دردشة حوامل مصر - دردشة بنات مصر - تجمع حوامل مصر

رنا خالد · 01-03-2011, 10:15 AM

انا ولدت قيصري يابنات بصراحه مش متعب زي مانا كنت متخيله هو بس مشكلته اول يومين بيبقي في الم بيجي ويروح مع المسكن بيخف خالص
انا الدكتوره كشفت عليا نسا قالتلي انتي هاتتفتحي من تحت مش اقل من 5 غرز فقلت فتح بفتح خليني في البطن احسن كان ممكن اخد دوا يوطي ضغطي بس انا بصراحه استعجلت اني اشوف بنتي وياريتني ماستعجلت علي الروشه هههههههه انا اللي جبت ده كله لنفسي دلوقتي بقول ياريتها ترجع بطني تاني اه والله

MALAK2010 · 01-03-2011, 10:15 AM

ماشاء الله
تبارك الله احسن الخالقين
عسولة ماشاء الله ربنا يباركلك فيها يااااااااااااارب

MALAK2010 · 01-03-2011, 10:18 AM

رنا :بلاش تقولى كدة دى نعمة من ربنا ربنا يباركلك فيها
ممكن تشغلى جنبها قران او تقري قران جنبها او ترقيها
وهى هتبقى هادية وجميلة

MALAK2010 · 01-03-2011, 10:19 AM

طيب الدكتورة لية هتفتح 5 غرز انتى ماكنتيش بتمشى فى التاسع ولا اية
هو الطبيعى مابيكونش فية غرز ؟؟؟؟اصلى ماعنديش خبرة بموضوع الولادة خاااالص

رنا خالد · 01-03-2011, 10:22 AM

والله بعمل كده ياملك بس هي المشكله في المغص بعد كل رضعه بتقعد تتمغص جامد
ربنا يهديها وبصراحه ساعات بتلاقي نفسها فاضيه ومش لاقيه حاجه تعملها فتقرر تعيط شويه بتحب تسلي روحها هههههههه طالعه لامها اصل انا احمد مسميني سعديه النكديه طول فترة الحمل كنت بعيط ودي النتيجه يلا الحمد لله
اسيبكم انا دلوقتي الحق اخطفلي ساعه قلب ميعاد الرضعه الجايه
ادعولي اعرف اغمض عيني لحسن انا مانمتش من امبارح غير ساعه ونص وحاسه اني فصلت شحن ونتقابل بعد وصلة النوم اللي انا هاغرق فيها
فاصل ونواصل ياقمرات ان شاء الله

بقلظة · 01-03-2011, 10:24 AM

ربنا يبارك لك فيها يا رنا

رآيك يا رنا اقول للدكتورة تولدني قيصري والا اسيب الامور ماشية لغاية اخر التاسع

انا اخر يوم في التاسع يوم 19 في الشهر ان شاء الله

رنا خالد · 01-03-2011, 10:24 AM

مافيش حد بيولد الا ولازم يتفتح من تحت ياملك ده من زامن الحكاية دي من ايام امهاتنا اصلي مامتك وهي هاتفهمك موضوع الفتح مالوش دعوه بالمشي خالص
ده لازم حتي ايه يعيني اتفتحت وبتعاني من الجرح لحد دلوقتي ربنا يعينها

بقلظة · 01-03-2011, 10:26 AM

باين يا ملك الفتح ده لازم في الولادة سواء طبيعي او قيصري

ربنا يسترها

بقلظة · 01-03-2011, 10:28 AM

في دكتور قال لجوزي كده قالوا فتح بفتح يبقا فتح البطن احسن علشان البيبي

MALAK2010 · 01-03-2011, 10:29 AM

ربنا يسترها معانا يااااااااارب