ديوانية البحرين - دردشة حوامل البحرين - البحرينيات

rose soul · 02-06-2011, 05:32 PM

اخذي لج بعد بيت الطفل حق اسهل في الطلعة لج اذا بتحملين زنوبتج
ترا أحلى الاطفال وحب الطفل نفس الفرع
بس حب الطفل اكبر
واهو مو بعيد عن احلى الاطفال
جوفي الحين انتي تدلين احلى الاطفال..اذا مثلا بنقول قاعدة تمشين واحلى الاطفال بصير على يسارج..وانتي تمشين في لفة على اليمين لفيها..وهالفة جنة مجابلة الجمل الاكس لارج..واذا لفيتيها امشي سيدة..اهو في صفته بعد كوخ الامومة اذا تدلينه

طفلي حياتي · 02-06-2011, 05:34 PM

روزاتي بيت الطفل ما يصلح للصيف حاااااااااار اخاف تفطس فرحتي وتعرق خلنا على لفراش اسلم ههههههههههههه واني الا بشه شكلي بسرعه بشيلها من لفراش وبحملها بدون شي من تصير شهرين بس

rose soul · 02-06-2011, 05:35 PM

على فكرة انا جفتهم مال دان..يعني تقدرين تقولين لهم بالتفصيل اللي تبينه وبيسون لج
حتى الرسمة اللي تبينها يسونها لج..واذا تبينها بالتطريز بعد
وفي عندهم كذا نوع بعد من الخلق..وانتي جوفي بعد اللي يريحج..ويمكن بعد نزلو بضاعات يدد

طفلي حياتي · 02-06-2011, 05:36 PM

روزاتي باقي 5 ايام على الموعد اللي تبغين تولدين فيه اشتغلي على السيكو سيكو ترى مسلك جيد ونافع ههههههههههههههههههه

طفلي حياتي · 02-06-2011, 05:38 PM

اي بروح باخذ لفه وباقرر اني خاطري في حركة الفراشه لان شفت خلق ناعم ودخل مخي وفيه ورود وفراشات صغار قلت بخليه في الوسط ومكان الساده ابغي تطريز فراشه وبشوف بعد

طفلي حياتي · 02-06-2011, 05:39 PM

روزاتي اذن بقوم اصلي برررررررررررب

rose soul · 02-06-2011, 05:39 PM

طف طف..هههههه تعالي ومن قالج بيتمون في الفراش وايد
انا اول وحدة يمكن اخليها جمن شهره عليهم وبعدين باحملها جذي هههههه
بس انا اقول اسهل لج في الطلعة .. لين بتروحين بيت ابوج او احد من اهلج.. احفظ لها
ترا في خفاف..وانتي بتخلينها بس مسافة الطلعة
انا جفت عن خالتي بيت الطفل..وفي نفس الوقت يصير فراش عجبني
ترا انا لحين ما شريت لها لحين وكنت ما بشتري..بس الحين اجوفه عملي..يبي لي آخذ لها واحد

rose soul · 02-06-2011, 05:41 PM

احنا توه يأذن عندنا خخخ
انا بعد بقوم..يمكن برب
ويمكن مارجع..بجوف ريلي متى بيتمشى معاي

يلا تقبل الله مقدما

الفتاة الذهبية · 02-06-2011, 06:50 PM

هاااااي شخباركم
واخيرا وبعد معاناه طاااااااااااااااااح السيم

نصيحة مني للي بتولد وعقب بتجرب السيم تستخم حق السيم كريم ميبو
لانه انا استخدمت كريم فيوسيدين 10 ايام والسيم بعده ما طاح عقب استخدمت ميبو
3 ايام وطاح السيم بس طبعا مب من اول ما تستخدمينه بيطيح لازم يبي له ع الاقل 12 يوم عشان
يطيح السيم

يلا عقبال ما نجوف بيبياتكم

شمس الصباح · 02-06-2011, 07:24 PM

سلااااااااااااااااااااام

شخباركم وحشتوني

فلونة ان شاء الله تولدين قريب يا رب هذا ولدش او بنتش ما تبغي تطلع الا في ربيع

مبروك حبيبة حسوني على فطومة وحنووون مبروك التطهير لعلاوي

شخباركم وشخبار دبيبكم اشتقت لكم وما نسيتكم بس انشغلت في يوم وفاة النبي رحت وديت ملاك عياده علشان الحبوب اللي في وجها وطلع حساسية من بيبي جونسون ووصف لي ماركة ثانية مع صابون اطفال غير وطلع ان ابو صفار للحين ماراح منها ويوم السيت بروح السلمانيه علشان يشوفون اذا نزل او بعده وشنو اسباب استمرار ابو صفار

اي ورحت بعد عند الدكتورة حكيمة السيد واخذت اترساوند الي ملاكي لظهرها لان اليوم كان موعدها في السلمانية والحمد لله والشكر لله ربي اللي ما قطع طلبت منه شي الا عطاني اياه الحمد لله على عطيته طلع الظهر سليم وان شاء الله بعد يخف منها ابو صفار وارتاح
لاني تعبت من جبت ملاك واني من مستشفى الي عيادة والحمد لله ان شاء اجتاز الأمتحان

بس هذة اخر اخباري قلت لازم ادخل ابشركم مثل ما كنتوا معاي في معناتي لازم تكون معاي في فرحي ربي يسعدني ويسعدكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM