دردشة حوامل أهل الرياض - دردشة بنات الرياض - تجمع حوامل الرياض

[زهــــور]

هلا وغلا بالجدد كيفكم طمنونا عليكم ..

لوووورا وينك مدفيه .

[غدير الود]

المشاركة الأصلية كتبت بواسطة غدايف

مسسسسساءكن معطر بالرحمات ياغاليات ,,,
شخباركن حبيباتي شخبار القمامير اللي بأحشائكن ان شاء الله تكونون بخير كلكم؟؟
مين منكم يراجع ي مستشفى الحرس الوطني ,,,عشان يمكن نتصادف هناك وان شاء الله نتقابل انا موعدي يوم18يناير ,,,,من معااااااي

هلااااااا غدايف انا اراجع بالحرس بس لسه معطيني موعد في نهاية الشهر الميلادي 26 واحد والله يستر اول حمل لي واول مره اروح عندهم بس اناااا بتابع عند مستوصف اهلي احسن لي لان مواعيد الحرس بعيده بالمررره...

[لوووورا]

فديتك زهورتي ربي مايحرمنا منك

[شعاع الأمل]

المشاركة الأصلية كتبت بواسطة كآدي

عقبال المحروس ابنك يجنن الدكتوره بكثر حركاته بصراحه احساس حلو انبسطت وانا اشوفه يتحرك في الشاشه واحس فيه في بطني كنت امس مبسوطه
وطمنينا عليك بكره وش بتقول لك الدكتور وش نتائج الاشعه وكيف البيبي

وبنسبه لنفسيه

اصلا نفسيتي زفت بس احاول اني افرفش وانبسط واطلع مع زوجي وعيالي..الخ
انتي بكريه ما تدرين وش سالفه الولاده بس انا لما اتذكرها يشيب شعر راسي
والولاده تختلف من طفل لطفل ومن بنت لبنت كلها تساهيل من رب العالمين الله يسهل على الجميع
اذكر تخرعت من الولاده على ولدي الاول جاني اكتئاب حاد حتى ولدي كنت بقطه بزبله << ( خبله < بزر ما تدري عن الحمل والولاده ووقتهآ والله محد علمني ولا كآن عندي نت كلش على الله ) ليس على المريض حرج
وكم مره اقطه على ابوه واهرب بيت اهلي عاد بيت اهلي قريب في نفس الحي بس الحمد الله خفيت

ما شاء الله عليك تدرسي يا الله عاد اجتهدي نبي نفرج بشهاتك نسوي لك هناء حفله ونرقص ونغني ليك وننبسط
انا عساي اخذت الثانوي متزوجه انا وزوجي وكلنا ندرس ثالث ثانوي هههههههه
بزارين بس الحين عقلنا العيال خلونا نعقل كبرنا غصب والحمد الله على النعمه اللي انا فيها

واتمنى لكل وحده السعاده واراحه وانتي لا تشغلي نفسك وحاولي تغيرين نفسيتك سوي الاشياء اللي انتي حابتها وفرحينا يا قلبي با نجاحك وربي نجاحك نجاحنا وانتي مثل اختي يا الغاليه اتمنى لك التوفيق

هلا حياتي ياحبي لك ولسولفك هههههههههه
ياقلبي انا موبكر بس كأني بكر ,,حملت بعد زواجي مباشره واناصغيره فجئه عروسه وحامل جاني اكتئاب من حملت كرهت زوجي مالي الاشهر من تزوجت وبعدها طحت عند اهلي وحم وتعب ونفسيه زفت ماكنت اتحمل اي شي ماتعودت على المسؤليه ولا تحملت التعب وبعدها ولدت وتعسرت ولادتي والله الطاقم الطبي حق المستشفى كله على راسي يشخصون حالتي انفتح الرحم10سم ولانزل البيبي تخيلي ينزل لما يوصل الحوض وبعدين يقولون نزل نزل واذابغو يطلعونه طار الين يوصل صدري والله قعدن 3ساعات وانا على الحاله هذي ينزل مره ثم يطير ولاسوى لي قيصر الابعد الموت والهواش بيم الدكاتره الدكتور يقول بولدها قيصري والدكتوره تقول لا وضعها طبيعي والبيبي انا اشوفه والله يضربون بطني وشفطوه بغوه ينزل وهو معند واخرتها قيصري وجاني اكتئاب شديد كل شوي ابكي واذاجوني ناس يزروني ابكي امي تترجني تكفين يابنتي تجملي لاتفضحينى وانا كنت مابي احد
وبعده جلست خمس سنوات وعليها طولت والحين حملت بس احس كانه اول مره
وسلامتك خخخخخخ كثر الحكي بروح انام عشان موعدي بالتوفيق

[سو100]

فيه احد في العسكري؟؟؟؟؟

[شعاع الأمل]

المشاركة الأصلية كتبت بواسطة سو100

فيه احد في العسكري؟؟؟؟؟

قبل خمس سنوات جبت ولدي فيه أمري

[كآدي]

المشاركة الأصلية كتبت بواسطة زهور الورد

كااااادي الله يطمنك ويهون علينا جميعا

انا بخير ولله الحمد وماشيه اموري تمام ..

هلا زهور
آآآآآآآآآآآآآآآمين ياررب يهون على الجميع

ودووووووووووم ان شاء الله بخير وصحه يا قلبي

ودي

[كآدي]

المشاركة الأصلية كتبت بواسطة ام صـالـح

السلام عليكم عسولات
مين تعرف افضل مستشفى اتابع حملي فيه واولد فيه ممتاز
دله والا رعايه الرياض؟؟؟

وعليكم السلام ورحمه الله ام صالح منوره

انا عن نفسي ما عمري جربت لا دله ولا رعايه الرياض ان شاء الله البنات يفيدونك

اللي مجربين

وان شاء الله تختارين اللي لك خيره فيه ويسهل عليك

ودي

[كآدي]

المشاركة الأصلية كتبت بواسطة غدايف

مسسسسساءكن معطر بالرحمات ياغاليات ,,,
شخباركن حبيباتي شخبار القمامير اللي بأحشائكن ان شاء الله تكونون بخير كلكم؟؟
مين منكم يراجع ي مستشفى الحرس الوطني ,,,عشان يمكن نتصادف هناك وان شاء الله نتقابل انا موعدي يوم18يناير ,,,,من معااااااي

مساء النور والسرور حبيبتي غدايف
والله الحمد الله تمام والقمر اللي عندي يلوح بيده يسلم على القمر اللي عندك فديتك
وان شاء الله تلاقي لك صاحبات مثلي لقيت لي صديقات

الله يسهل عليك ويتمم لك على خير

ودي

[om salma]

صباح الخيرات والبركات اخواتى كيف الاحوال

ان شاء الله اليوم احسن

وكيف حالك كادى وحال البوبو الله كريم تشوفية بعيونك مثل ما شافوه قلبك

تصدقى اختى انا لما شوفت سلمى بنتى بعد الولادة كانت بالضبط مثل مادلنى عليها

قلبى بجميع مواصفاتها لكن ما دلنى قلبى حينها انا بتكون عصبية جداااا ههههههه

الله يقوم الجميع بالسلامة