ديوانية البحرين - دردشة حوامل البحرين - البحرينيات

[Roze]

الله يسهل عليش وتولدين بالسلامه
احنه بالبحرين لين جت الام الولاده نجيب مراخه تمرخ البطن فيزيزد الطلق
وبعض الامور الي انا نفسي مو مقتنعه فيها نفس سالفه التبخر من تحت
حاولي تتحركين وتشرربين دوافي عشان يزيد اكثر الطلق وان شاءالله تولدين وتفتكين

[نبض الشوووق]

ان شالله اولد وافتك

[om khalil]

صبااااااااااااااااح الخيررر

هاوي خمرتكم البارحه ويا سولف المراخات هههههههه
خبري بهالحركه يسوونها للوالده او للي سقطت بعيد الشر عنكم حتى يرجع الرحم لمكانه الطبيعي

عيل معقوله وحده بولدونها يدفرون رحمها لداخل؟

اني سوت ليي هالحركه التايلنديه بالصالون ووحده مراخه فانيه ماضكرها

البارحه عن بايي بس عندي عزكم الله إعصام فتك بي فتكا مبرحا
ماغير اشرب في هالمياههه رايح ياي وسنترت في الحمام كل شوي
تالي قمت اكلت ليي برتقاله ونمت والحمدلله اليوم أشوى

اشووفكم وقت فاني يالله سهاله ان شاءالله يروز وام الساده وبنوته وكل اللي على وشك ولاده يارب

[Roze]

عفر اليوم بغدي السعودية ويا اختي

دعوااتكم بتيسير الاموور

[أحلام أم]

مساء الخير
مادرت على سوالفكم البارحة لأني باقوم وبرجع بعد شوي

ام خليل
لا تهريين في الأكل ولاتاكليين أكل مطاعم ،وكثري من الألياف والبرتقال واايد زين للبطن أني بعد بطني يعورني من النفخة والغازات البارحة مسوية لوووبة وكل حيين زوجي يقولي لاتاكليين وايد ماباوديش المستشفى اللوووبة تنفخ البطن وتالي صدق هيكو للحيين يعورني ومنفوخ

روز
بالسلامة خيوو ودرب السلامة ولاتنسين تتطلعيين صدقة واللة يجيبكم بالسلامة وخبرينه عن مشترياتش

[فلونة]

مسااء الخيرر،، شخباركم

ام خليل،، لا تنسيني عاد انا معاهم بعد الله يسهل على جميع الحوامل يا رب ،، وشكله الامساك صادج عقب بوفيه كرامي ها اكلي لج برتقالة مفعولها سريع في الامساك

طفلوو،، انا قلت لكم باروح بيت ابوي واهناك ماميش نت شاسوي ،، انا ماقدر اجوف الصور من تلفوني تالي بجوفهم وليش ما خذيتي الزرافة علشات تلقط فراشاتج سنفورة وحدة

روز سول،، يلا باقي عن حسبتج جمن ساعة عليج بالسيكو بالسيكو لين تطلع بنتج وانا خلاص لهيت عن سالفة الولادة علا كيفه هالبطل اذا الله كتب بيطلع

ام السادة،، انا بعد اكثر الاهل مسافرين واذا الله كتب و ولدت هاليومين محد بيي لي الدختر بس الله يردهم بالسلامة وانا المهم اولد واجوف بنتي او ولدي جدامي مافيه الا العافية ولاحقين بييون يجوفونه في بيت ابوي

رووزو،، انا البارحة سألت خالتي عن المراخ قالت لي مب زين حق الحامل ولا ادري ،، يلل تروحين وترجعين بالسلامة وييبي لي تمر من اهناك زييين :p

اليوم ما بينت احلام ام ولا شمس الشمووسة ما صبحوا علينا،، باقوم اصلي و اسوي الغدى حق سي السيد يبي سمج وانا توني ذابحة روحي ومنظفة المطبخ احين بيصير مردويسة ويا الدهن يلا نجوفكم بعدين يا اطفال الحجارة :p

[أحلام أم]

سكتوا الحركة إللي قلتوا عنها البارحة المراخة تسويها ،تحط إريولها هناك !سوتها ليي المراخة
بس مو للحامل ياحظي يسووونها ،يسوونها للوالدة ،تسويها المراخة بعد ماتخلص 3 المرخات يعني بعد ثلاث مرخات للنفاس أخر مرخة تقولش إنبطحي على ظهرش وتاخذ ريايلش وتعاكسهم وهي ميودتنهم على فووق وتقولش ألحيين باحط إرجولي وبدفع الرحم وتحط إرجولها وتدفع في الوسطة يمكن 3 مرات برجولها وطبعا عليش الهاف
أني أذكر صارت ليي هالحركة في ثاني ولادة ومن وقت يمكن 8 يوم للولادة يعني الفام كان موجود تحت الهاف وحماني من وييييع إرجولها
حتى أمي إستغربت كانت موجودة ،بس يسوونها علشان الرحم يرتفع ويرجع لمكانه بعد الولادة
بس إتعقدت بحموود ماخليت أحد يمرخني تعقدت المراخة كانت أياديها قااااسية وصلبة كسرت عافيتي ماتخلص إلا أني مترضرضة هههههه
ولا عااد حركة إرجولها (بصاقة صراحة )

[rose soul]

رجعت لكم من جديد
مشيت اليوم عن خاطري..في الحوش..والجو ما كان برد بس الهوا كان حلوو
جنة تمللت ابي اولد
اليوم بابرز شنطتي
بس فوط صحية ما شريت لي لحين..مادري جم آخذ لي..ولا اي نوعية
يقولون ألويز البنفسجي الليلي زين
انا عادتتتتتن استخدم الوردي..بس ماجربت البنفسجي

[rose soul]

وينكم؟؟
بقوم اجوف الغدى..يوعانة..والأفندى ماتصل بعد..ولا يسأل عني.. بجوف شسالفته بعد

[فلونة]

احلام ام ،، يعني ما تنصحينا نروح حق مراخة عقب الولادة مع ان خالتي تقول الحامل خطر عليها بس الوالدة تستفيد وانا ما عندي خبرة وشكلي باقعد مكاني ولا باروح حق احد

رووز،،، اتصدقين انا اول مادشيت التاسع كنت مستعيلة علا الولادة بس احين جفت الوضع شكله بيطول قلت احسن شي استمتع باللحظة وانسى سالفة الولادة لين الله يكتب لي وايي الطلق علا غفلة ،، مع ان ماميش استمتاع ولا راحة بس اجرنا علا الله ،، وانا خذيت اولويز البنفسجي جيسين مادري ايزون او لا واذا خلصو بناخذ زووود عادي :p

سويت الغدى ويازعم بادلع روحي باسوي سلطة جان ابشر الجزر وابشر معاه ابهامي والدم مو راضي يوقف،، صار الجرح عميق ونتفة من جلدي قصيتهاا مادري عين طفلو علي