تجمع رعاية المولود من حديثي الولادة إلى شهر 3

[رسال]

مرحبا ياحلوات
الظاهر مشكلتنا وحده
بنتي برازها عادي لا اسهال ولا امساك وتجلس فوق 4 ايام ماتعملها وغاااازات مرعبه وخايسه
وصياااااااااااح من بعد الساعه 12 الى الفجر عليها حلف ماتسكت ولاتنام
وشيليني وهزي و دوري فيني مع اني ماعودتها لكن تنرفزني بصياحها
ساعات اقفل اذاني واتركها تصيح وماتسكت فضيييييعه
قبل امس نامت وصليت شكر :)
والبارح طلعت عيني الظاهر تحسفت نفسيتي دماااار خايفه اذبحها تعبانه الظاهر اكتئاب

[رسال]

مشاعل الله يعينك عليه
الظاهر كل الشعب كذا
لازم تاخذين موقف ولا بتبتلووون

[Mishael]

ياربي الله يعينك على بنتك وغريبه لغازاتها ريحه اللي اعرفه المولود ماله ريحه ،، بس ليش تصيح الى الفجر هي تنام بالنهار كثير يمكن اذانها ترا الاذان تذبححح جربتي تنقطين فيها مره وتسكرينهاربفازلين ،،

انا ايام النفاس كانت كذا جننتتني وصارت اذنها مع ان الدكتور كان يقولي سليمه بس اذا نقطة المره وسكرتها بفازلين هدة ونامت ،،

وبالنسبه لزوجي توني انتصرت هههههه اتخذت موقف وزعلت وبوزت اول مره اسويها بس كنه قلب السالفه علي وطلعت بس مالحقت على شي ،، مرات ارحمه لانه ماله ربع ولا استراحات وتجمعات كله عيال خالته مايشوفهم الابالسنه مره فاسكت واقول طفه وتروح ان شاءالله بس الله يصبرني

[يارحيم]

مشاعل حتى لو كسرتي الشريط بيحيب غيره.. اذا انتي ما اتخذتي موقف قوي زوجك مارح يتغير للاسف..

يا جماعة انا نويت احلق شعر ولدي.. كل احد قالي انه اذا ابيه يطلع بسرعه لازم احلقه ولا بقعد انتظر لين يصير ست شهور!!

طيب سؤالي وشلون احلقه؟ احد جرب؟ يعني استخدم مكينه حلاقة ولا موس ولا كيف؟؟

[لييتا]

شكرا لكل الي رد عليا
مشاعل الله يعينك الصبر حاولي تاخدي موقف وتفهمينه انو الحين الوضع مو زي اول اول كنا اثنين والحين ثلاثه وللبنت طلبات والى اخره وربنا يعيننا
رسال هل والله لاتقولينها والله الغازات عند بنتي كمان لها ريحه قويه بس والله ارجع ارتالها لانها طفله ماتفهم وانتي طولي بالك والله انهم يعصبون بس لاتنسون دولا امانه عندنا وكل ما تعبتي مع بنتك ادكري امك كيف تعبت معك انا كدا ادا تعبت قلت يامي مالك الا الجنة يارب وربنا يعيننا ويكونو قرة عين يارب

بنات بقولكم بطريقه تخفف شوي من الغازات ممكن تتكاسلو لاني انا الصراحه اتكاسل لكن الي اعرفه عن دي الطريقه انها ان شاء الله فعاله والطريقه كاتالي

جيبي جمره نار وحطيها في المبخره وتكون والعه صح مو مكان والع ومجمر ومكان اسود وبعدين جيبي منشفه او بربتوز داخلي قطني حق الاطفال وقربيه من الجمره لين يصير دافي وحطيه على بطن الطفل تكميد يعني وركزي على منطقة الصر واستمري كدا فتره وهو نايم او صاحي ويلعب مو يبكي لانو لو يبكي مابتعرفو تسو شي ومعا كدا ان قدرتي وهو يبكي تمام لانها بتهديه ان شاء الله
بعدها جيبي خرقه مربعه او مفرش او طرحه اي قطعه قطنيه مربعه وخليها على شكل مثلث ولفيالطفل بها حطيه بالوسط ولفي اول جهه وشدي زييييين وبعدين الجهه التانيه وان شاء الله عافيه الشد طبعا مو لين يختنق ومو تكون رابخه لا مشدوده لان الد عالبطن يساعد الطفل على تنزيل الغازات وجربوها وخبروني ان شاء الله اكون افدتكم

[Mishael]

يارحيم حرام تحلقين له رحمته ،،انا مره سمعت انو اذا حلقتيه يطلع الشعر غير مايصير مثل اول واذا انتي مصره عند رائيك اتوقع مكينه لان الموس بيعوره ويمكن يجرحه وبعدين ممكن يغير منبت الشعر تصير شعرته قاسيه ،،

،،
ليتتتاا الله يجزاك خير على الطريقه ان شاءالله اليوم اسويها وبقولكم النتيجه ،،

وبالنسبه لزوجي من السبت بتفاهم معه واذا ماخلص شغلي بروح مع اخوي لانه مايحب اروح مع اهلي السوق وانا يوم الخميس اكره السوق يصير زحممه

[يارحيم]

ايه اكيد الشعر يكون غير لان هذا شعر البطن على قولهم وكل الاطفال تتجدد شعورهم.. يعني على بالك اللي شعره كيرلي مثلا يطلع من بطن امه شعره كيرلي؟ المواليد كلها تطلع شعورها متشابهه بعدين اذا كبرو شوي تطلع شعورهم الصدقيه اللي حددتها جيناتهم.. عاد بعضهم ماتحسين لان يطيح شعر ويطلع شعر بنفس الوقت وبعضهم زي ولدي فجأة تصلع مناطق وتقعدين تنتظرين الشعر الحقيقي يطلع..

عشان كذا فيه ناس تعتقد انهم يوم حلقو عيالهم طلع شعر مب حلو واللي اول كان احلى.. هذا هو شعره الصدقي حلقتيه ولا ما حلقتيه بيطلع.. بس الفرق لما تحلقينه يطلع اسرع ومتساوي كل الراس ما يقعد فتره طويله وراسه مبقع و مشكل..

[مدوخه حبيبها]

مشاعل/ انا ماعندي علم عن الابرة بس سمعت فيها،،،

يارحيم/ حتى انا ودي احلق شعر حيدور لانه يتساقط بس متردده ع هالخطووة
وخايفة ع راسة خصوصا ان راسهم للحين طري،، واكيد راح استخدم مكينة الحلاقة، اخاف عليه من الموس يمكن يجرحه،راح اشاور زوجي بالموضوع،،واشوف

[مامة عبود]

بالعكس حلقيله والسنه تقول سابع يوم انا جاقت لولدي وماشاء الله خلال اسبوع طلع انا حلتله بالموس النساىي

شربو البيبيات يانسون او شاي الاطفال صحه قبل يجي موعد بكاءهم زي كذا ولدي الله يحفظه


صرت اسويله بل يجي موعد مغصه اللي دايم




لنا الاجر ان شالله وحاولي اللي ماتنام زين اول ماينام البيبي تنام معه واجلي كل شي

[مامة عبود]

السكر ماينعطي الرضيع الا بعد سنه اذا بتحلين حلي ب سكر بنات لانه طبيعي

مشاعل الله يعينك حاولي تكلمينه قبل لا تنامون وانتو جالسين على السرير او اذا جالسين تتغدون المهم للاهو يكون مشغول باللعب ولا انتي بالبيبي


علمينه انه طول الوقت يلعب بالسونى شي يضايقه قوليله عطنى شوي من وقتك ساعدني بالبيبي عشان تحس بحنانك وتتعلق فيه لانهم سبحان الله يعرفون اللي يحبهمم وقوليله اتفق انت واخوياك على ساعه تكون للعب معهم


انت لك زوجه واسره اذا ما طلعتنا وتمشينا ونروح مطعم او نغير من البيت ناخذلنا شاليه تعلمني السباحه ولا فندق نعير فيه ونسوي يوم رمنسي وخليك مصره وقولي كل اللي بخاطرك




وان شالله ينفع معه الاسلوب هذا