دردشة حوامل الأحساء- تجمع بنات الأحساء - الحسآويآآت

[نغم]

حبيتها ملبوس العافيه بس منين أختيها وبكم

[جنة ساكنها حبيبي]

وينك نغوم شفتيها؟؟

جالسة ادور لك على الفاتورة عشان اشوف لك السعر

بس ماشفتها على العموم مو غالية على زوجك اهم شي يفرح فيها

وكتبت معها شعر فللللة

دقايق اكتبة لك

[نور قلبي اطفالي]

السلام عليكم

اخباركم بنوتات الحلوات .. مباركين عليكم الشهر

وباركوا لي رحت المستشفى وسويت سونار والحمدلله طلعت نفس احساسي بنوته حلوة والحين انا في نص الخامس واااي فرحانه ..

بس اللي مكدرني عندي فقر دم واصل الى 9,01 متحطمه كلش

[نور قلبي اطفالي]

ههههههههههه

حتى انا اللينك يعجبني مخصص لزوجي لشميته اتذكر حبيبي ..

وحتى عنده برستيج من ايام الخطوبه يهبل

[جنة ساكنها حبيبي]

اخذتها من بيت الامراء اللي بشارع الماجد بالسويق

وهذا الشعر

مهما هديت من العطر وازرق "العود"

ومهما هديت من الذهب و"العطايا"

ومهما يميني مدت الطيب و "الجود"

أنت الهدية يوم اعد "الهدايا"

تراني احبك ماتبي حلف وشهود

يشهد علي ربي جزيل العطايا

وصلي على محمد وآل محمد

ها وش رايك

طبعا انا كتبتها في بطاقة من هدايا بس في مكان بعيد

[نغم]

فعلا جنون ما في شي غالي عليه بس هم انا ميزانيتي مضغوطه شوي عطاني فلوس بس مو عارفه أقول له عطني زياده
هلانور الله يخليها لك حبيبتي كلي الخضره والملفوف كل هالأشياء كويسه للفقر
أنت كم عندك من العيال

[نغم]

حلو الشعر ها انت مألفته ولا لا

[جنة ساكنها حبيبي]

لا مو انا وحدة من عايلتي مألفيتة لي

هلا نور الله يتمم لك على خير

وان شاءالله تقومين بالسلامة

اكلي سبانخ ترفع نسبة الدم

وكثري من السلطة والطماطم

[نغم]

أها انا وحده احب أكتب الشعر بنفسي وأكثر شي الخواطر والله شكلي بتكل على الله وبطب العثيم وبشتري له ساعه

[جنة ساكنها حبيبي]

لا انا اقولك روحي السويق

لانو اللي بالعثيم بينصوبنك صح عشان انو الفرع بالعثيم

روحي اللي بشارع الماجد عشان السعر يناسبك