دردشة حوامل اهل فلسطين الغاليات ^_^

[سما الدنيا]

مرحبا كيفكم انشاء الله بخير الجميع....بنات ادعولي حاسه حالي تعبانه كتير ونفسيتي تعبانه لانو البيبي ما بحس بحركتو وخايفه كتير الله يحفظو ..اختي جننتها باتصالاتي كل ما يصير معي تغير استفسر منها وتحكيلي عادي بس يا ربي بجد المره غير يا رب سامحني عكلامي متوكلة عليك بس غصب عني...وموعد دكتورتي لسا ل17 الشهر ما بدي اروح اضل اعمل علىالالترساوند لانو اول الشهر عملت تلت مرات مش منيح اضل اعمل مخليها لموعدها شو اعما ادعولي

[حواء مثالية]

سما حبيبتي صدقي شي طبيعي عشان الرحم بتوسع عندك وبكون في مجال للجنين يتحرك بدون ما تحسي وقت قصير راح تشعري بحركته انتي طولي بالك واتوكلي على الله وما تضلي توسوسي

[غُمُوض أُنثَى]

سمآ ,,ان شاء الله خير حبيبتي لاتخافي يعني المهم ما يكون صآر شي خطر عليكي او عالجنين
وتوكلي ع الله وان شاء الله بتتطمني عليه :))
..
حوآء ,, الله يعينك ع شغلك عنجد اانا بحكي الله يعينهم البنات يلي بكونوا باول شهورهم وبيشتغلو اكيد تعب عليهم
والله الوحام ببداية الشهر التاني كان عامل عمايلو معايا ما باكل شي وقرفانة من كل الاكل وريحته وضعفت بس هلأ الحمدلله باكل بس مش كل شي وصرت احسن مو زي اول يعني بتقبل الاكل والصداع لابد منه طبعا والارق الليلي بس بنام كتير بالنهار انا عارفة الله يعينا بس ويصبرنا هههه

انتي هلأ بلشهر السادس يلا ربي يتمم لك ع خير ان شاء الله يعني انا وانتي مع بعض
ان شاء الله بتتطمني عالبيبي ويارب انا كمان

موفقة حبيبتي

[سما الدنيا]

غصب عني بخاف يا حواء لانو انا اول ما حملت لما كنت عند الدكتوره حكتلي ديري بالك بالشهر السادس لا سمح الله يصير اشي بالبيبي او انو الد ولادة مبكره بصراحه هيه الي خوفتني لانو انا انحيفه وما اتوقعت تحكيلي هيك ...هية الي اعطتني هاد الاحساس بالخوف... بس احساس اي ام وخوفها عالبيبي يمكن الكل هيك ومن يومها وبخاف عحالي حتا لما حكتلي هيك غيرت الدكتوره

[حواء مثالية]

ياعمري انتي الله يسعدك بعدني ببداية حملي انا بالشهر الثاني لسه الاسبوع السادس

[سما الدنيا]

انشالله غموض الله يتمملنا على خير يا ربي ...يسلمو حبيبتي

[حواء مثالية]

سما ياقلبي طول ماانتي حاسه حالك بخير ما تقلقي مرات نحنا بنعرف اكثر من الدكاترة شوبناسبنا اكيد فاهميتني ما تزعجي حالك بهلافكار اتوكلي على الله الله يحميكي ويحمي حملك يارب وتكملي فترة حملك على خير ياعمري

[سما الدنيا]

الله يخليكي يا حواء والله يتمملك حملك على خير يا رب....وللجميع يا ربي...بيني وبينكم انا وزني45 سنفوره يعني وزن مش مشجع لهيك انا بخاف ..يعني كل الي بشوفني ما بصدق انو انا متزوجه او حامل او انو عمري 25 ....الله يعيني بس والله لما احكي معكم برتاح ازا هلاء كنت متنكده رح النكد ربي ما يحرمني منكم يا احلا بنات ونتلافا كلنا وبوبياتنا معانا يا رب

[حواء مثالية]

بعين الله ياقلبي ايوا هيك سما شايفة انتي بايديك يا بتنكدي حالك يا بتطلعي حالك من النكد وكل ما حسيتي بده يصير فيكي هيك عطول تعالي هوووووووووووووون يعونا بنحطك ونحنا الحمدلله الي ربنا كتبلنا نكون سوى نخفف على بعض يعني انا امي بعيدة عني شوي وخواتي كمان انتوا اقرب شي الي وبتعرفوا الحماة والعيلة بشغلات بسيطة ما بتقدري تاخدي راحتك معهم بكل شي انا هون بحسه بيتي التاني وانتو خواتي

الله ما يحرمني منكم يارب

[سما الدنيا]

الله يخليكي يا رب اكيد خوات واكتر ...وانا برضو امي بعيده عني وحماتي بنفس البلد بس برضو بعيده وجوزي ليروح المغرب واختي الي الي دايما بشوفها وعاتصال معها قربت تلد انشاء الله بشهرها هلاء واختي التانية اكتر مني شهر بالسابع الله يتمملهن على خير...يعني ما حد فاضيلي والله هون الواحد يحكي كل الي ببالو وبنفس عن حالو شوي..