تجمع مواليد من عمر شهر الى سنة

[مشاعل الدوسري]

حبيبتي اهم شي مايكون في التهاب والله يعينك

الدواء يخليه يطررش
عشان يطرد البلغم مع التطريش حبيبتي
و الله يعينك .. بيكون قليل النوم ..
و يبكي .. تحملي ياخيتي

[اجوان]

مامات ذو الحجه فينكم :((
ليش يفرقووناااا :""""((

[أم ح ــنونـہ]

الصمت عشقي
كيفك حبيبتي شو اخبارك
ما يشوف شر ولدك معافى
انا ولدت طبيعي والدوره جاتني بعد الاربعين بيوم واحد الحمد لله اذا كان هذا قصدك

[أم ح ــنونـہ]

اجوان
عادي ياقلبي كلنا تفرقنا من قبل :(
بس الف شكر لـ 4يو عملت هالتجمع عشان نتلافى فيه ^^

[مرهفة الإحساس]

والله 4يو تسلم يدك حبيبيتي انك سويتي هالتجمع ان شاء الله ليكي أجر

[مرهفة الإحساس]

حبيبيتي انا غير انا بديت اعطي لريماس زبادي المراعي بالعسل
بس طبعا يكون عسل اصلي

[الصمت عشقي]

شعوله
حنا مانشغل دفايه بيتنا دافي
وغير كذا ولدي عنده بلغم بس الحمدلله ماعنده كحه
والدكتور قالي مايصلح اعطيه اي دواء لان عمره اقل من شهرين

[المذهلة]

كيف حالكم يا أمهات ؟؟

الصمت عشقي

أنا ما جاتني الدورة هالمرة ما أدري ليش خخخخ
بس أحسن لي نسيت ألمها و أنا فترة الرضاعة ما تجيني إلا بعد سنه أو سنه و كم شهر

و بالنسبة لولدك
عطيه يانسون بدون سكر و لا شيء أغليه و شربيه إياه

أنا ولدي صار عنده بلغم و وديته للدكتورة و عطته علاج اسمه إزولفين طارد للبلغم

طبعا تو عطتني اياه اليوم و ما بعد تطلع نتيجته ننتظر كم يوم

بس ولدي عمره أربع شهور فما أدري إذا بيعطون ولدك لأنه أصغر شوي لكن ما نقدر و الله نتركهم البلغم يضايق وقت النوم حيل

الله يعين و إن شاء الله يعدي البرد بسرعه لأن أمراض البردمتعبه حق الصغار كثير

[المذهلة]

مرهفه

بس كأن بدري على الأكل

خصوصا الزبادي على ما سمعت ان ما يصلح تعطينه الطفل من البداية

أنا أطفالي الأثنين اللي قبل عطيتهم سيريلاك في عمر أربع شهور

بس هالمرة بنتظر لأن الكل صار ينصح بالإنتظار إلى عمر ستة شهور

الله يخلي لك بنتك ...

[@@الجوووري@@]

احم احم ادخل هنا عادي خخخخخخخخخخخ


السلام عليكم وش اخباركم