ديوانية البحرين - دردشة حوامل البحرين - البحرينيات

[طفلي حياتي]

السلام عليكم
يووووووووووووو وينكم من قلنا باي محد طب من قبل الصبح مفرفشين وسالف وهذره واليوم مووووووووووول... عموما توني رجعت من المستشفى مخي يعورني والنتيجه طلعت مالت الخزعه ان فيني فطريات وعطتني تحميله قلت ليها اسبوع واني ويى الكريم وعطتني بعد كريم
والدم لازم يرتفع لــ11 ع الاقل
الله يسهل امري وامركم جميعا

[أحلام أم]

مساء الخير والإحساس والطيبة
أهلا طفلي حياتي
ماعليش شر ،وحالتش مثل حالتي مع الفطريات إستعملت الكريم إسبوع وردو قالوا لي بعد ماغلست كورس العلاج بالكريم إستعملي التحملية وأني أخاف منها مرة إستعملتها قبل لا أحمل وطلعت مني نيراان وقام يحرقني بدرجة فضيعة حتى الثلج أباحط مع إنه كنت أستعملها قبل واايد بس أخاف أجازف وأحطة وتالي أولول من الألم
حاولي ترفعيين دمش ،تصدقيين أني ماأشرب حبوب الحديد قولي لويش ؟
عاطيني حبوب حديد وردي إسمة (ديفيرون )أول ماتحطينه في الحلق كأنه حلاوة ومكتوب عليه إللي فيهم سكر مايشربونة وأني للحيين ماحللت السكر على يوم الأحد الياي عندي تحليل جلوكوز ومن جدة خايفة أشربة من الهبالة عن لايسوي ليي سكر مادري حاسة هالمرة بيطلع ليي سكر مع إنه ماأكل شيء فيه ذرة سكر ،بس قبل لاأحمل أكل حلاوة وخربطة على إصول الله يستر وبعد ماأحلل السكر دايركت بابدي أشرب الحديد
ويش أسوي ماأكل إلا ليين قرص بطني الجوع ولاأهتم بفواكة ولا خضروات ماالعمل ياإستشارية دبريني
الله يسهل أمورنه جميعا ببركة محمد وآل محمد

ماعندي وقت أقعد أحاول أرتب فوضة إنقطاع الماي أمس عن ياحسب إتصلح ويارب مايبنذ

[حنين للماضي]

السلام عليكم
شخباركم حبايبي؟؟؟

توني راجعة من المستشفى
من يومين وجرح بطني يطلع منه دم
قالوا لي مفتوح شوي ولازم مايصيده ماي
وقالوا يوم وترك اروح لهم وفي اليومين مرتين احط لي ميبو
نفسيتي تعبانه ابي اصلي بس الحين مايصير بعد

علاوي راقد الحين
ومشكورين حبايبي على تبريكاتكم

طفطف صور علاوي ان شاءالله اذا احد راح الشقة بقول لهم يجبون اليو اس بي

دعواتكم حبايبي

[rose soul]

السلااااام
طف طوووف..ماجوفين شر انتي واصلي في استعمال الكريم وان شاء الله هالفطريات تروح منج..بالنسبة لدم..ترا فوق العشرة امان لا تحاتين..اهم شي دمج فوق 10
انا الحين على ولادة ودمي حتى 9 ما وصل..بس في دكتورة طمنتني ..قالت لي ما تحسين بأعراض او شي ..قلت لها لا..قالت هذي اهم شي..بس اذا صادني نزيف في الولادة بينقلون لي دم اثناء الولادة مو الحين
وانتي عليج بالاكل الصحي..بس تنصحينا احنا..وعن الخرابيط والاجباس والنجت
..
احلام ام..لا تسوين غلطتي..استخدمي الحبوب من الحين ترا وايد لها اثر..واذا خايفة من حبوب اللي طعمها سكر..استخدمي واحد غير..لأن الوحدة المفروض من الرابع تبتدي تشربهم..فنصيحتي لا تتهاونين بهالشي..وعليج بالاكل الصحي..حتى لو مو يوعانة..حتى لو خفايف بين الوجبات
..
حنون..بعد جبدي..ماعليج شر ان شاء الله..وان شاء الله جرحج يطيب في اسرع وقت..ولا تعكرين مزاجج دام عندج علاوي..وكثر ما تقدرين لا تخلين الماي يوصل للجرح علشان ما يتأثر..ويلتأم بسرعة..واعتقد الحركة بعد يمكن تأثر..حاولي تريحين نفسج
..
وكلكم ماعليكم شر ان شاء الله
يلا كل هذي وراه اجر وثواب ^_^

[أحلام أم]

حنين للماضي
ماعليش شر حبيبتي ،وربي يهون عليش ألام العملية والصديد إللي يطلع منها
ومثل ماقالوا لش المستشفى واصلي على مرهم ميبوا وروحي يداوونش المستشفى على مواعيدهم ويارب تتشافين بسرعة
وإنكان على الصلاة تقدريين تغطين مكان الجرح بلصقة وتغتسليين وتتعامليين ويالجرح مثل الجبيرة عاادي يمر الماي من فوق اللصقة ويكون صح الغسل والصلاة وتقدريين تصليين على كرسي صلاة وإنكان يألمش لاتنحنيين واايد وماعليش شر وإسألي شيخ في حالتش عن لا تتراكم عليش صلواة القضاء حبيبتي
ربي يخلي علاوي وبننتظر نشوف صور علاوي القمر

أولادي مجننيني بروحي أنزهق من كلشي رحت صوب الغسالة في الكامبون ولا شفتهم إلا يركضوون ويقولون ماما سمعتين أخر خبر أني في لحظة قلت لا وأني مفتحة عيوني وأدري من وينه ليهم هذيلة الأخبار محبوسيين وياايي بس بعد من كل شي أنزهق ردوا يقولون سمعتين أخر خبر ؟
قلت :لا
قالوا :فار في المختبر ههههههه
ضحكوا عليي زوبقوني وعجبهم الوضع عااد كل حين يجون يقولون ليي شي :ماما قولي ربية ؟ مللوني قلت ربية
قالوا:أمش حلوة وزكية

من الفضاوة الزايدة يهالوه

[أحلام أم]

هلا روز سول
الله ييسر لش ولادتش ونسمع عنش والدة بالسلامة
ويش أسوي خيوو موعدي بعيد 20 والأحد تحليل السكر بس وماعلية بنتظر شوي
شفتين هاليهالوا ويش مسويين فيي إنشاء الله بشرى تسوي فيش نفس مايسوون فيي
باقوم حبيبتي الغذى قبل لايوصل أبو الشباب عن ياحسب اللمسات الأخيرة
وباحاول أهتم بتغذيتي حتى لو أطبع ورقة وألصقة قدامي حتى تتذكرني بأكلي
أشوفش على خير

[rose soul]

أحلام ام..ههههههههههه اليهالووو عليهم سوالف ما تخلص
الله يخليهم لج ان شاء الله

[rose soul]

اووك احلامي غدى العوووافي
انا بقوم آخذ قيلولة

[طفلي حياتي]

اهلا حبيباتي
احلام ام اني ترى ولا اهتم لاكلي بتاتا والحبوب لازم قبل الاكل ومافي منتجات حليب يعني احس لين باخذه كاني بتقيد ومن جدي اخذته ما اخذته كله واحد وفوق هذا اكله هرار مادري حقوي من قبل اكلي احسن من الحين
روزتي ان شاء الله يرتفع دمش ع الاقل يوصل عشره وانتين اهتمي بروحش بعد... تقول الدكتوره لاتاخذين من الصيدليه ادويه اخذي مال المركز وجعمتني كنت باخذ مثل ام شيخه اليفيت
حنون ياحبيبتي ماعليش الا العافيه وهالاشياء طبيعي لا تحاتين ولا هو خطر بيخف ان شاء الله وبالنسبه للغسل اذا الماي ممنوع تيممي فيه حكم شرعي يمنعش من الغسل وتلجأين للتيمم ويجزي عادي كل شي ولا الصحه ولا تلقين نفسش في تهلكه .. وتأكدي من شيخ احسن ربي يسهل امرش بحق النبي وعلي واهل البيت يارب
اني خوفتني تقول لازم تهتمين بروحش مو لعبه الجنين يبغي وانتين تحتاجين صحه للولاده
الله يسهل لي وليكم بحق محمد وآله الاطهار
فلونتي مابينت كلش اليوم تتوقعون سوتها وولدت؟؟
روز بنت بلادي مابينت مو بالعاده بعد

[طفلي حياتي]

بنات لاحد يطنش هالسؤال
الستاند مال تلبيسة سرير البيبي في مذركير يوصل 45 دينار واقل واكثر لكن حليوين عجبوني ... برا احصل بهالحلاوه وهالمستوى ارخص؟؟ مالي خلق ادور ولا ادري عن المحلات اللي عندهم اصلا