تجمع رعاية المولود من حديثي الولادة إلى شهر 3

[ملكتني بهمسك]

المشاركة الأصلية كتبت بواسطة يارحيم

ليه بتفصلونا؟؟ متونسين سوا هنا اغلب التجمع هنا مواليد صفر ومحرم

توني استوعب قصدك محرم الجاي لانك حاطه 1434!

هذا التجمع للكروشات الجدد وماعليك بافتح كمان تجمع لكروشات صفر الشهر الجاي محد بيفصلكم
والان عدلته 1435 ولا تزعلي ومشكوره على التنبيه

[ملكتني بهمسك]

المشاركة الأصلية كتبت بواسطة شوق جدة

ملكتني............اهلين كيفك ياحرمة؟؟؟؟الله يعينك الاشراف تعب...........ماعاد تفضي تشاركي معانا.......[/color][/size]

فديتك روح من سال عني تسلمين والله انتي ادرى نونو ومنتدى وعيال ومدارس وابوهم كوم ثاني الله المستعان وربي مايمدي احك شعري واغيب شويه وارجع الاقي الرسائل على الخاص مليانه ولازم اجاوب على كل رساله وكل موضوع مساكين الله يفرج عليهم زينا الي خايفه من الولاده والي تعاني من الخياطه خليها على الله الله يقدرني واساعد الي محتاجني ما ابغا الا الاجر
جزاك الله خير على سؤالك

روعه النسيان ومشاعل واثري ولييتا وباقي الكروشات اعذروني على تقصيري معكم وفديت الي يسالون عني

[يارحيم]

ملكتني الله يكون بعونك وياجرك غلى حبك للمساعده :) انا لما شفت 1434 فهمت غلط حسبت انه تجمع للي ولدو بمحرم وهم هنا معنا :) لما عدلتي التاريخ فهمت انه حق حوامل :) الله يهون عليهم يارب..

زينب سلامت ولدك الف سلامه كله الا الصياح ياربي يغث ويضيق الحيله انا ولدي فتره الفجر والصبح كل يوم صياح ومن يومين صاير طول الليل بس صرت اعطيه فطرة المغص مع كل رضعه وكني حسيت ان صياحه خف خليني اشوف الليله وش بيسوي..

رسال موعدي مع الدكتورة الثلاثاء الجاي وبنتظر لين الموعد لان الالم بدا يخف شوي شوي ويمكن ارجع اتحسن بنتظر لين الموعد واشوف وضعي كيف واقولها بالضبط وش اللي صارلي عشان افهم وش المفروض اسوي الفتره الجايه عشان ما انتكس.. عجبتني فكرة انتظر شهرين يمديني ارتاح زياده واخف واتضبط بس زوجي حاسب التاريخ وينتظر مارح يقتنع ههههههههه بالذات ان العلاقه مقطوعه من الثلث الاخير من الحمل!!

مشاعل انا ودي افهم هالحريم على اي اساس قررو ان ماعندك حليب يكفي؟ يختي اكره الفسلفه واللقافه.. لا تزعلين من دفاشتي.. اللي يحدد حليبك يكفي ولا لا زيارات الدكتورة وزيادة وزن بنتك.. اذا الدكتورة ما قالتلك ان زيادة وزن بنتك اقل من الطبيعي وان عندها مشكله معناتها ان بنتك ترضع اللي يكفيها.. والحمدلله مافيه احسن من الحليب الطبيعي!! وعلى فكرة اذا بنتك تستنكر وتخاف من صغرها هذا يدل على ذكائها ما شاء الله تبارك الرحمن.. لان اللي بعمرها واصغر بالعاده مايدرون عن اللي حولهم وما يحسون بشي ولا يفهمون.. اذا كبر الطفل يبدا يفهم الخطر والغريب ويبدا يخاف ويستنكر.. بس ماشالله بنتك سابقه وقتها وهذا يدل على ذكائها الله يحفظها لك :)

[يارحيم]

بالنسبه لي انا وخلودي.. كنت اعطي خلودي قطرة المغص مرة او مرتين باليوم وما كان فيه تحسن يذكر كثفتها وخليتها تقريبا مع كل رضعه وبحاول ادور له يانسون ولا كراويا مادري وين احصلها هنا.. والشي الاهم ان زوجي قالي لا تاكلين تمر يمكن هو اللي يسبب غازات له!! من اليوم وقفت التمر وبشوف..

اما بالنسبه لي انا.. المفروض اليوم 39 من النفاس واعتقد جتني ذيك اللي تقرب للنفاس اختها مدري امها.. انا نفاسي كان خفيييف لاني عمليه ونظفو الدم.. يعني نزل دم اول الايام بس وبعدين وانتم بكرامه عدم طهارة ونقط دم من فتره للثانيه.. فجأة اليوم ينزل دم كثير بالبدايه ارتعت!! قلت وش ذا بسم الله لا يكون من الرشاد لاني اذكر انه ينظف الرحم.. بس ياربي لي اسبوعين اكل رشاد وش المناسبه اليوم.. قمت على طول تذكرت سوالفكم عن قريبة النفاس اللي جتكم بالاخير وقلت اكيد هي.. عاد قلت اشوا خليها تجيني عشان يمتد النفاس شوي ويمديني اضبط اموري قبل اطهر تماما ههههههه

عمليتي كنها خفت شوي.. اليوم ما اخذت مسكن ولله الحمد مع اني طلعت انا وزوجي وحسيت عورني جنبي اليسار شوي بس قلت بتحمل مارح اخذ مسكن.. موعدي مع الدكتورة الثلاثاء الجايه بشرحلها الانتكاسه اللي جتني وكل شي بالتفصيل وافهم منها كيف وضعي الفتره الجايه ولين متى لازم اريخ نفسي بهالشكل؟ احس اني مقيده مرة حتى ولدي صرت احاول ما اشيله كثير عشان ودي اطيب صراحه.. الله يكون بعوني وعونكم يارب..

[ليالي حب]

اعطانى طبيب طوارى قطره مغص للبيبي مااعرف كيف استخدمها اخاااااف يشررق ؟يصلح اضعه برضاعه او يخلط ؟وكم مره تعطوونه منها بليوم ؟؟
وايش افضل يانسون اوو ماء غريب سمعت ماء غريب قوى ع بيبي
افيدوناا

[ليالي حب]

يارحيم كيف عمليتك ؟؟ومتى بدت تعورك وايش عملتى عشان تسبب لك هالالام شلتى شئ او ايش ؟؟ والالم يعنى كنه مغص ولا كيف !!
ومسكن كتبته لك طبيبه ؟
انا تعبت من سفر وبكاء ابنى ..وافكر اشيك لو بخاص ع عمليتى ؟؟ جبت بحكومى


ايش مضاعفات لو عملنا ومااهتمينا بعمليه قيصريه ؟؟

[ليالي حب]

بنات فكرن تاخذوا اي مانع للحمل ؟؟ وايش الى يناسبنا قيصريه اكثر شى

وكم مده مقررين تتركوها لحد ماتفكر بحمل اخر ؟؟؟

[يارحيم]

المشاركة الأصلية كتبت بواسطة ليالي حب

اعطانى طبيب طوارى قطره مغص للبيبي مااعرف كيف استخدمها اخاااااف يشررق ؟يصلح اضعه برضاعه او يخلط ؟وكم مره تعطوونه منها بليوم ؟؟
وايش افضل يانسون اوو ماء غريب سمعت ماء غريب قوى ع بيبي
افيدوناا

اعتقد ممكن تحطين القطرة مع الحليب اقري التعليمات.. انا القطرة اللي شريتها وموية غريب كلها كاتبين انها تنحط مع الحليب بس انا اعطيها اياه بالابره انقط نقطه نقطه واخليه يبلع.. فيه رضاعه صغيره مرة حقت دوا تنباع بالصيدليه اشتريها اذا تبين.. بالنسبه كم مرة على حسب نوع القطرة اقري التعليمات اللي على العلبه او كلمي الصيدليه وقولي له اسم القطرة واسأليه عن الجرعه كيف..

موية غريب انا نصحني فيها الدكتور وتراها اخف من القطرات بكثير.. يعني تعتبر زي الاعشاب انا الدكتور قالي عطيه موية غريب واذا ما فادت كتب لي قطرة للمغص.. ولان مغص ولدي شديد ما نفعت موية غريب معاه وصرت اعطيه القطرة.. اذا خف ان شالله وطاب بصير اعطيه موية غريب مرة باليوم او كل يومين لانها عبارة عن اعشاب وكويسة تريح له معدته من غازات الحليب..

[يارحيم]

المشاركة الأصلية كتبت بواسطة ليالي حب

يارحيم كيف عمليتك ؟؟ومتى بدت تعورك وايش عملتى عشان تسبب لك هالالام شلتى شئ او ايش ؟؟ والالم يعنى كنه مغص ولا كيف !!
ومسكن كتبته لك طبيبه ؟
انا تعبت من سفر وبكاء ابنى ..وافكر اشيك لو بخاص ع عمليتى ؟؟ جبت بحكومى


ايش مضاعفات لو عملنا ومااهتمينا بعمليه قيصريه ؟؟

انا ما شلت ثقيل ولا شي مجرد طلعت السوق لحالي وقعدت ادور ثلاث ساعات وادف عربية البيبي.. مع اني ماكنت احس باي ثقل وانا ادفها بس شكلي ارهقت نفسي وقعدت ثلاث ساعات ادف فضرني..

الالم مو مغص الالم بالضبط نفس اللي كنت اعاني منه اول ايام العمليه اذا تذكرين.. المسكن حق الطبيبه كان مخلص بس كلمتها لما اشتدت علي الالام وقلتلها بالتلفون وش صار وقالتلي خوذي ادفل واذا ماخفيتي خلال يومين تعالي لي العيادة.. وانا قررت ما اروح لاني حسيت بتحسن خفيف وعندي موعد الاسبوع الجاي مالي خلق اروح الحين..

لو ما اهتميتي بعمليتك بتتورطين.. اولا لو شلتي ثقيل ممكن عمليتك تنفتح ويجيك نزيف والله واعلم كيف يعالجونك.. لكن لو ما شلتي ثقيل لكن ارهقتي نفسك بمعنى تتحركين بسرعه وترفعين يدينك بقوة او تقومين باي مجهودات تحسين فيها بالشد على عضلات بطنك ممكن ترجع لك الام العمليه ويكون شفائك منها بطئ او يكون شفائك مو مية مية..

على ما فهمت من كلام البنات هنا بالمنتدى انك لازم تراعين عمليتك ست شهور تخيلي!! والعمليه معرضه انها تنفتح لمدة سنتين!! انهرت لما قالولي هالمعلومات وصراحه بتأكد من الدكتورة لما اروح لاني حابه ارجع لحياتي الطبيعيه واسوي رياضه واعيش عادي.. مو مستوعبه ست شهور اعيش وانا اراعي العمليه!!

[يارحيم]

المشاركة الأصلية كتبت بواسطة ليالي حب

بنات فكرن تاخذوا اي مانع للحمل ؟؟ وايش الى يناسبنا قيصريه اكثر شى

وكم مده مقررين تتركوها لحد ماتفكر بحمل اخر ؟؟؟

احتمال ما اخذ مانع لاني اساسا ما حملت بسهوله.. اتوقع بحتاج علاج اذا بحمل مرة ثانية