ديوانية البحرين - دردشة حوامل البحرين - البحرينيات

ام حسين الدار · 03-08-2011, 11:55 AM

تسلمي ياعمري لااحناتوه الحين اذن اظره دعواتك لاتنسيني ساعه الحين11.55

rose soul · 03-08-2011, 03:01 PM

مسائي الخير عليكم
شخباركم دبدوبات؟ورشيقات مثلي خخ :p??
بنوتة..بعد جبدي ما بقيتي الا انتي..الله يسهل لج ياااااااااااااااااااااااارب
..
شكله هالحزة ماكو نفر هون
بقول لكم سالفتي البارحة
امس يه زوجي بيبات معاي..عاد وكنا مستانسين..بس بعدين صار سوء فهم..وصارة مشاذات كلامية بينا..وبنتي راقدة..بعد جبدي..وبعدين انا ما استحملت قعدت اصيح ..قامت تنزل دموعي وما اجوف الا بشورة..بعد تصيح ..وتصرخ..مادري حست بأمها..وحملتها الا ثنتينا نصيح..عاد بعدين زوجي خاف وتسامح مني مع اني الغلطانة هههه
يقول تعاونتو علي ثنتينكم هههه
تصدقون اول مرة اجوف بشرى تكون راقدة في اعز نومها ومرة وحدة تصيح بدون مقدمات..
اجوفكم بعدين..دام بشورة عند الماما الحين..باخذ لي غفوة محارب

شمس الصباح · 03-08-2011, 03:11 PM

سلام على جميييييييييييييع البنات حوامل وامهات

احلام ام الحمد لله على سلامة مريضتكم وان شاء الله يثبت حملها يا رب ويتمم عليها وعليش وعلى جميع المؤمنين والمؤمنات

مبروك ام الساده واخيرا وصل السيد الصغير ربي يجعله خير عليكم وعلينا
بنوته ان شاء الله نسمع اخبار عنش حلوه وربي يسهل عليش
فلونة نطري الجو يعتدل واخذي ملابس صيفي وردي الي نور حياتش لان ملابس الصيف يهبلون اني ملابس ملاك كل وردي وشتوي
اقول حنووون ويش اخبارش مع علاوي المفروض الحين رحتين شقتش شنو اخبارش مع علاوي اكيد تسوين تجارب عليه
خاطري في حروف من زماااااااااااااان ما دخلت اظاهر مشغوله حدها او نستنا
يالله اشوفكم بعدين وراي تدريس اليهال قبل لا تقعد ملاك

طفلي حياتي · 03-08-2011, 04:29 PM

السلام عليكم
مساكم الله بالخير
شخباركم وشخبار دبيبكم ياحوامل وشخبار يهالكم ياوالدات
روز خلف جبد امها هالسعنونه تهبل ومن الحين متحيزه لش لا راحت على الابو منكم ثنتينكم هههههههه
شموس شخبار وردتنا اليوم؟؟ وصدق حروف كله تيي على بالي لكن نستنا شكلها خلاص من ولدت واليهال كبرو نست ربي يسلمهم اهم شي بخير وعافيه
روز بنت بلادي ودوها اليوم بعد مناك مسكينه ههههههههههههههه يا الله ننتظر رجعتش المغرب
ام خليل ويش هالحاله مابينتين لوي مانقدر نستغني على لجل امشيييي
احلام ام ربي يفرج لاختش ان شاء الله واني اقول عملية الربط ضروريه وانصحيها تذكر الدكتوره ان يكون ربط من فوق مو العادي خلها تطلب هالشي لان مرت ود خالتي تعرفها ام خليل اول مره حملت وعنقها قصير ومسوين ليها ربط عادي نزل البيبي في السادس ومره ثانيه باللي ولدته هذا ربطوه من فووووق وقالو كان المفروض نربط من اول من فوق بس عقب ماخسروها الجنين الاول .. فأنتين خبري اختش بهالشي تطلب ربط من فوووووق الاصعب من العادي بس تضمن ثبات الجنين والحافظ الله

حنين للماضي · 03-08-2011, 04:37 PM

السلام عليكم
شخباركم حبايبي؟؟؟
علاوي الحمدلله صار اوكي والطريقة نجحت 100%
اني يوم حطيت حليب في خشمه بس جدي عشان اذا سألتني عمتي مااجدب عليها بس الحمدلله نفعت معاي وتصدقون طلعت طريقة علمية بعد بحثت في النت وفي طبيب كان ينصح بهالطريقة وكان يقول لأن حليب الام يحتوي على جميع المضادات الحيوية اللي يحتاجها الطفل وماضره مو نفس الادوية اله لها انعاكاسات سلبية على حديثين الولادة
سويت له بخار بعد مرتين امس
لك الحمد ولك الشكر يااااااااارب

شموس بعد عمري شخبار ملاكي؟؟
اخذتي تحاليلها؟؟؟
ازمة وتعدي حبيبتي بتكبر وبتنسين كل هالمحن بجوفين
ياااااارب يلبسها لباس العافية ويدفع عنها كل سوء
وعلى فكرة اني من يوم في بيت ابوي كنت بروحي لأن امي اضطرت تسافر مع ابوي لأهلها واني في الاسبوع الثاني واختي متزوجة وماعندي غيرها بس ظليت هناك عن الدرج
الحمدلله احس روحي الحين صرت اعرف لعلاوي تقريباً وصرت اميز متى جوعان متى في نومه ومن هالامور

ام السادة الف الحمدلله على السلامة
مابغى يطلع هالسيدان
الله يخلي لكم ان شاءالله
يلا عقبال بنوتة انشاءالله

روز شخبار بشورة وشخبارش مع السهر؟؟
وترى فعلاً يقولون نفسية الالم تأثر على الطفل
من جدي ماينصحون اذا وحدة معصبة لو متنرفزة ترضع البيبي

احلام ام, طفطوفة, روز 2, صعب, ام خليل,ام حسين الدار, قلب احمد وباقي الشعب شخباركم؟؟

حبيبة حسوني من زمان مابينت بعد
حروف خوب شكلها نستنا
بنت الاياويد مسكينة انشغلت جامعة وتريننق
وام حماني بعد من زمان ماجفنا طلاتها
ياااااارب يكونون بخير مع بيبتاتهم

شمس الصباح · 03-08-2011, 04:45 PM

هلا طف طووف ملاك سهرتني سهرة حلوة وفوق السهر جيت برضعها من طلعت صدري الا مفزعه المكان اني طفرت من مكاني خفت ومن خشيته مكانه سكتت هههههههههه تقول مطلعه اليها وحش بعدين عطيتها حليب صناعي اشوفها احيانا تشرب من صدري عادي واحيانا تحمس ما تبغيه مع اني ما ارضع قدام احد

شمس الصباح · 03-08-2011, 04:52 PM

الله يسمع منش حنووون يا رب تطلع التحاليل زينه وارتااااااااااح
بس بعدي ما رحت قلت بتاخر الي اسبوع الجاي افضل علشان ينزل ابو صفار اكثر او يختفى مرة وحدة ويرتفع دمها وكل شي يصير طبيعي

طفلي حياتي · 03-08-2011, 05:19 PM

حنونهلا والله ذكرتيني بقصه يقولونها عن يدتي الله يرحمها علويه وآبائها تقريبا علويين الى 14 جد المهم كانت مبروكه هالمره الله يرحمها وايجونها المرضى تقرا عليهم وواحد منهم عيونه مادري وشفيها قطرت حليب وعطته امه تخيه في عيونه وتشافى من بعد ماكان تقريبا عمى وسمعت قصص وايد عن حليب الام وله علاجات وايد
شموس ترى بتش محتاجه تحصينات بستمرار ووقت الرضاعه صلي النبي واقري المعوذات ونادي عليا وفيه شي حلو ذكروه العلماء الوضوء قبل الرضاعه اذا لش خلق سويه وان شاء الله ماعليها شر وتتقبله بدون هالسالفه

طفلي حياتي · 03-08-2011, 05:22 PM

شموس كله ايي على بالي اسألش قط مره رحتين بيت يدي تتسمعين؟ قريب منكم هوو العصر يقرون

ام حسين الدار · 03-08-2011, 05:39 PM

ياهلا اختي حنين الماضي اني ابخير والحمدالله احس وضعي مستقر وحس ابرفسات خفيفه مو مثل قبل الله اسهل على الجميع ولايحرم احد يارب ياكريم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM