دردشة حوامل مصر - دردشة بنات مصر - تجمع حوامل مصر ‏

dr.princess · 07-25-2011, 04:58 AM

شوشوووووووووو ليك وحشة كبيرة يامعلم حمدالله على السلامة
لسه ماتعلمتش الكلمات البيئة والبنات هنا ماسكنى تريقة ينفع كده ؟؟؟

ام انس المصريه · 07-25-2011, 04:59 AM

توته حبيبتى امبارح ونا بكلمك والله معلش معرفتش ارغى معاكى جوزى قالى اطفى الجهاز بقى اصلى كنت وحشاااااه ياكثوفى بقى هههههههههههههههههههههه

كان بقالى 8 ايام عند امى وقبلهم 8 ايام زيهم كان قرفان منى ومش طايقنى خالص اصلا روحت عند ماما

لانى كنت متخانقه معاه جامد جدااااااااااااا وكنت معيطه ومقهوره بسبب حاجه تافهه

مش عارفه بقيت عصبيه ليه وبزعل من اتفهه الاسباب

روحت اكشف الدكتور لقى الضغط عالى جداااااااااااااااا الدكتور زعل وقالى كنا ماشين كويس ايه حصلللللللل

قلت له اصلى مضروبه علقه ومعيطه قالى ده مين ده اللى زعلك ونا اكله بسنانى قلت له عماد

قاله يابنى حرام عليك خلينا نولدها بسلامه ونطمن ع النونو وابقى اتخانق براحتك استحملها شويه الايام دى ماهى ياما اتحملتك

فقلت اروح عند امى اهدى اعصابى

dr.princess · 07-25-2011, 05:00 AM

اخبار صحتك ايه وايه موضوع الضغط ده اتظبط ولا لسه

dr.princess · 07-25-2011, 05:03 AM

معلشى يا شيماء هو الحمل كده بيخلى الواحدة مش طايقة هدومها حتى
ربنا يصلح ما بينكم

ام انس المصريه · 07-25-2011, 05:04 AM

لولو حبيبى انتى لسه صاحيه طبعااااااااا ده الطبيعى ياامى هههههههههههههه

انتى كمان وحشتينى وبعدين ولا يهمك انا جيت اهو هعلمك البيئه على اصولها ههههههههههههههههههههههههه

لولو لسه مصلتش الفجر

هصلى بقى ولو جوزى جه مش هدخل ولو اتاخر شويه فى المسجد هدخل

ان شاء الله

dr.princess · 07-25-2011, 05:06 AM

هههههههههههههههههههه ايوه انا عايزة ابقى بيئة طحن
تقبل الله وانا موجودة لو رجعتى تنى

ام انس المصريه · 07-25-2011, 05:19 AM

انا جييييييييييييييت

الحمد لله يالولو كنت عند الدكتور امبارح وقاس الضغط قالى الحمد لله كويس

كان مدينى الاسبوع اللى فات دوا للضغط 3 مرات فى اليوم اسمه الدوميت

وكان مدينى حقن للرئه بتاع الجنين مخدتهاش وزعق لى وقالى انتى مستهتره بس ماما معندهاش حد يدينى الحقنه

قالى اخدها يوم اه ويوم لاء

ووزن الجنين لقاء زاد فى اسبوع 8 جرام زعلتتتتتتتتتت اوى ايه 8 جرام دى يعنى زاد فى اليوم الواحد جرام واحد بس

هو المفروض النونو اول اسبوع فى التامن يبقى كام اصلى خايفه والله اوى ليكون وزنه قليل

dr.princess · 07-25-2011, 05:25 AM

طيب الحمدلله
مش عارفة والله المفروض يبقى كام محمد كان 2 كيلو و 100 جرام فى اول الثامن والدكتورة قالتلى محتاج يزيد شوية

واسمعى كلام الدكتور وخدى حقن الرئة اضمن علشان لو لاقدر الله حصلت ولادة مبكرة يبقى كله فى السليم

ام انس المصريه · 07-25-2011, 05:32 AM

لولو هو الجنين بيكون اخر التامن 2 كيلو ونص بسسسسسسس ولا ايه انا قريت كده

dr.princess · 07-25-2011, 05:34 AM

مش عارفة والله سما هى اللى تبقى عارفة موضوع الاوزان ده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM