دردشة بنات مصر , دردشة حوامل مصر , تجمع بنات مصر

نولارا · 10-17-2011, 12:15 AM

احنا نقدر على كده يارنا
قولتلك طيش شباب وموش هتتكرر تانى

gogo · 10-17-2011, 12:16 AM

معاكى يارنون

رنا خالد · 10-17-2011, 12:21 AM

ماشي ياجوجو بصي بعد ماتضربي البيض انخلي الدقيق والبكنج بودر علي البيض بس ضفيه حبه حبه وبعدين ضيفي الكاكاو منخول برضه
وبعيدن قلبي براحه لمدة 3 او 4 دقايق
وادهني الصنيه زيت ورشي شوية دقيق وبعدين حطي الخليط وطبعا ولعي الفرن قبلها بتلت ساعه علي درجة حراره 180 وماتفتحيش عليها قبل نص ساعه وبعد كده اختبري سواها بشوكه اغرزيها في نص ولو طلعت فيها خليط تبقي لسه نيه ولو طلعت نظيفه تبقي استوت
واول ماتستوي اطفي الفرن وسيبها شويه يعني 5 دقايق كده وبعد كده طلعيها وحطيها في المطبخ تبرد ماتحطيهاش في مكان في هوا
عشان ماتهبطش واللي هايخليها عاليه وهشه جدااااااا ضربك للبيض كتير وسبيها في التلاجه مش اقل من 4 سعات وبعدين ياستي هاكملك

gogo · 10-17-2011, 12:21 AM

رحتوا فين يابنات

gogo · 10-17-2011, 12:26 AM

ماشى يارنا لحد كده تمام

رنا خالد · 10-17-2011, 12:32 AM

اقسميها من النص براحه لوعاليه بتتقسم علي 3 طبقات ولو مش عاليه بتتقسم علي طبقتين بس
واسقيها بعصير الكمبوت او بكوبايتين مايه عليها كوبايه سكر ونص لمونه وسبيهم يغلوا علي النار لمده خمس دقايق شويه وتبرد واسقي بيها نصين التورته اسقيها كويس عشان تبقي طرية مش ناشفه
وبعدين ضيفي في النص الكريم شانتي وحطي عليها الطبقه التانيه واسقيها برضه وبعدين غطيها كلها بالكريم شانتي من بره وسبيها تبرد حوالي نص ساعه وبعدينحطي صوص الشوكولا علي وشها وده ياستي بيتعمل ازاي اقولك
عباره عن شوكولاته خام متسيحه علي حمام مايه عليها 3 معالق لبن ونص كوباية زيت وهي سخنه بتحطيها علي وش التورته وتساويها بسكينه كده بجناب السكينه فاهماني
وبعدين بقي ضيفي كريز او شوكولاته او مكسرات وزوقي الجناب برضه معاكي بيبقي شكلها حلو
بسسسسسسسس طبها تبرد مش اقل من ساعه قبل ماتتكل
وبالهنا والشفتشي
هاتعجبك جدا دي طريقة شيف بيشتغل في موفنبيك بقي يعني اوعي وشك
مش هتلاقي اجمد من كده نوهائي وانا مجرباها بتطلع تحفففففففففه

gogo · 10-17-2011, 12:32 AM

انا نمت يارنا

رنا خالد · 10-17-2011, 12:36 AM

وضيفي للكريم شانتي شوية كاكاو وانتي بتضربيه ياجوجو هايبقي لونه كريمي وحلو اوي[IMG]file:///C:/Documents%20and%20Settings/ahmed/Desktop/New%20Folder%20%282%29/PICT0407.JPG[/IMG]

gogo · 10-17-2011, 12:37 AM

شكلها جامد يارنا هجربها ان شاء الله بس موضوع تسيح الشكولاته ده مش فاهمه ايه حمام مايه ده

رنا خالد · 10-17-2011, 12:37 AM

كنت بنزلك صورتها بس مانزلتش للأسف
هاسيبك انا بقي عشان اقوم احضر اكل بكره واتعشي
ولو خلصت هاجي يارب الاقيكي بقي انتي والبنات فاصل ونواصل ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM