تجمع حوامل ليبيا

[أم أجنادين 80]

يقين ماتحسيش انك قبرتي قبل وقتك
يعني متزوجه وصغيرونه

[يقين]

ام اجنادين حقه بايخه كيف اختي متزوجه هيا وسلفتها في نفس اليوم سلفتها حملت وجابت ولد وهيا لا وعزوزها تمحمس وتحدفلها في الدوه هي امتي بتجيبوا حميده قتلها بري خودي الطين اللي يجي عالجبنه ديريهلها علي شكل وليد وعطيهوله قوليلها هاك اهوا احميده هههههههههههه

[أم أجنادين 80]

ياحليلي منهم ,,
شن دخلهم بس مرات هيا وراجلها ميبوش هذه حاجات خاصة يجيبوا مايجيبوش ,,
وزياده مختارتله الاسم قبل مايجي

[أم أجنادين 80]

متفائلة وينك

[يقين]

ام اجنادين والله شن بنقولك توا تعرفي زمان لما خطبني نقرا اول تانوي اماليا مابوش لين طلعت من اول جامعه عسل علينا هههههههه ما صح وجهي المهم حتي اني كان عاجبني وطاهقه المهم تزوجت وعشت احلي ايامي والله شاب مشالله ومش منقص عليا شي بس لما نقعمز اني ورحي مرات نندم ونحس في روحي ضلمت روحي بزواج والمسؤوليه لكن بعدين يولي عليا خاطري اهو نعرف صاحباتي هلبا متزوجين ومن عمري
والحمدلله علي كل حال

[أم أجنادين 80]

علي فكرة يابنات يلي تبي الجليتر متاع الحنه موجود
اليوم القيته عند العطرية وهوا في علبه في اكثر من لون وفي حتي شريط حنه
معاه وشيشه ثانية ماعرفتش شن هيا المهم كله ب 19 دينار

[يقين]

ام اجنادين خيرك شن في مني اللي مايبوش تي شن صار

[أم أجنادين 80]

ايه صح عندك الحق توا تزوجتي هدا الواقع وفي حتي اصغر منك متزوجات
بس بصراحه لو انا قبل اتزوجت وانا في اولي جامعة راني اطلقت ههههههه
كنت هلبه اشياء مانعرفهاش ومش حنقدر نوفق بين القرايه والزواج
ان شاء الله ربي يهنيك ويكملك بعقلك الباين عليك بنيه واعيه

[أم أجنادين 80]

هههههههه مافهمتيش اقري كويس
شكلك بديتي حوله

[أم أجنادين 80]

هيا تصبحي علي خير
راجلي روح