دردشة بنات ليبيا , دردشة حوامل ليبيا , تجمع بنات ليبيا

[اوشي]

شمسة صاح اللي صار امس يقهر يقهر يقهر ... بس لا تقنطي من رحمة الله

بلكي اللي صار هظا هي اللي بتصحي المسؤلين عن الامن من غفوتهم الطويلة

[اوشي]

وانا من اول ما جاني راجلي يجري وقالي تعالي شوفي ... قلت هذه ليست ايادي الليبين

اللي تقتل في اطفالها وقعدت انعارك

وطلعو اثنين تجار سلاح راكبين في السيارة اللي انفجرت .. كان غير انفجرت بيهم بعيد في مكان مش هذا

[شموسه 88]

اهلين حبيبتي اوشي الله ايسلمك ما فش حد من العيله انضر من الانفجار لي امس
انا طبعا كنت معزومه عل لمه مرات صاحب زوجي كنت نبي نبدا نستشور شعري اتصل بيا زوجي عل ساعه 3 قالي حطي عل قناة ليبيا الحره انفجار في مستشفى الجلاء يعلم ربي كيف انقهرت وانهرت في مكاني او وجعني مناظر الاشلاء لصغار اتصلت ابزوجي منهاره نبيكي قتله طلعني من شقه جاء شالنتي لحوش هل داري قعدت غادي ماروحتش الا عل 11 في ليل
نضت مقدرتش نمشي عل اكراعي بلرغم مانذكرش روحي خبطت فيها ولا طحت

[شموسه 88]

ان شالله ياربي بعد هطا كلااتجيهم الصحوه واينوضوا

[اوشي]

نحنا الليبيين جميعا من شرقنا لغربنا وجنوبنا لشمالنا ... مستحيل نفكرو انديرو هكي

تي حتى ايام التحرير ما داروه جماعة معمر فينا تذكرو السيارة المفخخة اللي حطوها جماعةمعمر

احذا فندق في بنغازي حطوها بعيد وحتى اضرار مادية ماصارش

انا فعلا مع انهم تجار سلاح ويستاهلو ماجاهم غير يقهروك الابرياء

اللهم لا اعتراض

[اوشي]

باهي شموسة الحمد لله ان عيلتك بخير .. وكرعيك هذي من الفجعة ياحبيبة

[شموسه 88]

سامحيني اوشي جتني جارتي تطمن عليا قعدت انهدرز امعها

[شموسه 88]

والله الواحد قعد ايخاف يطلع لامكان العامه


ياربي الطف بينا

[شموسه 88]

اليوم الحمد لله حني امروحه من تونس داريلها عمليه بتريلها مشطة اكرعها ياربي ايعوضها خير ان شالله في عشيه نمشي ان شوفها

[شموسه 88]

تو نستاذن منك اوشي او حمدلله عل سلامته هلك او ناسك