تجمع رعاية المولود من حديثي الولادة إلى شهر 3

[مدوخه حبيبها]

سلام امهات
كيفكم وكيف النونوات؟
مشكورات كل من سأل عني
عساكم ماتفقدون غالي،،،
انا صايره مادخل كثير ولو دخلت اكون متابعه لكم بس ماارد
صاير وقتي مزحوم،،
حيدوري صاير دلوع بس يبغى الحضن،،
وحتى بيتي اهملته
مع ان زوجي مايضغط علي مخليني ع راحتي،،

ايييه صح حيدور ماشاء الله عليه بدا يبتسم اذا كلمته
وغيرت حليبه رونالاك1 مع انه كويس له ماسبب امساك بس لاحظت عليه انه يجوع بسرعة ﻷن الحليب خفيف مع اني كنت ازود عدد الملاعق بس مانفع،،
المهم اخذت له حليب ( بريميم كير) ﻷن جربته ببنتي وكويس ان شاء الله يضبط معه،،

اممممم اشوف زينب تتكلم عن الوزن..
المهم مو الكل ينقص وزنهم مع الرضاعة
انتي لاتيشلين هم كثير
ﻷن الوحده يبغالها فتره على ماتنحف بعد الحمل
ضريبة الحمل والامومة هاع،يعني حمل 9 شهور ،الجسم يمر بتغيرات كثيره بهالفترة ف عشان كذا اصبري
ان وزني وصل بالشهر الاخير من الحمل 73
وحاليا وصل65 مع اني مارضع طبيعي!
يعني هو يعتمد ع نوعية الجسم،،

شوق جدة/ حبيبتي استمري ع رونالاك اللي حق الغازات لانه نفع مع حيدوري
بس يبغاله فتره عشان يبين مفعولة،،بس انتبهي لعدد الملاعق مكتوب بالعلبة

مين قالت ان براز البيبي حقها اخضر
انا لاحظت ان حليب رونالاك يسوي البراز اخضر فاتح

يارحيم/ حتى انا حيدوري شعره يتساقط وعادي لاتحاتين هذا طبيعي ،،راح يطلع جديد،،

وش اخبار شذووووو فاقدينها ..

[مدوخه حبيبها]

ايووووووه صحيح ان الغرز الخارجية آخيرا طاحت بس باقي الغرز الداخليه
هل ممكن احط تحاميل عشان تنظف الرحم عندي ﻷن طفشت من الافرازات الصفرا اللي تنزل عندي بس خايفة تنفتح الغرز،،
عندكم نصيحة لي؟..

[ياهم ربي كبير]

مدوخة ،، منورة يا عسل وينك ماتدخلين ؟ خلي عنك المتابعة من بعيد ودخلي وسلمي كل ما تلاقين فرصه :)
ايه والله الوزن وما ادراكِ ما الوزن .... خلاص بشيله من راسي ، وان شاء الله خير ..
انا لسا ما غيرت حليب البيبي ، لسا على نان ، و مشكلة الامساك حليتها بتخفيف عدد الملاعق :)

[شوق جدة]

أهلين مدوخة..............الله يعينك...حتى انا نفس ازمتي مع جوجو....
ماتبي السرير او الارض....تعلمت الشيل........حتى وهي نايمة......
والحليب ان شاءالله يناسبها.....بس ماادري استمر عليه على طول والا بس فترة معينة.وارجع للعادي.......
زينب..........اهلين ياحرمة.......
والله تكسلت......مالي نفس....اعتنيت بس شوي......الحين بشد حيلي....
اما على الاكل.والله مااكل شي........بالعكس كل شي يسمن آكله....لحم ومرق وعسل....وين اكل ينحف...وسلطات مااحب.......وفاكهة مااكل الا التفاح والبرتقال.........النحف الحقيقي لما اروح بيتي.زوجي معودته على الدلع والاهتمام.......وماهو من النوع اللي ممكن يتنازل عن اللي هو متعود عليه.وجوجو من جهة.زخلاص كملت.........على الاقل راح انزل 10كيلو ثانية......
وحبوب منع الحمل نفس الكلام اللي قلته........حبوب الرضاعة 15يوم ماتسوي مانع.....والحبوب العادية 5ايام ماتمنع الحمل.....
الدكتورة قالت عادي اشربي الحبوب وعادي يصير جماع...... بس مدة 15يوم مايدخل فيكي شي.....
بس فيه قصة ثانية قالت لي يمكن تلخبط الدورة واحتمال تسوي لك استحاضة....

[شوق جدة]

زينب........انا زوجي من عالم آخر....تعود الدلع بقوة.....حتى وانا رابطة وممنوعةمن الحركة يزعل لوقللت من الاهتمام فيه...ومن النوع اللي طلباته ماتخلص...الحين وانا بعيده عنه يزعل اوقات اذا مافضيت ادق عليه او ارسل له رسايل.....مو مستوعب قصة ان النظام كله بيتغير...
وفوق البيعة جوجو...وتقولي ماانحف؟؟؟؟؟؟؟؟
اما الحبوب انا الدكتورة قالت لي على حبوب الرضاعة احتمال مو اكيد تلخبط الدورة.......
طيب ليه ماتركبي لولب؟؟؟؟؟وترتاحي..واتوقع مفعولها يكون مضمون من اول ماتركبيه؟؟؟؟؟؟
انا لوماكنت والدة قيصري كان اخترت اللولب احسن......
انا لما استعملت حبوب منع الحمل العادية جينيرا كان مكتوب بالورقة انها مايبدأ مفعولها الا بعد5ايام.......
انتبهي لاتحملي يابنت.ونبارك لك قريب..........خخخخخخخخ
ترى انا مره حملت وفيني حليب بصدري.......فيه ناس يكون هرمون الحليب مرتفع ومايحملوا وفيه ناس لا.........

[مدوخه حبيبها]

زنووب/ ان شاء الله حبيبتي راح احاول بين وقت والثاني ادخل اشارك معكم،،،وحليب نان حتى يوم قللت الملاعق مانفع مع حيدور،،بس الحمدلله ضبط مع النونو حقك،،،

شوق /حبيبتي استخدمي الحليب لحد ماتخلص العلبة يعني حتى اذ انتهت المشكلة ظلي استخدميه لحد مايخلص وبعدين غيريه..

[Mishael]

زينب الله يوفقك مشكوره عالدعوه ،،
بناات ،،
انا استخدمت حبوب الرضاعه وسوتلي حووووسه ولخبطططه المهم هي لها تعليماات
اول شهر استخدام بتجيك الدوره ثلاث مرات وهذا اللي صار معي
ثاني شي يبدا مفعولها بعد اسبوع ،،
ثلاث حاجه لازم تاكلينها بنفس الوقت ماتقدمين ولا تأخرين ولا ابشري بالنزيف ،،
رابع شي لو تركتيها ليله وحده توقفين الجماع اسبوع ،،
،،

شووق جده الله يعينك على زوجك بس ان شاءالله اذا صرتي عنده وشاف وضعك بيرحمك ،،

،،
انا بنتي قريب تخلص الثلاث شهور وللحين انا وياها معافر كني فحرب ومبهذله وحالتي حاله ،،

،،
رووعه وحشتيينييي

[أم ولودي]

بنات ملكتني وينها مره لها فقده من زمان عنها عسى المانع خير

[روعة النسيان]

شعووووله تسلميين ياقلبي
زينب حلو جتك الدورة تدرين تسوين طريقة العد يعني ايام التبويض انا ماعرفها بالضبط بس ابحثي عنها
لان الدورة جت معناها صار عندك تبويض انتبهيي من الحمل

أنا مفتقده أثري في مدادي اشتقت لها

ملكتني الغاليه موجوده بالمنتدى بس شكلها مششغوله مع غيرنا

وينهم بنات تجمع محرم و الصفحات اللي كانت طايره مانلحق عليها

[يارحيم]

مدوخه وحشتينا حبيبتي الحمدلله جيتي وطمنتينا على اخبارك.. شكل الامور مستتبه عندك ولله الحمد

شوق موتيني ضحك على زوجك حسيته بيبي من جد! انا زوجي متعود على الدلع العاطفي يعني يبغى مدح وكلام حب دايم.. ويبغى اسولف معاه واهتم فيه.. لكن اهتمام جسدي يعني شي يتطلب مني اتحرك واكرف صراحه انا ماعودته! انا كسولة شوي وبيتي حوسة دايم والاكل يوم اطبخ وثلاث ايام لا وبصراحه ما عودته لا على مساجات ولا خرابيط لان مافيني حيل ههههههه مادري وش نوع الدلع اللي زوجك متعود عليه بس من جد الله يعينك لازم تخففين شوي لين يتعود بكرا ان شالله ربي يرزقك بعيال غير جوجو وماعاد بيصير عندك وقت ولا طاقه .. الحين انتي المفروض تتدلعين عليه

زينب بديت انضم لك بازمة الوزن وانا اول فرحانه بطني كانت قاعده تصغر ووزني يقل وعايشه الدور اني برجع زي اول بدون مجهود!! الحين بادية اتحطم..

مشاعل مو معقول بتكملين ثلاث شهور وللحين معافر انا اللي فاهمته ان البيبي تركد اموره على الشهرين وذا اللي مصبرني على اللي عندي اقول يالله باقي شهر وتستقر امورنا!! لا وصديقتي قبل يومين تسولف معاي تقول اصلا بتلاحظين فرق كبير اذا طلعتي من الاربعين يصير الطفل ينام فترة اطول وتنتظم رضعاته اكثر.. فرق عن اول ما ينولد..