دردشة بنات المدينه المنوره - تجمع حوامل بنات المدينه

[غرااام]

يابنات ابغى مفارش سرير حلوه وانيقه باسعار مناسبة ابغاه لنفاسي بس يكون نفرين عشان حابه استفيد منه بعدين الي تعرف محلات بالمدينه تدلني واكون شاكره لها وياريت تذكر السعر اذا كان عندها خلفيه

[غرااام]

كمان ابغى محلات سراير أطفال حلوة واهم شي تكون عمليه انا شفت زي كيدا بتويز اأرأص لكن اسعارهم نار ...وكمان ابغى اعرف الاسعار

[احلى ليان]

بنوتة .. اما توقعاتك خطيرة هههههههههههههههه
ان شاء الله بالسلامة ايش ما يجي والله الحمد لله على نعمه.. ولا اني انحرم من الاطفال وربي ما يحرم احد ..
طيب بالنسبة للوزيعات بما انك ما حتسوي كتيرة روحي الحربي عندو اشياء حلوة وانا كمان حروحلوا قريب عشان اخد شوية اشياء في اشكال جاهزة بس تضيفي لها الشوكلاتة .. وتحبي تزيدي حطي كرت باسم البيبي وكلمتين حلوة .. وما حتكلفك كتير برضو ..
سوما .. ربي يكتبلك الشفا ويتمملك شفاكي على خير...
توتة .. انا بخير اخبارك انتي يا قمر ..؟؟
اسوم .. والله زوجك تحفة بس سيبغى يشوفك بكرشة وخلاص هههههههههههه والله ماهو شايل هم شي الله يعينك انتي اللي عليكي كلووو حمل وولادة وتربية ..
فين باقي البنات؟؟
ايلاف .. رحيق .. راما ..
اهلن بالكروشات الجدد..
امنيتي اشوفك اياد .. ربي يسهلك امورك يارب ..

[طال@عمري]

المشاركة الأصلية كتبت بواسطة غرااام

كمان ابغى محلات سراير أطفال حلوة واهم شي تكون عمليه انا شفت زي كيدا بتويز اأرأص لكن اسعارهم نار ...وكمان ابغى اعرف الاسعار

بنسبه للمفارش روحي مجمع الفارات انا لقيت عنده حاجات حلوة ونفرين و10 قطع 250 ريال


وبنسبه للاسره ما ادري قصدك سلة موسى او السرير الكبير


روحي كل شي للاطفال و بيبي هوم والطفل الشرقيه

عندهم حاجات حلوه وباسعار متفاوته ع حسب ميزانيتكي

وان شاء الله تلاقي طلبكي

[غرااام]

طال عمري\\ يسلمواااااااااااحبيبتي على الرد

[لسوعه]

صباح الخير كروشات مدينتي

مين جربت الولاده عند الدكتوره سميه الصفار اللي في البترجي
"طبعا ماتولد في البترجي تطلع في المدينه الوطني "
وكيف الخياطه عندها

وما بعد الولاده كيف اللولب برضه عندها

لاني مره ارتاح لها وحابه اشوف تجاربكم عندها

والله يتمم عالجميع

[sooma1]

احلى ليان كيفك وكيف الكروشات ههههه كلللكم
بنات انا احس لمن ارضع من صدري احس اتضايق ونفسي ابكي وهدا طبعا يئثر على النونوه والله مع ان فيني حليب بس احسه مايشبع النونه يعني لمن ارضع ماتنام ولمن حليب صناعي تنام واحس هدا وهدا سبب اسهال وانتم بكرامه واوجعها في بطنها اش رايكم بعد ماخرج ان شاء الله ابداء بحبوب مانع قويه مو حقه رضاعه والحليب راح يجف من حالوه اش رايكم بس اوقات اخاف اني اظلمها مارضعها وانا فيني والله كمان لمن احط كريمات اخاف اتضر الطفل مره حطيت كريم فيد اوت ومره خفت ومن بعدها وقفته والله مدري كروشات شوروا علي

[زوجي جنة دنيتي]

ربي يسهل عليكم

يابنات مين احسن بمتابعة الحمل

الدكتورة ماجدة بالمواساة

ولاالدكتورة عطيات بالعقالي

انا ولدتني قيصري ماجدة

وبذا حملي محتارة وين اتابع

دلوني حلوات

[بوح التفائل]

ياقلبي لا تحتاري استخيري وشوفي التيسير فين
انا اراجع عند ايمان بدير بالعقالي والحمدلله مرتاحه عليها

[ام يارا القادمه]

السلام عليكم
صباحو بنوتات كروشات حلوات
كيفكم ان شاء الله طيبييات مبسوطات

انا توي جايه مسجله عشان الحوامل الجدد
شدني الموضوع وكل وحده وقصتها صراحه عشت فالجو من الساعه وحده وانا اقرأ حسيت عشت كل تجاربكم

انا توي حامل ماكملت شهر ويوم السبت حروح للدكتوره ان شاء الله

ادعولي بالتوفيق وثبات حملي منتظره البنوته او الولد بفارغ الصبر ومادري كيف بتمر الشهور التسعه احسهاااا طوووووووووووويله وثقيله
ماشاء الله كثير كروشات بداو رحلتهم مع بعض وولدو مع بعض اسوما وام اجوان وقبلكم كثير نسيت اساميهم الله يهنيهم

مين الكروشه الي بتبدا رحلتها معايا شهر بشهر وان شاء الله تمر الشهور بسرعه ونفرح