ديوانية البحرين - دردشة حوامل البحرين - البحرينيات

[طفلي حياتي]

امبلى يالخداي سألأتش فلطعشر مره وتدلعين لاتنظفين الدري خليه ينقلع

[فلونة]

روز .. ومن سمعج انا ابي حتى حق شقتي اتييني وحدة تنظف معاي مافيني شدة نفس قبل عالأقل تنظيف الحمامات وانتو بكرامة والمطبخ والباقي مقدور عليه الثياب ادبر روحي اغسل واطوي وريلي يودي الدوبي افتك شوي .. بس الله يسلمج محد يرضى ايي وعيزت وانا اقول حق خالتي تقول ما يرضوون اهي توهقت بعد عقب ما راحت شغالتهاا ..

طفلووو ،، انا اخاف اقولج وتحاتين خو انتي ما يبيلج دقلة ,, بس انا الحجي طمني عالأقل اعرف شلون احسب حركة البيبي

[Roze]

امطار متوقعه غدن وبعد غد
لاتنظفين الدري بررد يتلعووز ههههههه

[طفلي حياتي]

انتين خوفتيني بهاللي قلتينه الحين لو تقولين اهون عليي
تدرين دمعتي من مغرب للحين على الباب والسبه هالسالفه بس رحت بحثت قالو عادي اني من بدأ يتحرك هذي حركته خفيفه وناعمه واللي الله كاتبنه بصير

[فلونة]

احمم باقوول انزين بس لا تأذينا بحنتج واايد وتسندريني هاي مو كلامي كلام دكتورة لا تخليني احط لج اسمها في العلن بعد :p

في المركز الدكتورة قالت لي المفروض تحسين بحركة البيبي عالأقل عشر مرات,, قلت لها يمكن يتحرك بس ماحس بالحركة يعني في حركات خفيفة ما احس فيها الا تقول انا اقصد الحركات الي المفروض تحسين فيها .. قلت لها احين انا في التاسع و يمكن البيبي ما عنده سبيس .. الا تقول انا ماقصد الحركة اللي اتيي نتيجة التعب او ان اجهدتي نفسج المفروض وانتي مرتاحة تحسين في الحركة ,, وبس عاد انا خفت قالت سوي تخطيط افضل

رحت عقب الغدى السلمانية وتميت ساعتين اهناك .. سوو لي تخطيط نص ساعة يحطون الجهاز وتسمعين نبض البيبي والمفروض اذا تحرك اطقين على الجهاز يحسب في هالنص ساعة جم مرة تحرك .. الله وكيلج ذبحوني بالحزام الي يحطونه على دبتي بروحي خفت يضغط على الياهل وغصب بيتحرك ... تم الجهاز يطله انذار كل ساعة والهبلة الهندية تقولي اذا سمعتي صوت الالارم الي يعطي طقي نفس الحبة مالت الي تحسب الحركة وتميت كل ماسمع انذار ابنده بالحبة نفسه لا.. دشيت على الدكتور الا يقول ليش تقولين البيبي حركته خفيفة وانتي اكثر من عشر مرات حاطة ان البيبي متحرك قلت له والله مو مني من هالجهاز الي عندكم مخرف و يطلع انذار قالت لي الممرضة اطق الحبة الي تحسب الحركة نفسها وتم يحسب الحركة واساسا هذي انذار .. قال لي زين التخطيط الحمدلله طبيعي ولازم تسوين كل يومين تخطيط في جدحفص عقب اي وجبة سوار الريوق او الغدى ولا باروح جدحفص ولاشي خلاااص .. باوكل امري لربي والله ان شاء الله بيحفظه لي من كل عين وشر وسوووووء

[طفلي حياتي]

انزين الحركه شلون تصير اللي تحسينها قويه رفسات وشي يتقلب لو اشياء داخل ناعمه ومحسوسه
اني مرات بسيطه اللي احس بحركه قويه واحسها حالة استنفار.... اغلب حركات نصره ناعمه كلش

[فلونة]

طفلووو ،، اعرفج انا علشان جذي ماحبيت اقولج ما ابي اخوفج وبالعكس تدرين هالدكتور حزر حده وفشيلة يحطون حق حوامل دكتورة مايفهمون هالسلمانية.. وسألته اقوله سمعت ان حركة البنت خفيفة والصبي قوية يعني على حسب نوع البيبي الا يقولي هاذي حجي حريم وما له صحة بتاتااا ماعليج :p ,, يعني طفلو اهم شي زنوووب تتحرك خفيفة او قوية حركتها مو مهم

رووز ،، شدراج ان غرفة الدري تخر ماي :p .. انا اقول بانظفه وبانظفه وطفلللو ما تخلص اسألتهاا ويني وين اقووم عنهاا احين بتسندرني نطري
وباقولج انتي بجر لازم تسوين توزيعاات عاد تفرحين خواتج واهلج سوي شي بسيط وما يكلف // بالعكس ذكررى حلوة وبتصوورين معاهم واهيه على قولتهم ذكرى اتم عندهم مو نفس الجوكليت ياكلونه وخلاص :p

[rose soul]

سلامي عليكم

شخباركم؟؟

[فلونة]

طفلوو لو اقولج ما تصدقين ،، انا الحركة الي احس فيها بطييئة وجنها رفة انا خلاص في التاسع المفروض اشتد عوده ويرفس بقوة .. بس اتصدقين احس بطني صغيرر واايد والبيبي ماعنده جانس .. جلدي تمدد على آخرره حتى لو تجوفين سري بتستغربين من حالتي .. وايد مشدود لانه قبل الحمال مافيني بطن مولية ضعييفة .. يلا الله يهوونها علي و اولد واقوم بالسلااامة ويطلع في الدنيا وياخذ راحته في الحركة

باقوم انظف الدري وبارجع فشيلة اسمع حس ناس داشة طالعة

[طفلي حياتي]

فلونه ما باسندرش لان كلامش كله ماحسيت فيه شي خطير او غير خطير كأنش ماقلتين شي
الحين هالحجي اللي قلتينه اخر شي ان الدكتور يقول حجي حريم نبغي نفهم الحركه الخفيفه خطيره لو عااااااااااااااادي؟؟ بتقول مللتها وهي كلامها اللي يملل