تجمع رعاية المولود من حديثي الولادة إلى شهر 3

[ρυяỉтч •]

صباح الخير حبوبات ..
يارحيم اشتري كراويا .. نفس الميراميه واعطيه منها
تنعمل نفس الكمون بالضبط ، ورضعيه رقمين يكفي يوميا ..
شوفي كيف تهدي اعصابه وتنومه وتريح بطنه .. والله كنت مثلك اعاني بنتي البكر بس من بعد الله ثم الكراويا خلاص نسيت مغص الاطفال
لا شاي اعشاب ولا قطرات ..
بعد حاولي وقت ماهو صاحي تسدحينه على بطنه تطلع الغازات كلها
/
بالنسبه لعمليتك انا سمعت من حمواتي ان حتى لما ترفعين الاشياء فوق درج او مكان عالي وتشدين ايدك فيه خطر على العمليه
خصوصا اول الايام .. وحتى اتذكر المكنسه الكهربا مايستخدمنها عشان الشد لين يعدي الشهرين او ثلاث
ودايم عمتي تقول الست الاشهر الاولى الى السنه لازم تدارين العمليه وتراعينها .. حتى المويه الحاره سمعت انها مو زينه
عموما الافضل ماتعودين جسمك ع المسكنات ، تراجعين دكتورتك وتشوفين ايش تقول وتداركين الموقف
وحاولي ماتكتئبين وقدر الله وماشاءفعل ، وان شاءالله تمر هالايام وتصير سواليف تذكرينها

[لييتا]

بيورتي
كيف يعملون بالكراويه قد ايش ومن وين اجيبها ماعندي خبره بكريه لاني
عشان بسويها لبنتي ان شاء الله

[ρυяỉтч •]

اهليين لييتا .. جيبيها من العطار ، تجيك حب نفس الكمون بس هي اكبر شوي
وتنعمل مثل الكمون حطي بصفايه منه واغسليه زين .. وبعدين سويه مثل الكمون
واذا بنتك ماترضعها ساده حطي شوي سكر نبات تحليه ورضعيها بس
يكون لون الكراويا اصفر نفس الكمون ، وحتئ انتي لو فيك انتفاخ او غازات سويلك ابريق واشربي
يهدي ويطرد الغازات وينوم

[لييتا]

المشاركة الأصلية كتبت بواسطة ρυяỉтч •

اهليين لييتا .. جيبيها من العطار ، تجيك حب نفس الكمون بس هي اكبر شوي
وتنعمل مثل الكمون حطي بصفايه منه واغسليه زين .. وبعدين سويه مثل الكمون
واذا بنتك ماترضعها ساده حطي شوي سكر نبات تحليه ورضعيها بس
يكون لون الكراويا اصفر نفس الكمون ، وحتئ انتي لو فيك انتفاخ او غازات سويلك ابريق واشربي
يهدي ويطرد الغازات وينوم

معليش حبيبتي بس كيف زي الكمون انا اصلا ما اسوي كمون كيف يعني وكم المقدار لبنتي وكم المقدار ليا لانك جيتي على الجرح انا والنفخه والامساك في شغله الله يكرمك
واسفه عالازعاج
وجزاكي الله خير يالغلا

[يارحيم]

الكراويا هي اليانسون؟؟

[ρυяỉтч •]

لييتا احسبك تعرفين تسوينها معليش ..
طيب حبيبتي جيبي اصغر ابريق عندك واغلي مويه فيه وبعدين خذي من الكراويا ملعقتين وحطيهم بالصفايه واغسليهم زين
بعدين كبيهم بالابريق وصبي عليهم مويه مغليه وخلي الابريق يغلي شوي على النار وطفيه
ومثل ماقلتلك تبين تحطين سكر او لا عادي شي راجعلك
/
يارحيم لا اسمه كراويا ويشبه الكمون واليانسون حتى حبته نفس حبتهم بس اكبر شوي

[ρυяỉтч •]

ذي صورته
//

[جروح الحب]

هلا وغلا ليبيا اخبارك
انا تمام وجوجو الحمدلله

[Mishael]

ببسألكم بنااات عادي احط لبنتي شوية سكر نبات مع الصناعي لانها ابدا مو متقبلته وانا حليبي قليل والي تتعود لو شويه عالصناعي
يعني رضعه وحده باليوم هل خطر عليها ؟؟

[ليالي حب]

سندس هلا بك اخبارك ياطيبه ..يارحيم مشكووره ونا عمليتى لماسافرت بيوم ست وعشرين من نفاس عورتنى لان اشد شنط وطالعه نازله وعطورات ناس قويه اسكتى بس الان اخف واحس بعض ملابسس ضيقه تضايق عمليه..

بغيت اسال الكبس احسن ولا الخياط ؟؟