دردشة بنات المدينه المنوره - تجمع حوامل بنات المدينه

[أسوووم]

ياعيني ماشاء الله ..

كيفكم يابنااات ايش اخباركم وكيف بطنكم والي في فيها انا اعطتني الدكتوره لها شهر مرهم ادهن فيه بطني عشان التشققات الله يبعدها عنكم يارب والحمد الله زوجي اشترالي هوا واستخدمتو من ماركة بيزلين .. واحسوو كووويس كلوو مكوناتو زيوت طبيعيه وكان وصفتلي ع غسول من اعشاب وان شاء الله اليوم ابدأ في استخدامه وارتارح عليه ..

وكمان لمن كنا عند الصيديله لمن زوجي دخل عشلن يشتريلي كانت في واحد يشتري لزوجته حبوب فيتامين وهيا فيالشهر الثامن قلت لا تكون بوح ..

لانها ترراجع عند الدكتوره فاطمه الخير الي في الصفاا .. والرجال رايح جاي عشان يوريها الحبوب مااعطتها ورقه فـ ماعرف زوجها الا جا زوجي قلي هاتي حبوبك واعطاه هيا عشان يشوف حرمته وقالت ايوا زي كدا .. قلت والله معاناه مسكينه.. قلي زوجي عقبببااااااااااالك لمن تكووني في الثامن هوا ماهمو يبغى كرشتي تطلع قلتلو بعدين لا تقول ليش عندك كرررشه وشكلو مو حلووو

[بوح التفائل]

اسوم شكلك ملخبطه
انا بالتاسع واراجع عند ايمان بدير
مع الحمل صايره تنسي كثيرررررر😄😄😄😄

[sooma1]

العميده مشكوره وان شاء الله راح اكلم زوجي يوديني لها عن جد ماتقصري
ام اجوان حياتي مشكوره بس والله الخياطه تعب
غرام انا قالت لي الدكتوره خيوطك تذوب ليكون تجميلي وهو اللي مو مخليها تطيب بسرعه لاني ماشوف خيوط اشوف تشققات زي الانفجار اموت على الوصف ههههههه
اسوم انتي جيتي المدينه ؟

بووووح ربي يسهل لك يارب ادعي لي

[أسوووم]

بوح مو إنتي في الثامن ‎:o‎‏ إشبي أنا مخي بينفجر والله عندي نسيان الله لايوريكم أوووووف شي يجيب الهم كل شي أنسااااه حاسه بضياع فضيييييع وحاسه بطفش مع النسيان والنفسيه شي تااااني الله يصبرني بس أكيد إنتي في الفرع إلي في قربان وكيف الدكتورة وكيف التصوير الرباعي عندها نفسي ومانفسي أساوي أحس كثرت سونارات سرت مدمنة قلت لزوجي أشتريلي هوا بلاش المرمطه ههههههههه قلي مع نفسك ‎:p‎‏ الحمدالله دخلت الخامس وربي عدى الأيام وعقبال التاسع يااارب حاااسه مره مني صبووورة يمكن عشاني بكريه ‎;(‎‏ وأحس إني طفشااانه مع دواان زوجي طول اليوم وهوا في الدوام سرت كل يوم أروح عند أهلي ومتضايقه أبغى أستقر على قولتهم < آحم آحم قال إستقرار قال مع نفسك وعقبال ماأنقل في المطار وأرتاح أسير أروح الحرم وأتمشى شويا بلاش ماأنا حااسه إني عاايشه منعزله عن العالم الله يصبرني ويسهل يارب >أحس إني هرجت كتير والمواضيع دخلت في بعض بلحق عشان ماأنسى شي هههه <

[بوح التفائل]

اسوووووووووم لاااااااا ايمان بدير بالسبع المساجد
مررررررره مضيعه
اهتمي بالمويا قلتها تسبب النسيان

[همسات الندى]

بناات فين ممكن الاقي مفارش للنفاس تكون حلوه وسعرها منااسب

[توتة 14]

ام اجوان ماشاء الله تبارك الله الف الف مبروك وتتربى في عزكم البنوتة ان شاء الله
بوح .. بنوتة .. الله يسهل لكم يارب وتولدوا بالسلامة
كيف الباقي اسوم واحلى ليان وامنيتي اشوفك اياد ووووو .. ان شاء الله كلكم بخير..

[امنيتي اشوفك اياد]

همسات الندئ حبيبتي <<< تلاقي مفارش مررااا حلوووة في باسلامة ..
وانا شريت مفرش انفاسي منو
بس انا اخذتــوا نــآإعم ولونة ابيض <<الله يستر
بس مررراااا حلو مع الاطراف فيه فيوونكااات جونان والله يكرمك اخذت لبس الزبالة ولبس علبة المنديل << ترا مو شرط تشتري الطقم كامل عاتي انتي اختاري اي قطعة مع المفرش او اذا م بدك اي شي معاااه عاتي
وانا اخذتوا 350...تخيلي
وفي الفخم ب 500 وفي اللي مررااااا مكلف ب 1000
وغيروووووووووووووووواااااا ...

[لسوعه]

صباح الخير كروشات مدينتي

مين جربت الولاده عند الدكتوره سميه الصفار اللي في البترجي
"طبعا ماتولد في البترجي تطلع في المدينه الوطني "
وكيف الخياطه عندها

وما بعد الولاده كيف اللولب برضه عندها

لاني مره ارتاح لها وحابه اشوف تجاربكم عندها

والله يتمم عالجميع

[غرااام]

اهلين ايام حبيبتي انا بصراحه اولد بالمواساة وعندهم نظام انتي وحظك طبعا ان لما تروحي تولدين الدكتورة المتواجدة هي الي تولدك والحمدلله خياطتهم نظيفة وشكلين كويسه جدا ولله الحمد