دردشة بنات مصر , دردشة حوامل مصر , تجمع بنات مصر

رنا خالد · 10-20-2011, 03:48 AM

دوريلوا ياشيخه
اعقلها وتوكل ههههههههههه

om arwa · 10-20-2011, 03:49 AM

يابنتى قالولك 20 طرررررررررررررررررريقة
هههههههههههههههههه
مش عاجبك خالص
يا بنتى تبليها بتتبيلة رانا وحطيها فى الفرن
عايزة ايه تانى

دودى مجدى · 10-20-2011, 03:50 AM

رنا انتى مش قادرة تفهمينى بصى انا هفمك انا عاوزة اعملها قطع صغيرة زى الشاورمة بس بطريقة يكون معاها صوص عشان تبقى جمب المكرونة او احطها فوقيها فهمتينى

دودى مجدى · 10-20-2011, 03:51 AM

يا سمسم المشكلة ان هنا مفيش توابل فهمتى مفيش كركم ولا جنزبيل ولا قرفة ولو فى هما اللى بيبيع بيبقى حمار ولا عارف اسمهم

om arwa · 10-20-2011, 03:54 AM

يبقى اعمليها فاهيتا
يا هانم
بصل جوليان وطماطم وفلفل الوان وممكن ماشروم لو عندك
بس تبقى متبلة الفراخ فى مية بصل وملح وفلفل وحبهان وليمون او خل
وتحمريهم سوا

رنا خالد · 10-20-2011, 03:54 AM

فهمت هاقولك ياستي
قطعيها صغير وشوحي بصله مع توم ع النار وبعدين انزلي بالفراخ شوحيها بعد مالبصله تصفر وضيفي شوية مايه ومرقه دجاج وملح وشويه صغيرين خل ومعلقتين صلصله وسبيها تستوتي وبعدين ضيفي الطماطم والفلفل وقلبي دقايق بسيطه وبعدين اطفي وضيفي بقدونس متقطع دي ليها صوص حلو جدا
قسما عظما هاجي اشنقك واحدفك من فوق الجبال اللي عندكوا دي اللي بسبها مابتكلوش لحمه ههههههههههه

دودى مجدى · 10-20-2011, 03:55 AM

حلوة طريقتك دى يا سما والحمد لله توابلها متوفرة بس عاوزة تفاصييل

om arwa · 10-20-2011, 03:58 AM

يا بنتى ازاى فى السعودية مفيش توابل
اما لبيعملوا كبسة ازاى

بصى تحمرى البصل وبعدين الفراخ
ثم البصل والطماطم
انا ساعات بحط عليها مستطردة
فى الاخر لو بتحبيهاااا
فى الصوص بتاعها بيقى فيه مزازة المسطردة

دودى مجدى · 10-20-2011, 04:01 AM

لولولولولى اقتنعت بطريقتك يا رنا وكل حاجاتها موجودة عندى ان شاء الله هقوم امرش المواعيين واخلى الفرخة عقبال ما سما تكتب طريقتها واقارن

رنا خالد · 10-20-2011, 04:03 AM

انا فعلا مستغربه ازاي السعوديه معندهمش توابل طب فعلا بيعملوا الكبسه ازاي والفراخ الماندي بتهزري يابت انتي ياللي اسمك دودوي بس خلاص صدعتيني وبتشتمي في البياعين وشكلك انتي اللي في الطراوه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM