ديوانية البحرين - دردشة حوامل البحرين - البحرينيات

[rose soul]

رجعنا

فلونتي..جان رحتي مع ريلج..يمكن تولدين ههههههههه
انا بعد لا امس ولا اليوم مشيت
يلا يبي لنا نمر على بعض ونتمشى..علشان نولد مع بعض
لأن لين ولدتي قبلي..انا بنبط هههههه
واذا انا ولدت قبل..انتي بتنفجرين هههههههه
تصدقين اتوقع ام السادة تسبقنا..مادري ليش احساس
..
ام خليل..الله يعينج على الشد كررريه
لين يه ريلج خليه يسوي لج مساج

..
طف طوفه..تعالي كاني

[rose soul]

جني مصخنه وراسي يعورني ليكون من علامة الولادة ههههه
اتفائل عن خاطري

[فلونة]

ام خليل،، ماعليج شر انا ياني شد في مخي من قناة البحرين صج ما يستاهلون نودي علا قناتهم السخيفة

رووز،، انا ياني شور افوح لي نبتة مريم بس خايفة ،، صديقتي نصحتني فيه تقول مرت حماها بس شربت منه الصبح ياها الطلق في الليل و ولدت بس انا اخاف ينزل علي ماي او يصيدني الم وما اتوسع بروحي كله افكر في الولادة وان شالله اولد طبيعي مابي عمليية

وعلا روحة الدواار قلت له يوديني بس قال لي ما يصلح لج زحمة و اوادم وايد تبين تولدين هناك :p

[rose soul]

تعالي فلونة..لا تشربينه
انا مرت عمي عطتني ذي كف مريم
وقالت لين ياج الطلق تشربينه تزيده وبسرعة تولدين
مب الحين..لا تسوين في عمرج شي وانتي ماتدرين شنو آخر عواقبه
بس تصدقين..ريحتها خايسة .. استغفر الله .. ماستحمل

[rose soul]

تعالو بسألكم سؤال محرج خخخخخخخخخخ

[rose soul]

اووهوو
شكلي اتكلم بروحي..بس هونت خلاص ما بسأل
بروحه سؤال يفشل

[فلونة]

انا قاعدة اغسل الثياب ورحت انشرهم ،، يلا سألي
وعن نبتة كف مريم سوينا حق اختي حزة الطلق بس ما يندرا احين نستفيد منها او لا

[rose soul]

اسأل يعني؟؟
لا لا خلاص ما بسأل يفشل لأنه ههههه
لا لا تسخدمينه اذا ما فيج طلق
تصدقين..انا الحين فيني صداع مادري شمنه..مخربط مزاجي تخربط
شكلي باااالف عليه شي يمكن يخف

[rose soul]

فلونتي وين تختفين..ليكون رحتي سويتي لج شغله بعد غير الثياب
شكلج وايد تحبين الشغل..يبي لي اوديج شقتي :p

[فلونة]

سوووري حبيبتي روز امي مرت علي الشقة وماقدرت ارد عليج وشكلي باروح اخذ لي عشى لانه خلاص الجارج عطى الارم ،، واذا تبين مساعدة من عيوني
وماعليج شررر روحي اتصلي حق بو بشوورة وبتصيرين زي الفل
شكلها طفلو صج بتسوي مقاطعة عاد خل تصبر لين اووولد

نجوفكم تاالي اذا الله كتب