دردشة حوامل أهل القصيم - دردشة بنات القصيم - تجمع حوامل القصيم

[أم أرين]

كروشات بسألكن ...بس مستحيه منكن ...
س: الدكتوره يوم السبت قالت بسوي لك كشف داخلي .... فهمتو .. عشان أشوف الرحم مفتوح أو لا وأنا رفضت مستحيه منها وش رأيكم أسوي أو لا ؟؟
س : أنا استخدم العطور وسمعت أنه يسكر الرحم إذا كان مفتوح ودكتورة تقول معك طلق بس بسيط ؟؟ وش رأيكن ؟ وش أسوي عادي أشرب مره؟

[جنة حبيبي]

ام ارين انتي بكريه.... شكلك عمرك ماسويتي كشف مثلا تاخذ منك مسحه تشوف عندك التهابات اولا
بالعكس ياقلبي خليها تشوف وابعدي عن العطور احسن لك والمره مااقدرأفيدك

[حمرة الورررد]

بنات انا استخدم العطور واعطر غرفه انتظار الولاده واعطر كل شي حوليني <<< مهوووسه مب صاحيه
بس تراه ما ياثر لا تخافو وازا دكتورتك طلبت تسويلك كشف لا ترفضي ومدامها طلبتو يعني انشاء الله ما يضر وهي ادري

[dlo0o0o3h]

الله يتمم عليكم يااارب

[أم ابني]

ملكه القصيييييييييييييم ـ انا ابغى ارقام اللي ياجرن شغالات وياليت تكون بالشهر ناويه اجيب وحده اذا ولدت ...بليز ارسلي لي الارقام ..

[ام رووولا]

المشاركة الأصلية كتبت بواسطة أم ابني

ملكه القصيييييييييييييم ـ انا ابغى ارقام اللي ياجرن شغالات وياليت تكون بالشهر ناويه اجيب وحده اذا ولدت ...بليز ارسلي لي الارقام ..

هلا اختي (ام ابني)الحين الي ياجرون اختفوا لانهم مشددين الرقابة عليهم...

اختي ام ارين خليها تكشف عادي هي ادرى لان لوفيه خطورةماقالت لك..ياماويامادخلن يديهن..
وبعدين ليش مستحية؟؟؟يعني اذاولدتي راح تغطينهااههههههه
ولاتنسين طمنيناعليك...
يارب تطمننا على اختي (ردينة)

[اشتياق]

مساؤو كروشات
الله يسهل عليكم خوفتوني جنة حبيبي وام ارين
يارب هون علينا الحمل ومتاعبه واكتبلنا الاجر يارب ..

ام ارين اشربي قرفه او زيت خروع وان شاءالله تتسهل
وبسالك عن الددكتوره نوال اللي بالوفاء تنصحيني فيها
ومن اللي شاطره بالسونار عندهم ..

[اشتياق]

يابنات صارلي اسبوع ماقدر اتعشى
احس بامتلاء وشد وكن بطني بينفجر
والم في السره وحواليها مدري طبيعي ولا ؟؟
باقي يومين وادخل الرابع

[ام كادى]

مساء الخير
على جميع الكروووشاااات
وكيفكم مع الحمل انا شاء الله بخير
وكيف ام ارين مع الطلق والمغص انا اشوف انك تسوى كشف عادى
مو هى الدكتور ةادرى ياقلبى ومو معقول تخاطر بصحتك انتى والجنين
واما المرة انا ما انصح فيها ابد اتركى هذا الامور واناشاء الله ينفتح الرحم بدون
هذا الخرابيط والله اعلم
وعلى فكرة انالى فى التاسع اسبوع وكل مرة احس بمغص بس مالى الاالصبر
والله يتمم على الجميع بخير
تقبلى منى هذة النصيحة ودمتى سالمة

[أم أرين]

مرحبا .. كروشات ....
الله يجزاكن الف خير على الرد ( أم روووووووولا و اشتياق و دلوعة و أم كادي وجميع الكروشات ) الله يخليكن لي ويتمم عليكن ويرزقكن الذرية الصالحة ...
أختي ( اشتياق ) د/ نوال ماعليها بس طبعا فيه أحسن منها د/ علا ود/ حوريه بس عليها زحمة والله بعد نوال زحمة أنتي روحي جربيها بالنسبة لي رتحت لها ..
أختي (أم كادي ) ياقلبي والله تعب مغص والم الظهر الله يسهل علينا ...