريق حاولت أقنعه إنه مافي

وقت عاندني وأخذني المستشفى دخلت على رجولي

بالغصب وكل شوي احتيال على زوجي وأقول أو ووف زحمه

شوي او ووف حر احس نفسي دايخه من الكتمه مافي هوا

لكن مافي مفر لما قلت كتمه ماصدق خبر وقام عمل اإتصالاته

وقدم دخولي للدكتوره فاهملي هههههه يدري أبي الفكه

من المستشفى المهم دخلنا للدكتوره حكيتلها عن كل الأعراض

اللي جاتني مويه وألم ظهر وألم على أسفل عظمه يعني

ضغط على عظم المنطقه من تحت ما أقدر أتحرك منه

حطتني سونار وبعدها كشف داخلي وهزأتني

قالت كل هذا وتقولين مافي ألم والصاعقه إنه الرحم*

فاتح 6 سم وتتصل عليهم يجيبون*العربيه ليا طلعت

لزوجي بالعربيه إنجن لما قلت له ولاده هنا هو إعترض

قال خلينا نروح نمشي بعدين أرجعك والعكس صار

إنه أنا اللي رفضت أخذوني قسم الولاده وجابو لي

لبس الولاده أهم شي إنه شياكه لونه بينك وأنا أموت

بالوردي شعوري لايوصف بين شوق وفرحه وهدوء

في الأعصاب الحمدلله ماكنت خايفه من الطبيعي

وخفت يقولون عمليه ركب لي التخطيط وتركوني

يروح الألم ويجي للبكريات طبعا تقولون كيف الألم

( الم بالظهر ماتقدرين تنامين على ظهرك وأنا

عموما كان طليق بارد )

ومن الساعه تسع ونص بالليل*

إلى ثاني يوم الساعه عشره الصباح قامو عطوني

طلق صناعي ولوني أمشي ومافي أمل الطلق بارد

ومافيني ذاك الألم آخر شي قررو يفتحون الكيس

لأن الرحم وصل بس 8 سم فتحو موية الراس ونفس الشي

قالو عمليه هنا أنا بكييييت وافقت على العمليه من الألم

جا زوجي من عمله طاير مايبي عمليه وأنا من الألم صرت

أقول أبي عمليه ما أدري إن هذي ألام الولاده وأصر زوجي

على الدكتوره ترجع تكشف داخلي وهي تناديهم بسرعه

ويرجعو يعدلون لي كرسي الولاده وهي تضحك ووأنا

أتألم تقول الله الله صوت الآه دي زي الموسيقى ترفع الضغط

وجلست تقرا سورة الزل له والكرسي وانا أقرأ والحمدلله*

وصرت كل ما حسيت بالألم أكتم نفسي كأنك وأنتم بكرامه

معاك إمساك ولا زم ماتقضبين على عضلاتك وسبحان الله

مع إن الطلقة فيها موت بس لما تكتميها ما تحسين فيها أبد

وبعد دقيقتين من تعديلها للكرسي لا إله إلا الله جاء ولدي للدنيا

وبعده بدقيقه جأت بنتي عسولتي فتيتهم الله لا يحرمني منهم

ويفرحون كلكم في ما أعطاكم ربي بدأو يطلعون المشيمه

وينظفون الرحم وبدأو خياطه وخلصو وأهم شي الدكتوره

حقتي جابتلي محاشي بعد ولادتي من كثر ما فرحت فيني

بعد الولاده والخياطة كنت خلاص دايخه خصوصا إني*

من قبل أدخل المستشفى ما أكلت شي وصوموني

فإنهد حيلي بالولاده طلبت أدخل دورة المياه مع إنهم

ركبولي القسطره فأخذوني غصب عنهم خافو علي

لأني تمركزت عليهم او قبل أدخل دورة المياه طحت*

وصارو يصحوني يكبون علي مويه صحيت لقيت على

شعري مويه إنقهرت لان الشياكه راحت هههههه

طبعا اوزانهم كانت فوق 2 كيلو جلسو بالحضانه

خمس أيام طبعا لأني كان في وقت طويل قبل الولاده

قدور يعطوني إبرة الرئه للمره الثانيه

هذي قصتي وأي سؤال أنا بحاول أكون موجوده

والعقبال لك هنو وأحلى توينز الحين إنتم بوجه المدفع

وتقومون بالسلامه وقبل أنسى دعيت لكم كلكم

لااااااااعدمتكم

[رضاك ربي]

هههههههههههههه صراحة اكشن ممتع تبارك الله والحمدلله ان ربي يسر امورك وربي يقر عينك بسلامتكم يا ام الشياكة قبلاتي للقمرين

[انا الله معا الصابرين]

رامان/ فديتك والله عن جد اكسن خخخخخ / الحمدلله علا سلامتك مره ثانيه وسلامه التوينز / والله يخليكم لبعض يارب
بنت الحسب/ قدر الله ومشاء فعل/ الله يخلي لك الثاني ويشافيه يارب ويفرح قلبك فيه