دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة ‏

[toom]

السلام عليكم كيفكم حبايبي اول مره اشارك بهذا التجمع انا من مكه حامل بالشهر السابع

[toom]

للي يسالوا عن دكاتره كويسين في مكه بصراحه ماعرف انا اتابع واولد بجده في ولدي وفي حملي هذا كمان اتابع عند دكتوره منال الخرباش في المركز الطبي .

[حرم العمده]

السلام عليكم
كيفكم ياحوامل
حابه استفسر منكم عن ايش افضل مستشفى التونسي أو مركز مكه بخش
من ناحيه التعامل والنظافه والخياطه
انا ولادتي آخر رمضان بس حابه من دحين استقر على مكان معين
ولو تعرفو قولولي من افضل الدكاترة في الاثنين
جزاكم الله خير والله يسهلها على الجميع

[حنووو مكه]

صبااااااااح الخير ي حلواااات

[This is me]

اخييرا لقيتكم يابنات مكه
بس ان شاء الله هالملف يكون شغال مو مثل باقي المنتديات
انا حامل بالرابع
ومن الحين فكري مشغول بالولاده وين حتكون
مررره محتاره
وخلاصة الي عرفته انه احسن شي التونسي صلاح وتهاني بس انا ماابغى رجال طبعا يوولدني
ومدري تهاني موجوده الحين ولا لا كثييير يمدحوها بس مدري كم تكلف الولاده الطبيعيه
سمعت يقولو سته الاشوي على كذا مرررره غاليه
وفيه بخش بس كمان فيه ناس تسبه وماعرف عن السعر كمان
والي اعرفه انا طبعا اراجع فيه بس الاهلي صراحه قديم والمبنى حالته حاله ولاتنسون المصعد لحاله حكايه
بس دور الولاده والحضانه مرتب شووي
انا صراحه ماارتحت له مرره بس ماعندي الاهو او التونسي
اما الحكوميه اه اه
الولاده الجديد يقولو ماعندهم غرفة تعقيم تخيييلو !!!!!ويعقمو في النور
والنور رحته ذا الاسبوع الطواري والله يابنات شي يخرررع زحممممه تمرضك غير مرضك الاول
صراحه مادخلت طوارئ الولاده بس اكييد نفس الوضع
وريحته من برا وانتم بكرامه والله اني طلعت منه ومارحت ولا للدكتوره
وحراء اكيد زيو تعرفو مكه وزحمتها وانا كمان ولادتي قبل الحج
يعني بدال الزحمه زحمتين
احيانا افكر اروح اولد في الطايف ولا جده هههههه
اعذرووني بربرت كثير بس مالي غير الله ثم انتم
عارفه الحين تقولو يعني وش الي تبينه ههه
ابغى كل واحده تقول وين ولدت والسلبيات والايجابيات
من حيث التظافه الاهتمام والسعر
ونشوف اقلهم سلبيات ونعتمده
اتمنى الاقي ردووود

[Om KHaled]

http://forum.hwaml.com/t248189.html

[وردة سورية]

السلام عليكم ورحمه الله وبركاته
http://forum.hwaml.com/t248383.html

[k 2012]

ليه محد يرد مو معقوله مافي احد ولد في مكه هدي الفترره


ايش احسن مستشفى ولاده في مكه مع اسعارها لو سمحتوو

[Om KHaled]

انا كنت ولدت ببخش مرة ممتازة ونظيفة
الله يقومك بالسلامة


بنات مرة ابغاكم تساعدوني اني الاقي شغاله تجيني من فترة لفترة

http://forum.hwaml.com/t248189.html#post3109068

[k 2012]

مشكوره نور القمر على الرد


فيه احد ولد في حراء
وكيف تعاملهم
وموجود القسم الاخاص او لا

لانو بخش مره غالي على 6 الالف