تجمع حوامل ليبيا

[أم أجنادين 80]

خاطري يجي يوم ونصبغ شعري هكي ونلبس فستان قصير وأنا حامل

[عيون زوجي]

ان شاءالله ربي يعطيك 10اولاد وبنات اختي ام اجنادين وتلبسي وتحني وتصبغي يوم الاربعين يارب
اختي راجيه وين عالجتي في اي بلاد؟؟؟؟؟
وان شاءالله ماتشوفي هم ولا بلاء يارب
صحة عشاكي يا ام اجنادين وان شاءالله خير........

[أم أجنادين 80]

[المتفاااائلــــه]

المشاركة الأصلية كتبت بواسطة عيون زوجي

اميرة التجمع....تستاهلي الدلع انتي احملي وخلي الباقي علينا
بس قوليلنا وين طالعه؟

صحيتي صحيتي .... خلاص امالا ردي بالك تولي في كلامك بعدين ...

والله طلعنا بنشوف مفارش وفوط ناقصيني للحوش لكن مالقيتيش حاجة زي مانبي البضاعة قاعدة ناقصة في السووق .. ودرت دورة في البي اتش اس .. وروحت ...البلاد زحمة هلللبة تطلعي لمكان وتروحي تجري

[المتفاااائلــــه]

المشاركة الأصلية كتبت بواسطة راجيه فرج ربها

السلام عليكم ورحمة الله وبركاته

كيفكم ياخوياتي ربي يفرجها عليك من حيث لاتحتسبي اختي متفائله وخليك متفائله فربي عند حسن ضن العبد بيه
الحبيبه عيون عالجت بفضل الله خارج ليبيا والحمد لله على كل حال

ان شااء الله يااارب ديما متفائلين ومتوكلين على ربي ...والله سبحانه قال في الحديث القدشي بما معناه " انا عند ظن عبدي بي فاليظن عبدي بي ماشاء "

فيااارب ظني بك كل خيير ياارحمن يارحيم فلا تخيب ظني بك ياااااااااارب ..

[ميراس]

يقونة انا توا طرابلس راجلي عمل مع مشيت اصلا روحنا بعد هجمة توار سوق الجمعة غادي انا وصغاري راجلي قاعد اهني في طرابلس بعدين جي روح بينا

[عيون زوجي]

راجيه فرج ربها:
طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

اختي راجيه فتشت ولقيت اول مشاركه ليك في المنتدى من السنه يلي فاتت

[ميراس]

بناويت نبي نسئلكم عن مكان القرحة الشرقية حقا يقعد اترها مايتنحاش بكل والله قالولي عليها قريب انطير حسني تخيلوا رجلي حالة موليات مش وحدة بين رجلي ازوز سبعة قرصات ياهمي تشوهت من عندها حاجة تطمني ياغبيني منضري امولي مقرف

[ميراس]

ميموتة عادة زايطة من زيها ترقص ولا تفتش في الشناطي مستعجلة علي العباية

[راجيه فرج ربها]

مشكوره لاهتمامك حبيبتي عيون فعلا هدي اول مشاركه وان شاءالله تكون المشاركات الجايه بشاير ليا وتبريكات ليكن يارب وماندري وين الخيره

قال ابن مسعود رضي الله عنه : إن العبد ليهمّ بالأمر من الأمارة والتجارة ، حتى إذا لم يكن بينه وبينه إلا ذراع نظر الله تعالى إليه فقال : اصرفوا عبدي عنه ، فإني إن مكنته منه أدخلته النار ، فيصرفه الله عنه ، فيظل العبد يتطير ويقول : سبقني فلان ، دهاني فلان ! وما هو إلا رحمة الله .

تعلمت من إصابتي بالسرطان أن أقدار الله كلها خير