دردشة حوامل أهل الرياض - دردشة بنات الرياض - تجمع حوامل الرياض

كآدي · 01-03-2011, 12:13 PM

اقتباس:

المشاركة الأصلية كتبت بواسطة شعاع الأمل

هلا حياتي ياحبي لك ولسولفك هههههههههه
هلا فيك ... فديتك يا قلبي
ياقلبي انا موبكر بس كأني بكر ,,حملت بعد زواجي مباشره واناصغيره فجئه عروسه وحامل جاني اكتئاب
يا قلبي انتي سبحان الله ربي مسهل ان شاء الله دوم في كل الامور
من حملت كرهت زوجي
بسم الله عليك
مالي الاشهر من تزوجت وبعدها طحت عند اهلي وحم وتعب ونفسيه زفت ماكنت اتحمل اي شي ماتعودت على المسؤليه ولا تحملت التعب
يا حيآتي نتزوج ما ندري عن السالفه وننصدم في الحياه الزوجيه انها مسؤليه موب سعه صدر الله يعين الجميع
وبعدها ولدت وتعسرت ولادتي والله الطاقم الطبي حق المستشفى كله على راسي يشخصون حالتي انفتح الرحم10سم ولانزل البيبي
سبحان الله
تخيلي ينزل لما يوصل الحوض وبعدين يقولون نزل نزل واذابغو يطلعونه طار الين يوصل صدري
لا اله الا الله ... سبحآنه
والله قعدن 3ساعات وانا على الحاله هذي ينزل مره ثم يطير
يا قلبي عليك الله يجزى صبرك وثباتك با الجنه والله الموقف صعب وشديد موب بسيط ... اللهم يسر ولا تعسر
ولاسوى لي قيصر الابعد الموت والهواش بيم الدكاتره الدكتور يقول بولدها قيصري والدكتوره تقول لا وضعها طبيعي والبيبي انا اشوفه
يا عمري عليك .. ووالله دمعتي طآحت
والله يضربون بطني وشفطوه بغوه ينزل وهو معند
سبحآن الله له مشيئه وحكمه سبحآنه الولاده تسآهيل من رب العبآد حتى الدكتآتره عآجزين يسون شي وربي مآ امر الجنين با الخروج .. موقف يشيب الرآس الله يجزاك على قد صبرك يا روحي
واخرتها قيصري
يا عمري عليك
وجاني اكتئاب شديد كل شوي ابكي واذاجوني ناس يزروني ابكي امي تترجني تكفين يابنتي تجملي لاتفضحينى وانا كنت مابي احد
ما تنلآآآآآآمين من هول مآ شفتي يا قلبي الله يلوم اللي يلومك

وبعده جلست خمس سنوات وعليها طولت والحين حملت بس احس كانه اول مره
الحمد الله على كل حآل والله يسهل حملك هذا ويسره .. دعوه لك صآدقه بظهر الغيب

وسلامتك خخخخخخ كثر الحكي بروح انام عشان موعدي بالتوفيق

الله يسلمك ويخليك يا بعد قلبي انتي
ونوم الهناء والعافيه ... وطمنينآ عليك يا الغاليه

ودي لك

كآدي · 01-03-2011, 12:20 PM

اقتباس:

المشاركة الأصلية كتبت بواسطة om salma

صباح الخيرات والبركات اخواتى كيف الاحوال

ان شاء الله اليوم احسن

وكيف حالك كادى وحال البوبو الله كريم تشوفية بعيونك مثل ما شافوه قلبك

تصدقى اختى انا لما شوفت سلمى بنتى بعد الولادة كانت بالضبط مثل مادلنى عليها

قلبى بجميع مواصفاتها لكن ما دلنى قلبى حينها انا بتكون عصبية جداااا ههههههه

الله يقوم الجميع بالسلامة

هلا والله ام سلمى حبيبتي
انا تمام الحمد الله
والبوبو كمان طيب وبيسلم عليك يا قلبي

يآآآآآآآآآآآآآآآآآآآآآآآرب اكرمني بشوفه آآآمين يارب يسمع منك يا قلبي
يا لبى سلمى فديتها والله اجل عصبيه يا قلبي عليها اكيد مخذه الصفه هذي منك او من ابوهآ... (آآمزح) بس مآ ظن منك احسك حبوبه با الحيييييييييييل فديتك وفديت بنتك
ما عليك عشانها لسى صغيره بس اذا كبرت ان شاء الله بتصير احلى واحسن واحن بنوته في العالم وما فيه احن من قلبها عليك الله يخليها لك يارب

بوسيها لي مرتين وحده على خدها اليمين ووحده على جبينها آآموح عليهآ

ودي لك

زهــــور · 01-03-2011, 01:20 PM

الووووو كاااااادي كيفك وكم لك حامل

بنات وش فيكم نايمين ..انا طفشانه ابي حد يكلمني هههه

كآدي · 01-03-2011, 01:58 PM

اقتباس:

المشاركة الأصلية كتبت بواسطة زهور الورد

الووووو كاااااادي كيفك وكم لك حامل

بنات وش فيكم نايمين ..انا طفشانه ابي حد يكلمني هههه

آلووووووووووووو
قلب كآآآآآدي وروح كآدي وعمر كآآآآآآآآآدي كل كل كآدي
آآآآآآآآآخ بس ياليت اسمي بس كآدي لعيونك

آنآ يا قلبي في السآدس في اول اسبوع

اليوم احس اني مكسله وظهري مآآآآآآآآآآآآآش بس يا الله نتحمل

الله يسهل على الجميع

سولفي يا قلبي با لق لق لق معك الله يعينك علي

انآ اليوم سويت شي وضبط معي بروح انزل فيه موضوع عشآن الحوآآمل اللي يعآنون مثلي يجربون

لي رجعه وزوري موضوعي حووبي

<<< بتروح تكتب الموضوع وبتجي ترا كل شوي اشيك هنآء مآ اروح مكآن لا تخآفون معسكره هنيآ

اسيل3 · 01-03-2011, 03:36 PM

مساء الخير على الجميع انا جديده فب المنتدى ومن الرياض حامل بالشهر الرابع

اسيل3 · 01-03-2011, 03:40 PM

يعني ما حد رحب فيني

اسيل3 · 01-03-2011, 03:46 PM

ودي يا بنات الرياض تعلموني عن محلات ماركه تبيع اطقم استقبال فخمه .. الله يسهل عليكم

كآدي · 01-03-2011, 03:57 PM

اقتباس:

المشاركة الأصلية كتبت بواسطة اسيل3

مساء الخير على الجميع انا جديده فب المنتدى ومن الرياض حامل بالشهر الرابع

مرحبا ترحبا كلها لش تكفيش من راسش لحد ماطاش

هلا بطش وارش يا هلا ومسهلا

حي الله اسيل ويا هلا باهل الرياض كلهم ىوالله يتمم حملك يا قلبي انتي الحين وصلتي نصف مرحله الحمل الله يسهل عليك وعلى الجميع

عرفينا على حالك اكثر

هذا اول حمل لك وفي اي مستشفى تراجعي وش وضعك الطبي
عشان نستفيد من بعض يا روحي

ودي لك

كآدي · 01-03-2011, 04:03 PM

اقتباس:

المشاركة الأصلية كتبت بواسطة اسيل3

ودي يا بنات الرياض تعلموني عن محلات ماركه تبيع اطقم استقبال فخمه .. الله يسهل عليكم

والله يا قلبي انا سمعت انها تباع في اسواق مكه مدري الدور الاول او الثاني او المجد وفيه تفصيل على حسب الطلب
وعلى حسب عدد القطع اللي تبينها من رايي تفصلينها على ذوقك ومثل ما تحبي وخامه القماش اللي تعجبك وعدد القطع اللي تبينها
واكيد فيه جاهزات بس والله ما عندي خبره اكثر من كذا
هذي المعلومات من قوقل ولحد الان انا باقي ما جهزت وما شفت شي

ودي لك

زهــــور · 01-03-2011, 04:15 PM

اهلين اسيل منوره التجمع

كادي فديتك وفديت لسانك اللي نقط عسل ياعسل ههه

تسلمي ياروحي

موضوعك بشوفه اللحين

وربي يتمم عليك ياقمر

انا حامل بشهري الخامس وبااخره يعني اسبوع وادخل السادس

ولله الحمد ربي اكرمني بالحمل بعد معانات مع الاجهاضات بالبدايه ماكان

عندي حمل وبعدين جهاضات لمدة 6 سنوات ولله الحمد

دعواتك ياقلبي لاتنسيني ..