دردشة حوامل مصر - دردشة بنات مصر - تجمع حوامل مصر

somia · 12-17-2010, 08:08 PM

رنا انا هموت على بنت عشان أسرح لها شعرها وألعب بيها وأرغي معاها ونبقى اصحاب وأقعد أنقي الفساتين ليها وكده يعني .. زوجي بيقولي انتي هتجيبي للنونو صداع من قبل ما يتولد أصلا ..ههههههههههه
بس عارفة كل اللي يجيبه ربنا كويس يعني لو ولد اخويا ممكن يطير من الفرحة لانه الولد الوحيد فهيموت ويبقى ليه حد يلعب معاه..
صحيح هيه لوجي نازلة شعرها تقيل ولا خفيف وهتحلقيه في سبوعها ولا لأ؟؟؟

dr.princess · 12-17-2010, 08:09 PM

سمية كلى فاكهة كتيير اهى تعوض قلة الاكل

رنا خالد · 12-17-2010, 08:11 PM

انا عايزه اعمل شريط عمر البيبي محدش منك يالولو انتي وسميه يعرف بيتعمل ازاي

somia · 12-17-2010, 08:11 PM

والله يا لولو هوه ده اللي انا فالحة فيه زوجي بيجيب الفاكهة ومبيلحقش ياكل منها بيلاقيها خلصت..ههههههههههههه
صحيح يا جماعة انا شعري بقى يقع بطريقة رهيبة يعني الشعرة بطولها بتبقى في المشط .. هوه ده من الحمل ولا إيه وأعمل معاه ايه؟؟؟
صحيح يا رنا انتي اللي خلاكي اصلا تولدي قيصري؟؟؟

somia · 12-17-2010, 08:13 PM

لا والله يا رنا .. انتي اتعلميه واعمليه واحنا هنبقى نتعلمه منك..ههههههههههههه.. ابقي اسألي نورا هيه عاملاه للأستاذ أحمد بيه

somia · 12-17-2010, 08:15 PM

صحيح يا لولو هوه انتي فعلا مبتاخديش حديد؟؟؟

رنا خالد · 12-17-2010, 08:16 PM

والله معاكي حق ياسميه البنات بيبقوا سكر وخاصة موضوع الشعر والتوك والفساتين والاكسسوارات بتاعة البيبهات دي
اما عن الشعر فالحمد لله لوجي نازله ماشاء الله شعرها تقيل وطويل ومش هاحلقه في السبوع اصله عاجبني اوي وكل شويه احسس عليه محدثين نعمه بقي ياستي هههههههههه
اصلي كنت متوقعه انها هاتنزل قرعه هههههه
لأني كنت بشرب بيبسي كتير وانا حامل بس الحمد لله نزلت بشعر والسبب هو شرب اللبن كنت بشرب لبن وباخد حبوب الكالسيوم والزبادي بأنتظام ودي نصيحه لأي حامل حابه يجي البيبي بشعر حلو وتقيل

dr.princess · 12-17-2010, 08:16 PM

رنا الموقع ده كنت شايفة واحدة هنا فى المنتدى عاملة منه شريط البيبى
http://www.ticker.7910.org/?&lg=en
جربيه كده جايز يعجبك

dr.princess · 12-17-2010, 08:20 PM

اه يا سمية مش باخد حديد
اصلى انا على طول عندى انيميا فقبل ما احمل على طول اخدت كورس حديد مكثف جدا علشان يرفع النسبة لانها كانت بتقل لغاية 9 وده قليل اوى والحمدلله فعلا اترفعت فمحتجتش انى اخد حديد الحمدلله بس اصلا الفيتامينات اللى باخدها فيها نسبة حديد فاهو بتعوض شوية علشان يخلى نسبة الهيموجلوبين كويسة

somia · 12-17-2010, 08:20 PM

بسم الله ماشاء الله ..ههههههههههههههههههه رنا حلوة محدثين نعمة دي بس دي سنة وفي الطب اكتشفوا انه صحي فعلا وبيفيدهم اما بيكبروا...
بس بالنسبة للحليب والزبادي انتي ابتديتي تشربيه امتى ...؟؟؟