تجمع حوامل ليبيا

[أم أجنادين 80]

هدا درس بسيط دمجت فيه نوعين من رسمات العيون
ان شاء الله تستفيدوا بيه

للحصول مثل هذه الرسمه من الأمام فقط يعني الرسمه المسحوبة

وفي نهاية العين ترسمي رسمة ذيل السمكة

طبعا بعد تهيئة البشره ووضع الكونسيلر ورسم الحواجب ووضع إضاءه تحت الحواجب
في البداية ارسمي بالكحل عند نهاية العين ذيل سمكه او رقم سبعة مقلوبه على جانب

ثم ضعي شريط لاصق تحت الخط العلوي حتي تضعي الظلال بطريقة جيدة ولاتشوه المنطقة التي نريد ابقاؤها فارغة
ضعي الظلال التي تريدينها وركزي عند نهاية العين اعلي الشريط اللاصق عليك ان تضعي لون داكن او ان تغمقيه باضافة اللون الأسود للشادوا او حسب رغبتك اذا اردت الحصول علي لون فاتح طالما انك وضعتي الشريط اللاصق او اذا كنتي دقيقة فلاتحتاجين له
نرجع الي الرسمه المسحوبة من الامام وللحصول عليها اتبعي الخطوات التالية :

ديري خط بقلم الكحل عند مدمع العين زىهدا

وترسمى من فوقه ::

وتتخنيه من تحت شويه::

وهدا شكلها

تحت العين ارسمي عند نهاية الكحل خط مستقيم الى منتصف العين
وعند مدمع العين عرضيه اشوي ليتناسق مع الخط المستقيم
كما هو واضح بالصورة

وهنا غطي الفراغات بالكحل

ثم مدي خط صغير من الأمام بهذه الطريقة

والخطوة الاخيرة عبي الفراغ في ذيل السمكة بشادوا أبيض او قلم ابيض لماع لتحصلي علي مكياج مثل الصور العلوية ومثل هذه الصورة

[ام وسونة]

بالنسبة ليا اني وخيتك فاضله من الغدي فاصوليا

وكلمته توا قولتله جيبلنا مشويات لكن اني مانديرش في

عشي حتي في ليبيا غدي فقط

[أم أجنادين 80]

قالك فيه واحد كل ماتتصل بيه صاحبته مرته
ترمي التلفون في الشحن ليش ؟؟












































لأنه مسجل اسمها البطارية ضعيفة !

[أم أجنادين 80]

حتي انا غالبا ديمه حاجة خفيفة ولو متغديين متاخر شوي مانديرش

[عيون زوجي]

يا ستي لحم الخروف يكون كبير ويطيب في الكسكاس وبعد ما يطيب درته زي الطاجين حطيته في الطنجرة مع شويه ميه وزيت ودباير وطماطم وبصل شرايح وخليته اطبخ لين صار اللحم زي البورديم بينفصل من عظمه والصوص اتكثفت
والبطاطا قسمتها ارباع وطبختها في ميه وملح وبعدين تبلتها بملح وفلفل بودرة امدخن وقليتها في الزيت
وجبنه الشيدر درتها اصابع حطيتها في بيض وملح ثم خبزة مرحيه عاودت هالخطوة مرتين وقليتها
وخبزة ومشروب
عشاء دسم لاني ما درتش غداء وراجلي جعان طول النهار مشنق في الزيتونه مع خوه

[ام وسونة]

شوفتي الرجاله شن يطلع منهم هههههههه

[ام وسونة]

صحيحة ومطرح مايسري يمري وتسلم ايديك

لكن فعلا دسم تصدقي لونتعشاه مش نقدر نرقد لانه عندي المعدة

ومعاها تفيقي الصبح تلقي روحك زايدة 3كيلو

لكن سؤال خيره راجلك وخوه مشنقين في الزيتونة شن يديروا؟؟؟؟؟؟؟؟

[عيون زوجي]

نبي انزلكم صورة الحوش والشارع يلي كنت فيه في المانيا السنه يلي فاتت مابوش ينزلوا

[عيون زوجي]

ههههههههههههههههههههه يخرطوا في الزيتون موسم الحصااااااااااد عقبال ما ادوقي زيت الزيتون البكر السنه هادي.....

[أم أجنادين 80]

أوووووووووووه سهفتيني