تجمع حوامل الأشهر الأخيره(السابع,الثامن,التاسع)

[تاااالين]

المشاركة الأصلية كتبت بواسطة أحلى بنوووتة

[color="rgb(0, 191, 255)"][color="rgb(0, 191, 255)"]الله يبارك فيكم حبايبي عقبالكم بولاده سهله ميسره يارب

أكشن الولادة انا طبعا كان لي 34 اسبوع و3 ايام يعني لساتني في الشهر الثامن كنت في الجامعة عندي اختبار ولما رجعت البيت الساعة كانت 9:30 نزلت علي ماي وكلمت الدكتور وقالي تعالي المستشفى واصلت على زوجي وجاني ورحت المستشفى الساعة 11 لان زوجي عمله بعيد وأول مارحت فحصوني وطلعت فعلاً ماي الجنين الي نزل فقال الدكتور لازم نفتح الربط وأول ما فتحو الربط طلع الرحم مفتوح 4 سم وبدأ الماي ينزل من دون طلق كان طلق بارد حيل وبعد ماجات الساعة 8 بدأ يحمى الطلق وفتح الرحم 5 سم وصارت الساعة 9:15 ولدت

طبعاً البنوته صغيره وزنها كيلو و800 غرام وهي لازالت في المستشفى حاطينها في العناية الوسطى دعواتكم لها
لان الدكتور قال مارح تطلع الى بعد اسبوع [/color][/color]

ياحياااااااااااااااااااااتي ع الصغنطوطه ربي يخليها لك والحمدلله ع سلامتك ....عسى ربي يتمم فرحتك بخرجتها بعد اسبوع

[برورة]

المشاركة الأصلية كتبت بواسطة عفتي سر رفعتي

يااااربي والله ردودكم تشرح الصدر من كثركم مدري ارد على مين واخلي مين

الله يبارك فيكم جميعا

وعقبال التواسع ربي يفرج عليهم ويولدون بالسلامه

نصيحه اخويه الي يقولك سوي هالشي وتولدين واكلي هالشي وتولدين كله كلام فاضي

وانا بعد ماجاني طلق خفيف وتبخرت الدكتوره قالت لي انتي متبخره قلت لها اي قالت ليه هو يجيب الطلق الحار بس مايفتح الرحم

يعني يابنات عليكم بالمشي والتمر بس وخلوا كل هالأشياء ماتنفعكم

وعليكم بدعاء ثم الدعاء

الحمد لله ولادتي كانت سهله بفضل الله ثم بفضل دعواتكم لي

ام الاكشن الي البنات ينتظرونه ماتصدقون ان هذي الولاده الوحيده الي مافيها احداث

لاني كنت متشفقه ابي اولد اليوم قبل بكرا وفرحت يوم جاني طلق امس الفجر بس كنت مشككه انه بيروح مثل قبل بس استمر معي وكان خفيف انتظرت لين العصر وتغديت مع عيالي وكان طلقي بارد بس متقارب جدا

تحممت وكيفت مكاأني رايحه اولد المهم اني تبخرت بعود وماوصلت بيت اهلي احط عيالي عندهم الا الطلق بدى بتدريج يحما وبطريقي للمستشفى كل ماله ويحما
المهم اني دعيت ربي انهم يقولون الرحم مفتوح بس وقتها لا ماي ولا السداده حتى نزلت فحصتني الاستشاريه قالت انتي الحين ثلاثه سم تبين تتنومين ولا كيفك

بس سبحان الله من قوه الطلق انا دخلت المستشفى سبع المسا وماجات الساعه تسع الا انا والد والاستشاريه ولدتني بنفسها لان يوم اكشفت علي بدت ماي الجنين ينزل ونزل براز الجنين مع الماي فخافت وضلوا معي لين ولدت والحمد لله جبت بنوته مثل القمر وسميتها ضي

هذا الاكشن كله

الحمدلله ع السلامه
وتتربى بعززززك
والله يهون على الي دخلو التاسع ويولدون ب السلامه

[برورة]

المشاركة الأصلية كتبت بواسطة أحلى بنوووتة

[color="rgb(0, 191, 255)"][color="rgb(0, 191, 255)"]الله يبارك فيكم حبايبي عقبالكم بولاده سهله ميسره يارب

أكشن الولادة انا طبعا كان لي 34 اسبوع و3 ايام يعني لساتني في الشهر الثامن كنت في الجامعة عندي اختبار ولما رجعت البيت الساعة كانت 9:30 نزلت علي ماي وكلمت الدكتور وقالي تعالي المستشفى واصلت على زوجي وجاني ورحت المستشفى الساعة 11 لان زوجي عمله بعيد وأول مارحت فحصوني وطلعت فعلاً ماي الجنين الي نزل فقال الدكتور لازم نفتح الربط وأول ما فتحو الربط طلع الرحم مفتوح 4 سم وبدأ الماي ينزل من دون طلق كان طلق بارد حيل وبعد ماجات الساعة 8 بدأ يحمى الطلق وفتح الرحم 5 سم وصارت الساعة 9:15 ولدت

طبعاً البنوته صغيره وزنها كيلو و800 غرام وهي لازالت في المستشفى حاطينها في العناية الوسطى دعواتكم لها
لان الدكتور قال مارح تطلع الى بعد اسبوع [/color][/color]

الف الحمدلله ع السلامه حبيبتي
يو هذا الي يعور القلب يخلونها بالمستشفى ويطلعونك
يالله تطلع ب السلامه ان شالله
والله نتفه بنتك هههههه

[برورة]

المشاركة الأصلية كتبت بواسطة قمر الكويت

السلام عليكم

شلونكم كروشات

دخلت الشهر السابع ربي لك الحمد منو مثلي بالسابع ؟
طبعا من دخلتع والتساليف باديه معاي ورحت للطوارئ و عطوني مسكنات و احس صرت احسن الحمدالله بس لي متى وانا اخذ المسكنات طول الشهر السابع مثلا

انا توني داخله السابع بعد
يو ماتشوفييين شر حبيبتي اسالي دكتورتك اذا تستمرين فيها ولالا

[خلوني على صبري]

زمرده الله يقر عينك بشوفة نونتك ويقومه بسلامه وتفرحي فيه وحسبي الله على اهمال المستشفيات
احلى بنوته مبروك على المولوده بس كم ليكي في الثامن يوم ولدتي والله يقوم بنتك بسلامه

[خلوني على صبري]

برنسيسه لاتستهيني بالامر شيكي على الضغط والسكر والفقر الدم كلهم اعداء الحمل

[أحلى بنوووتة]

خلوني على صبري الله يبارك فيك دخلت الثامن أخذت منه 3 أسابيع يعني باقيلي اسبوع واخلص الثامن

[خلوني على صبري]

اجل لاتخافي على البنوته تتطلع بسلامه ان شاء الله وانا معرضه للولاده في اي وقت بسبب ارتفاع الضغط والدوخه الي احس فيها وعندي موعد الاثنين الجاي اذا مانخفظ الضغط راح يولودوني وراح يكون ليا اكثر من اسبوعين في الثامن ادعولي يابنات

[برنسيسه2013]

مســاااااء الخير للكروووشاااات والوالادات

المشاركة الأصلية كتبت بواسطة أحلى بنوووتة

أهلين بنات حبيت أبشركم ولدت يوم السبت وجبت بنوته

الف الف الف الف مبروووووك البنوته يـااحلى بنوته ''' وتطلع لك بالسلااامه ان شاء الله
يااكرهي للجامعه وحوستها

المشاركة الأصلية كتبت بواسطة ساميه بأخلاقي

اختي لازم تروحين للمستشفى وتشوفين الضغط والزلال شيكي وتطمني اكثر

المشاركة الأصلية كتبت بواسطة supermama

اخت برنسيسة لاتتهاوني بالموضوع لازم تروحين المستشفى تشيكين
واحدة من قرايبنا صار لها مثلك وطلع الضغط عندها مرتفع

المشاركة الأصلية كتبت بواسطة خلوني على صبري

برنسيسه لاتستهيني بالامر شيكي على الضغط والسكر والفقر الدم كلهم اعداء الحمل

الف الف شكر لاستفساااارتكم
ان شاء الله عدت واذا تبي تجيني مررره ثاااانيه اكيد راح اسوي فحوصااات
انا اقول يمكن ذيك الليله ارهاق وثقلت ع الايباد

7
7
7
بناااات وش تنصحوني فيه ذبحتني حكه فوق السره بشكل عرضي
انتبهت لروحي وقعدت ادلك بالزيت
وبالفازلين حق التشققااااات

بس احس مكانها حار وشكلي ابي اروح للصيدليه ابي اشوف مرهم او كريم يخفف الحكه


وابــــشـــرررررركم الشريط دخلني التااسع

[بنت ادم]

مبروك برنسيسه علي دخوال التاسع

والله مادري عن الحكه لانه ماجات معي في حملي