دردشة حوامل مملكة المغرب - تجمع بنات المغرب

[siham+]

sbah khir w nour o werd o yasmin l3sel ki sbhto banotat ki sbho bibihat dialkom ntmina kola whda fikom tkon mziana o f ahsan hal
khti asmae ntmina tkoni labas o tkad lik tension koli mzian o thlay f rasik o heti f balik rebi radi y3wdik o yfrhik f akarab wekt o hta daba wakha s3iba 3lik mais welah rah khsik tfrhi li ano li kersh li hezat mera radi thiz 10000 mera khra mohim bkay had mera tredi bal bkri lah yshil 2omorik
doha siham leila nawal fati hajar we2am lamie hanane bouchra rajae hanane oum maram oum marwa oum nosnos sara samra chaima ntmina mnkon nsit hta whda ntmina bant kamlin ykono labas 3lihom homa o wlidathom

[chokirina]

صباح النور صباح الفل سهام و تانا كنسلم على كاع البنات اللي دكرتي و خصوصا أخت رجاء على حساب ما قالت خاصها تكون ولدات و عييت نوصي فيها طمنا عليها عاد ديك الساعة تمشي لكن الغايب حجتو معاه نتمناو غير الخير تكون تفكات بخير و البيبي بخير البنات غير جيت نطل نمشي نوجد الغداء يالاه هاد المرة عاناقة لكل و حدة a+

[عاشقة الأمل]

صباح العسل والأيس كريم والثلج والكسل ههههههههههه
سهومة ضحى كيف صبحتو ؟

[عاشقة الأمل]

khti doha lah y3awnek ala ch9a

[oumdarda2]

السلام عليكم البنوتات كيف صبحتو نتمنى الكل بخير
سهام ضحى شيماء كيف صبحتو لاباس عليكم
سهومة متبعة ريجيمك ولا عاطياها للسكريات؟
شيماء كيف بقيتي مع السخفة ان شاء الله مشات منك اختي

شفتو البنات واش بقاو يسولو فينا وااااااااااااالو كلشي نسانا ما قالووش راه عندنا اخوات في الله تايسولو فينا ان شاء الله يكونو لاباس عليهم هذا ما نتمناو

[عاشقة الأمل]

صباح نور ليلى الحمد لله وخ السخفة ولكن دغية كنحاربها بالمكلة
الحمد لله أحسن بكثيير
وأنت كيف عاملة مع الثقل؟ والبنوتة كتخليك بعدا تنعسي
البنات كله وحدة وفين متلوفة المهم غير يكونو بخير
وسهام د إيطاليا مسكينة هديك بوحدها وموحال واش كتدرك حتى تحك في راسها الله معاها والسلام

[oumdarda2]

عرفتو يا البنات راني مفقووووووووووووسة واخا بردت غدايدي شوية خرجت اللي فقلبي ولكن تانحس براسي مازال ما بردتش
اعوذ بالله من الشيطان الرجيم

كنت تانهدر مع ابي فالسكايب وسولتو على ماما قالي ما عرفتش فين هي يمكن الفوق او تلقايها كاتشقى المهم واحد الشوية وهي تجي مسكينة دايرة الطابلية ومشمرة على كمامها قلتلها فين كنتي قالتلي كنت تانسيق *لاكور*واقيلا نتوما كاتقولولها *الباسيون
وقاتلي غادي نمشي باش نغسل الماعن ونجمع الدار ونسيقها
ةبقيت سااااااكتة والدموع حرقوني فعينيا
وانا نقوليها علاش سعاد ماكايناش تانهدر على مرات خويا قاتلي كاينة وقلتلها وهي اش غادير قاتلي غادي دير الغدا وتطيب الخبز

وانا نطرطق ومع الحاسوب عندهم تايسمع ما عندهمش المايك بقيت تانغوت قلتليها زوينة هادي نتي اللي مراة كبيرة تغسلي الماعن وتجمعي الدار وتسيقي وهي اللي مازالة تنقز هنا وتجي لهيه غاديا دير جوج تخربيقات وتجلس
وقلتها وبنادم ما عندوش الوجه علامن يحشم انا فبلاصتها نشوف عدوزتي فديك الحالة ما نخليهاش دير يديها فالماء

كون تشوفوها امي مسكينة كاملة منفوخة بالظغط تايطلع ليها والسكر والكوليسترول الله يخليلنا امهاتنا


وهي مرات خويا سمعاتني وجات فاتلي ايوا انا راني قلتلها غير جلسي هي اللي مابغاتش

ما رجعتش هدرتها لاني كون زدت هدرت كون خسرت معاها وغادي نخسر حتى مع هاداك خويا اللي رجع داير فحال البهل


البنات سمحوليا كترت عليكم ولكن ما عندي علامن نشكي غير الله ونتوما

[oumdarda2]

المشاركة الأصلية كتبت بواسطة عاشقة الأمل

صباح نور ليلى الحمد لله وخ السخفة ولكن دغية كنحاربها بالمكلة
الحمد لله أحسن بكثيير
وأنت كيف عاملة مع الثقل؟ والبنوتة كتخليك بعدا تنعسي
البنات كله وحدة وفين متلوفة المهم غير يكونو بخير
وسهام د إيطاليا مسكينة هديك بوحدها وموحال واش كتدرك حتى تحك في راسها الله معاها والسلام

صباح الخير ختي شيماء الحمد لله اللي عرفتيلها دواها بعدة بالماكلة كاتغلبي عليها
انا الحمد لله اختي من عطاني هاداك الدواء رجعت تانحس براسي حسن الحمد لله**البنوتة مخرجاها مني بالخلعة شي يامات ماشاء الله عليها كاتحرك وترفس بعدة كانتطمن عليها وشي ايام ياختي كاتهدن ونولي غير موسوسة الله يحفظ تانقول وقعات ليها شي حاجة اسال الله ان يحفظ اجنتنا من كل سوء ويقر اعيننا برؤيتهم سالمين

مساكن البنات الله معاهم ان شاء الله يدخلو يطمنونا عليهم

سهام ايطالي مسكينة بنتها اخر مرة دخلات فيها كانت مريضة عندي السكايب ديالها ولكن حتى هو ما كاتفتحوش ان شاء الله خير

وام السعد مسكينة حتى هي مع الولد والشقا وايلا كان راجلها ما كاتقدرش تدخل

ضحى راهيا غارقة فالشقا ربي عوينها ويحفظ ليها وليدها

وحنان ولات كاتطل وتهرب
ام اية كاتدخل ولكن ما كاتكتبش مسكينة ما عندهاش الوقت مع البنيات

وئام دخلات البارح واحد الشوية وخرجات
لمياء ما بقاتش تدخل
فاطمة الزهراء حتى هي والو قليييييل

المهم العدد كبير ماشاء الله وكل واحدة وعدرها ان شاء الله خير

[siham+]

sbah nour doha leila o chaima ki sbhto ki jakom tilj banotat dnya bida sl3nbi
leila ewa a khti rani radya m3a regime shwya shwya mera mera tnghosh shwya lol nti ki bkiti ca va mtb3a dwak rani krit krit li ktbtli 3la jnbik hta nti kan tydrik mshkit 3lik ya hbiba b lil tynod 3lya hta hanane hakdak ewa ntlbo chifa o safi
chaima ki bkiti hbiba ewa lbsi mzian jaw bared bezaf kont 3wala nkhrej yom kayn marché mais tilj bezaf 9ali rajli ri glsi tmshi tihi 3watani o khtik 3la seba nhar kolo ana ntwje3 khrto mskin hhhhhhhhhhhhhh

[oumdarda2]

المشاركة الأصلية كتبت بواسطة siham+

sbah nour doha leila o chaima ki sbhto ki jakom tilj banotat dnya bida sl3nbi
leila ewa a khti rani radya m3a regime shwya shwya mera mera tnghosh shwya lol nti ki bkiti ca va mtb3a dwak rani krit krit li ktbtli 3la jnbik hta nti kan tydrik mshkit 3lik ya hbiba b lil tynod 3lya hta hanane hakdak ewa ntlbo chifa o safi
chaima ki bkiti hbiba ewa lbsi mzian jaw bared bezaf kont 3wala nkhrej yom kayn marché mais tilj bezaf 9ali rajli ri glsi tmshi tihi 3watani o khtik 3la seba nhar kolo ana ntwje3 khrto mskin hhhhhhhhhhhhhh

نتي غير تبعيه مزيان وما عندكش مناش تخافي باذن الله
انا اختي الحمد لله هاد الساعة بفضل الله ومع الدواء اللي عطاتني
اه راه كان تايجيني هاداك الوجع حتى خرجت من الخامس عاد حمدت الله مشا مني

ولكن اسهام مايكونش مستمر ايلا كان مستمر اختي سيري للطبيب

اسال الله لكي الشفاء ولجميع امة محمد صلى الله عليه وسلم