ديوانية البحرين - دردشة حوامل البحرين - البحرينيات

[فلونة]

شفيج روز قمتي تقطعين اجوف كل ذي بسبت الغدى ،، اكو الهنود ياكلوون فلفل وجوفي احلا مافيهم شعرررهم الكرااه
علا طاري الشعر خاطري اقص شعري بس قلبي مو امطاوعني بروحه من حملت وانا متغربلة بالقشرة و وايد يحت :(

[طفلي حياتي]

فلونه هذي اللي اقصدها ام الطماط اسويها بطريقة رهيبه تبغين الطريقه بسيطه ولذيذه قولي بعطيش الوصفه عاادي
قولتكم اذخ بندول عن هالالم؟؟ في ضلعي من ورا كريه كلش بالاضافه لبطني معتفس

[rose soul]

فلونتي..لا هذي من الدهن اللي يحطونه في شعرهم..اللي من بعد ألف متر تنشم الرحة

طف طووف لا لا تستخدين البندول..شناوية على عمرج؟؟

انا بقوم عنكم..باخذ قيلولة .. وباخليكم تتراقعون مع بعض خخخخ
يلا بيباي حبيباتي

[فلونة]

طفلو لا تاخذين بندول ومعدتج خالية انا حتى لو يصيدني الم في اسنانسي استحمل الالم ولا ابلع حبووب ،، قومي اكلي لج خيار وروب اذا عندج وانبطحي علا جهة اليسار و ان قلت لج ابي الوصفة يا منال العالم بتصير سالفتي في الجزيرة والعربية امبدال حسني ما يسوى علي ،، باقولج ترى في مذركير يبيعون القطع الي يحطونهم علا مفرش البيبي اذا ما خذيتي للحين علشان تكملين سعر الشفاطة

انا يوعانة اكلت بقلاوة واحس بحموضة واصلو لبلعومي

[طفلي حياتي]

روزاتي باااي نوم العوافي
فلونه كسرتين خاطري بعلمش الوصفه
وبالنسبه لقطع المفرش زين قلتين لي لان ابغي منهم حتى لفات البيبي عندهم حلوين باخذ
الوصفه مالت المضروبه هي كالتالي
صدر دجاج واحد كفايه
عيش كاس واحد كبير مال جبن
فص ماجي
طماطيه كبيره او ثنتين وسط
زبده احلى يطلع بها او زيت
الطريقه
يقلى الطماط في الزبده لين مايذوب بعدين نضيف الدجاج والعيش والماجي وكمية الماي تكون كافيه عشان تصير مضروبه اني بصراحه ماسوي بمقادير معينه بس اطالع واسوي
المهم عقب ماتخلين باقي المقادير معاهم فلفل اسود شوي وملح بس ولا شي غير تضيفين تخلينه يستوي على نار هاديه لمدة ساعه وكل شوي روحي شوفيه يحتاج ماي يحتاج تقلب ولين نضج الدجاج واستوى كلشي اضربيه اما بملعقه خشب او اللي يضربون بها ماعرف شسمها تجي مثل الملعقه بقاعده مربعيه وفيها فتحات ماعرف اوصف المهم ضربيها وبس استوت وتصير يمي لزيزه

[طفلي حياتي]

على طاري البندول الكل يخاف منه واني من اول ماحملت ولا افترك اخذه عادي الحافظ الله

[طفلي حياتي]

لاتخلين ملح اول شي لان الماجي مالح وفي طعمها بعدين اذا تحتاج خلي
والحين بقوم مالي حال من الالم مادريوش هالحاله بعد ضلعي قايم قومته وبطني متفرغ
يلا حبيبتي القاش على خير
قومي عابلي صبعتش

[طفلي حياتي]

كلمات متقاطعه خلي شوية دهن لان تحترق الزبده ههههههههههههههه

[فلونة]

باسويها يوم اجازة ريلي لانه ما يبيها علا وجبة يقول المضروبة حق عصرية مو حق وجبات رئيسية وان ما ضبطت معاي براويج ها،، وديني وياج طفلو خاطري اروح اطالع علا راحتي كل مرة يوديني سي السيد بسرعة بسرعة اخلص وامشي وارجع البيت متدودهة ماعرف شنو خذيت
وسالفة البندول انا مو بس البندول اخاف من كل الادوية وانتي تعرفين ماحب اخذ حبووب

قومي ارتاحي شوي وتركي عنج البندول انا شوي وباروح الصالون اشي هالحشيش

[طفلي حياتي]

فلونتي ريلي ما ارتاح اتسوق وياه بدا يمللللللللللللللل
المهم بقوم مع السلامه