تجمع لحوامل شهر جمادى الأولى 1433

[سهاد-الروح]

مساء السعادة وراحة البال كيفكم حبوبات

قمر ربي يجعل حياتك سعادة بسعادة طمنتيني بخصوص الابرة والله يكتب لك اجرها يارب ...
ومثل ماقالت ام رازان هههههههه البسيهم وانتي مغمضة اهم شي ابو الشباب
ام بدر ياعيوني كثري من اكل الزبادي مرة حلو لحالتك وان شاء الله قدامك العافية
مغتربة ياقلبي حاسة فيك والله بس ان شاء الله تنسي كل هالتعب من تشوفي زوجك والبيبي يارب
ريم ههههههههه وانا مثلك بكرية ومو مصدقة انه بيجيني بيبي ياسبحان الله كنا اطفال والحين امهات الله يجيبهم بالسلامة ....
سروءة الف سلامة عليك ياقلبي ماتشوفي شر اجر وعافية اهتمي بنفسك وصحتك...
ام رزان شفتها هاللفات بالسوق بس ماعجبتني بس الحين احسها مرة حلوة ان شاء الله اذا رجعت اخذ اغراضي بشتري لي حبتين ...

وش الاعشاب اللي بتشتروها للنفاس...

[سهاد-الروح]

يمكـ دروبي حياك يالغلا شلونك انتي والكرشة؟؟؟؟

[أم رزاان]

ياهلا سهاد .. مساك جنة يالغاليه

الكافولات مرررة مريحة في لف البيبي
لما تلفية فيها تبان اكثر ! :)

بالنسبة للأعشاب أنا والله لسى ما اخذت شيء

بس ناوية اخذ بإذن الله

حلبة قصيمية بستخدمها 10 ايام بس
يانسون
كراوية
قرفة
مرة
قشر قهوة
رشاد
حبة سوداء
زنجبيل
كمون
نانحة
عباءة السيدة .. وهذه يمدحها الدكتور جابر القحطاني يقول انها ترجع النفساء كانها بنت !!
وتزيل البطن وتشد المنطقة .. بشرط ماتستخدم إلا عشرين يوم بس !!!

هذا اللي جاي في بالي الآن
وطبعاً بكتب لي برنامج امشي علية طوال فترة النفاس
وهذا مهم جداً

بالإضافة لشغلات الجسم والكريمات !!

[أم رزاان]

سهاد .. بالنسبة للف البيبي
ترى مافي احسن من لفة بالمهااااد !!
تلفية بكافوووله قطنية مريحة وتربطيها بالمهاد من صدرة إلى ارجله
هذه والله دكتورة امريكية مدحتها لي لما ولدت بنتي الأخيرة
هي اللي ولدتني وعلمتني كيف اربطها على الطفل
بشرط ما اشدها مرة عليه
تقول هالطريقة بتخلية ينام مرتااااح وتحسسة بالأمان
وكانة في بطن أمة .. لآن الطفل لو ضلت يدية طالعة بتزعجة وتقلقه وقت النوووم
لأنة كل شووي بيفز منها !!!

اما الكافولات اللي قلت لك عنها فهذة وقت الخرجات بس !!

[سهاد-الروح]

ماشاء الله ام رزان كل هذي الاعشاب بتاخذيها طيب اذا ما عليك امر قوليلي كل عشبة في وش تستخدم وطريقة تجهيزها كيف والله ما في راسي شي عن الاعشاب وبعد قوليلي وش جدولك فيها ...محتاسة بس باتعلم منكم وباذن الله استفيد ...

[سهاد-الروح]

ما قصرتي ان شاء الله ارجع اشتري لي منها ....

[أم رزاان]

ماشاء الله ام رزان كل هذي الاعشاب بتاخذيها طيب اذا ما عليك امر قوليلي كل عشبة في وش تستخدم وطريقة تجهيزها كيف والله ما في راسي شي عن الاعشاب وبعد قوليلي وش جدولك فيها ...محتاسة بس باتعلم منكم وباذن الله استفيد بس باتعلم منكم وباذن الله استفيد

أبشري ياقلبي
بروح للسوق الآن وراح اكتب طريقة استخدامها بس ارجع

[..ام بدر..]

مرررحبا ياحلوااات

ابشرركم اليوم اللهم لك الحمد احسن من اول

ام رزان انا بنفاسي الاول استخدمت نفس اعشابك وان شاءالله كمان بنفاسي هذا راح استخدمها..وفعلا المهاد شي ضرووري للطفل عشان يرتاح

سرووءه_الف سلامه عليك روحي اقرب مستوصف بيعطونك ابره توقف الترجيع تراه مو زين للحامل وكثرري سوايل والله يشفيك ويخفف عنك

[متغربه]

قمر.. هلا بك بالغاليه، والله إذا توفرت لك فرصة ابتعاث لا تخلينها وانفعي نفسك الدراسه زينه، بس أهم شي يكون زوجك معاك، أنا والله اضطريت أروح لوحدي مع اطفالي وبصراحه تعبت تعبت الوضع هنا محتاج صبر خاصة مع الأطفال، لكن اذا كان زوجك معاك صدقيني بتكون تجربه حلوه، بس أهم شي روحي لولايه رخيصه شوي لأني اهلكتني المصاريف.. والله يوفقك يارب ويسهل كل امورك..

[متغربه]

أم رزان يالغاليه كيفك اليوم والبيبي؟؟
والله يا حبيبتي أنا لي بالغربه الحين حوالي خمس شهور وزوجي مو معاي لأنه عمله رافض فاضطريت أجي لوحدي وأولادي، بس الحمد لله بيجيني قبل ولادتي بأسبوعين وبيجلس عندي كم شهر، صعبه أني أولد لوحدي بالغربه كان ما يطلع البيبي هههههههههههههههههه.. حتى الوالده أن شاء الله بتحاول تجيني فترة النفاس على الأقل..
سهاد الروح.. ما تقصرين والله يالغاليه وبالنسبه للأعشاب أنا ما لي فيها الوالده الله يحفظها أن ما قدرت تجيني بتعطيها زوجي يجيبها معاه، ويارب نقوم بالسلامه جميعا..