دردشة حوامل دولة الجزائر- تجمع بنات الجزائر

[AMAL JADID]

المشاركة الأصلية كتبت بواسطة fifi dola

يلا حبسونا من البكا اليوم حصة تثقيفية . متفائلة لا شكر عاي واجب كيما نحب روحي الاز نحبكم انتوما ثاني تكونو الاز اوكي

انا خلاص هذا الشهر و خلاص نجوزها البقرا و قيام الليل شهر كامل الي تحب تدير الكوراج معايا تكتب اسامها

ربي هو الي يرزق ماشي العشاشب و الخرابش غير اسباب برك

شكون تبدا معايا

[fifi dola]

لماذا ماء الأذن مر / وماء العين مالح / وماء الفم عذب ؟؟؟




ما الحكمة في أن ماء الاذن مر ,وماء العين مالح, وماء الفم عذب؟


جعل ماء الأذن مرا في غاية المرارة

لكي يقتل الحشرات والأجزاء الصغيرة التي تدخل الاذن

ولو كان حلواً لدخل النمل ونحن في مرحلة النوم مثلاً


وجعل ماء العين مالحاً

ليحفظها لأن شحمتها قابله للفساد فكانت ملاحتها صيانة لها.



وجعل ماء الفم عذباً

ليدرك طعم الأشياء على ما هي عليه إذ لو كانت على غير هذه الصفة لأحالها إلى غير طبيعتها


يلا اكبو واذرفو المزيد من الماء المالح يا هادية ويانور ويا متفائلة اعصرو عينيكم مليح حتي تكملو الملح الي فيهم ههههههههههههههههههههههههه

[هادية]

المشاركة الأصلية كتبت بواسطة fifi dola

هادية ارمي الهم موراك ينساك مهما كان حجم الهم كبير لزم عليك تصغريك باه تقدري تتعاملي معاه شوفي انا متزوجة من 10سنين بلا ذراري والحمد الله المهم الصحة برك شوفي نحكيلك قصتي انا من مدينة البليدة مدينة الورود شاءت الاقدار اني حبيت عندما كنت في الجامعة كملت دراستي وتزوجت بمحبوبي والحمد الله عايشين كي شغل اليوم شافني كل يوم نهار جديد في الحب معاه بصح حنا في الدزاير مكاش الي خلوه في حالو رغم اني نسكن وحدي الي اني نعاني شيخي وعجوزتي سيناريو الدمار شيخي عندو حوش فيه كل انواع الدواب اعزك الله .احنا ثلاثة سلافات دايرينا خدمات في الكوري حشاك وخصنا نتكلمو نحلبو ونوكلو الدواب من بقر وخيل وخراف وماعز ... المهم ناس بيتي في بالهم ايهينونا بالخدمة بصح لو كان تشوفيني وتشوفي سلافاتي وتشوفي ناس بيتي تحسبي هوما الي يخدمو عندنا لانو بعد ما تخلاص خدمة الكوري حشاك نروح ندوش نستيكي شعري وشوية مكياج ولبسة موالمة نولي كيما العدرة خموس عليا هههههههههههههه
وهاكذا والمشاكل نتع اللوسات والغيرة نتاعهم والتحراش ليماهم انا عمري ما نعمر راسي بيهم نلبس ونمكي ونتفحشش ونرمي مور ضهري وكي تضياق عليا نشعل الميكرو ونفتح علي المنتدي ونفرفش علي روحي معاكم .......... المهم من هاذ الموضوع انو مهما كان من مشكلة او مصيبة لازم نشدو في ربي ونبعدو بليس قدر المستطاع لان الحياة قصيرة اليوم رنا هنا وغدوي مانعرف وين ربي يرحمنا حيين ولا مييتين هادية الحياة تستاهل نبكو عليها بصح المشاكل لا لا لازم نحلوهم بطريقة ذكية ماشي بادموع لانو اعداءك لو شافو دموعك يزيدو قوة

هههههههههههههههه والله يا فيفي البارح قريت موضوع تاعك يخص نوم الحوامل ضحكت و قلت ف قلبي هادي رايقة و فايقة

والله قلبك كبير
حنونتي مبعد نحكي معاك على الخاص تضحكي

[AMAL JADID]

حتى انا منمنعش روحي من البكا خاطرش نرتاح كي نبكي وااااااااااااااااااااااااع واااااااااااااااع و عنيا يولو يبرقو هههههههههههههههههههههههههههه

[fifi dola]

راني معاك انا اليوم خلاصتلي الدورة يعني في الليل ندوش وغدوى الصلاة باذن الله

[هادية]

المشاركة الأصلية كتبت بواسطة amal jadid

انا خلاص هذا الشهر و خلاص نجوزها البقرا و قيام الليل شهر كامل الي تحب تدير الكوراج معايا تكتب اسامها

المشاركة الأصلية كتبت بواسطة amal jadid

ربي هو الي يرزق ماشي العشاشب و الخرابش غير اسباب برك

شكون تبدا معايا

انا انا انا حابة نبدا معاك نشجعو بعضانا وكتاش نبداو اليوم

[AMAL JADID]

راني انا و فيفي راه نبداو غدوا قيام الليل زيد شكون معانا

[fifi dola]

هادية راني هنا اذا راكي حابة تحكي قلبي كبير الله يكبرنا علي الدين والطاعة............. امال ابكي كيما تحبي الوقت الي تحبي حاجة وحدة برك كي تحبس من البكاء عينيك ما يولوش يبرقو عينيك يولو مبلقين وراجلك ما يشوفش فيك تهبطيلو المرال بعينيك ههههههههههههههههههههههههههههههههههههههههههههههههه

[AMAL JADID]

[AMAL JADID]

لبنات في السجود ادعو بهذا الدعاء


رب لا تذرني فرداً وأنت خير الوارثين

ثالثا: قل (سبحان الله وبحمده * سبحان الله العظيم)

رابعاً: لا تفقد الأمل وقل: رب لا تذرني فردا وأنت خير الوارثين)

سبحان الله وبحمده عدد خلقه ورضا نفسه وزنة عرشه ومداد كلماته


اكثرو من الصلاة و السلام على رسول الله

ادعو الله بصفاته الحسنا

يا ذا الجلال و الاكرام يا رحماااااااااااااان يا رحيم
ارزقنا الذريا الصالحه