ديوانية البحرين - دردشة حوامل البحرين - البحرينيات

طفلي حياتي · 02-13-2011, 01:21 AM

اي وين اروح الحين مابغي اروح ولا شي اذا يه ولد الحمدلله اهم شي السلامه والاغراض كلها فتره بسيطه وبعدين نغيرهم اذا ولد وبس.. ماجاوبتين على سؤالي اعلاه

rose soul · 02-13-2011, 01:22 AM

طف طوف..لا تقارنين حركة البيبي مع وحدة غيرج..لأن يقولون تختلف
بصراحة انا عكسج..ليومج الحين واهيه تتحرك..وبطني لحين يصير اشكال لما تتحرك..وانا ابيها تقل حركتها علشان اولد..لأن سمعت اذا لحين تتحرك يعني لحين مريظين ع الولادة ولا يندرى

طفلي حياتي · 02-13-2011, 01:24 AM

اهاا اني فعلا بحثت في النت وايد يقولون عادي ترى بعض الاجنه هاديين وبعضهم لا مشاكسين وان شاء الله يارب الخير للكل ولا فيهم الا العافيه ان شاء الله

rose soul · 02-13-2011, 01:29 AM

اي شكلها فرحتج هادية..تصدقين يقولون الاشيه اللي كانت تسويها في بطنج..نفسها لما تطلع على الدنيا
شكلها بتريحج وايد..وحتى الفترات اللي متعودة تقعد فيها وتتحرك وتربش..نفس الاوقات لما تطلع..بس بعدين شوي شوي لما تكبر انتي تعدلين نومها

طفلي حياتي · 02-13-2011, 01:33 AM

اي والله هي احس حركاتها في اوقات معينه وبنشوف اذا صدق لو هرار اذا يبتها بالسلامه يارب سليمه معافاه يارب يارب يارب وياكم كلكم.

rose soul · 02-13-2011, 01:42 AM

ان شاء الله يارب

طف طوفتي بعد جبدي..شكله الحموضة ارتفعت لي..بقوم اريح لي
وان شاء الله نجوفج على خير

لا الجماعة صج شكلهم كلهم يسكسكون وههههههههههههههههههههههه

شكله الليلة ..ليلة السيكو سيكو العالمية
انزين جان نطرتو لعيد الحب:p

طفلي حياتي · 02-13-2011, 01:45 AM

هااااااااا طحنا على سرش خاشه السالفه لعيد الحبببببببب هههههههههههههههه
اوكى توني بقول لش خلاص وصلت حدي والحموضه بدأت يلا باااي تصبحين على خير

om khalil · 02-13-2011, 10:45 AM

يالله صباح خير
ولدي مسوي وقعة كربلا لجل الدوامه مالته ضايعه
ويش الشور مافيي شده أطلع أشتري له شي

وسكتي ياطفلي ضكرتيني البارحه اللي في بطني مو مسوي سوايا
عافس الدنيا فوق حدر
طراخ طراخ مو طبيعي حسيت بضيق مادري جيفه
ريلي شافني أتطفر قام حط ايده على بطني ومات من الضحك
يقول ويش هالوقعه الصلاة على النبي
عفر مثل أخوه يدور دوامته خخخخخ

شمس الصباح · 02-13-2011, 11:31 AM

صباح الخير بنات شخباركم

اني من الصبح اليوم قاعده ما نمت قررت اني اطبخ من اليوم وقعدت وسويت صالونة لحم واكو الشباب وابوهم متخرعين على عمري اليوم وليمة تمللو من اكل المطاعم

اي عندي سؤال الي ام خليل او احلام ام او اي وحده عندها خبرة

اني للحين ما طهرت احيانا ما ينزل شي ومرة وحده ينزل على دم هل طبيعي وراح يوقف قبل لا اطلع من الأربعين مع العلم ان باقي تقريبا اسبوع واطلع من النفاس ؟

السؤال الثاني للكل ابغي اقص شعري واني شعري طوووويل وناعم هل اقصه واسويه قصير لو بنفس الطول وشنو نوع التسريحة بصراحة متحيره وابغي احد يشور على لان خاطري اغير شكلي واي صالون اقدر اروح اليه واني مرتاحة ان ما راح يخربون شعري

يالله انتظر جاوبكم

أحلام أم · 02-13-2011, 01:36 PM

مساء الخير متباركيين اليوم ذكرى تنصيب الإمام الحجة (ع)
اللهم عجل لوليك الفرج
مسامحة اليوم تعبانه مالفيت على ردودكم سييييدة على رد شمس الصباح
اليوم رايحة تحليل السكر وأحس بطني معفوس من الجلكوز ومن الصبح للحيين مانمت
شمس الصبااح
هلا بيش حبيبتي منورة من زماان ماتطليين عدل شوي وتهربين مثلي ههههههه
عليكم بالعافية بصالونة اللحم ويش أخبار أبو صفار إللي عند ملووكة ياارب زين
بالنسبة للدم إلليي مازال ينزل متقطع عااادي حبيبتي ،أني صاادني للأربعيين بولدي الصغير أكثر من أخوته وطوف شوي وكل إستحاضات
ومو بس جدية العادة ماجتني لكم شهر من الرضااعة ولاكن مكانها كله إستحاضات بس تغربلت ولا قدرت أعتبرها عااادة لأنه متقطعة بالأياام ومو بكمية وبدوون ألم العاادة أضن حالتي شيء ثاااني
بس حاولي تمترخيين قبل الأربعيين بسرعة وتشربين أشياء تنزل الوسخ علشان تفتكيين وأحسن تنزل هذي الأوساخ وتفتكييين ونسوان واايد جدية
بالنسبة لشعرك الغجري الحريري
يتراوى ليي قصية مقطع على طوووله وصبغية كستنائي أو أي لون يناسب بشرتش حبيبتي
يقولون في صالون في البديع روعة عندة الصبغ إسمه (بنت العشرين ) وااايد ينعتونه شوفيه
أشوفكم على خيررر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM