دردشة حوامل أهل الدمام - دردشة بنات الدمام - تجمع حوامل مدينة الدمام

*بسمة * · 08-02-2012, 12:21 AM

هلا بناااات  
اقوووولكم قصة ولادتي  
طبعا انا من دخلت الثامن ورحمي انفتح واحد سم فقققط  بس كانت الام تجيني وتروح وتنومت بسببها يومين بمستشفى الاطفال والولاده وعطوني مسكن ومهدئ للطلق  لكن الله وكيلكم اخذت المسكن من جهه والالم ج زاااد من جهه ثانيه وكأني اخذت ابرة طلق  تميت ثلاث ايام على هالوضع يجيني الم واتبخر كل ليلة ويهدئ اشوي لما جات ليلة الاربعاء رحت مع زوجي المجمع امشي لي نص ساعه  وبعدها جا وقت النوووم وقام يجيني مغص خفيف وعند الساعه سبع قمت بدخل دورة المياه وانتوا بكرامه  الااااااااا وبركة مااااي نازلة علي مخلوطه بدم وردي واحمر ومش راضي يوقف وماعرفت اتحرك  هههه جلست اصرخ لما جات امي وشافت المويه قالت ولاااااده واتصلت على زوجي ورحنا المستشفى وطلع رحمي فاتح 3 سم وعلطول دخلوني غرفة الولاده بعد ماعطوني اللبس المخصص  وتميت ست ساعات وانا اتألم والطلق يشتغل عندي  جات الدكتوره وفحصتني وللاسف قالت لسى فاتح بس اربعه سم ااااااه تحطمت واشوووي وبصيح من التعب وجلست اقرأ سورة الزلزله واكررها واستغفر ربي الاااا بعد ساعه وحده بس والالم يزييييد تقريبا ثلاث دقايق بين كل طلقه قمت اصاااااارخ ماعدت اتحمل وجاوو لي ركض لما سمعوني وفحصتني القابله وقالت 6 سم فرررحت قالت الحمدلله مابقى شي وعطتني مسكن لأني تعبت وماعدت اتحمل  لكن بعد نص ساعه او اقل زاااادت حدة الام وحسيت اني ابي اروح الحمام طبعا القابله مارضت قالت هذا راس البيبي وقامت وفحصتني وطلع 8 سم وبعد ربع ساعه صار 10 سم وتعالوا سمعوووني زلزلت المستشفى من صوتي هههه جاوو لي دكتورتين وثلاث ممرضات حوالي وانا اصرخ وهم يقولون دفعي بأقوى ماعندك  وماكنت اقدر ادفع لأني تعبت من الام الطلق وصار نبض الجنين ينخفض وصرخت الدكتوره جيبوا الة الشفط علشان ننقذ الجنين  وانا سمعتهم يقولون كذا قمت ادفع وادفع لماااا طلعت بنوتتي وشفتها على حضني ااااه ياحلو هاللحظه نسيييت كل الالم وابتسمت وبعدها طلعوا المشيمه وخيطوني بسرعه لكن تألمت من الخياطه اشوي لأنهم ماعطوني بنج موضعي  وبصراحه حصلت عنااااية جيده منهم ماشفت اهمال  كانت الممرضه معاي طول الوقت وتهديني وماعطلوني في الخياطه ولا في صعودي لقسم التنويم كانووا رائعين وارتحت من تعاملهم وياي  والله يسهل لكم ويرزقكم ولاده سهله ميسره يارب

لولي2012 · 08-02-2012, 02:25 AM

بسمه الحمدلله ع السلامه وعقبالنا يارب

عشقي محمد · 08-03-2012, 12:23 AM

حمد الله على سلامتك بسمه
عقبال باقي الحوامل

كهرمان · 08-03-2012, 12:55 AM

حمد الله علي سلامتك وقرة عينك ان شاء الله

كهرمان · 08-03-2012, 12:58 AM

انا عندي استفسار عن مستشفي العسكري بالظهر ان كيف تعاملهم وأول مره أولد فيه بس انا ولادتي تكون عمليه وغير كذا مركبه بريسز ابي احد يطمني الله يسعدكم

ام يونس123 · 08-05-2012, 01:46 PM

الف الف حمدالله على السلامه ومبروك ماجاك بسمه والله يجعلها من خيرت البنات اللهم امين

مريومه محمد · 08-09-2012, 01:59 AM

حبيبتي كيفك
انا روحت لدكتوره نورا سمير في مستوصف فجر الدمام شارع الملك خالد بصراحه اول مره اتابع مع دكتوره مريحه بهذا الشكل وشاطره جدا عرفتلي ان عندي ولد وانا لسه في اول الشهر الرابع وعندها شاشه كبيره واضحه جدا عليها البيبي
نصيحه لكل حوامل الدمام
روحو لدكتوره نورا بنبسطو جدا

أمومه ومحبه · 08-09-2012, 05:55 AM

السلام عليكم. .
مبارك للام الجديده على بنوتتها وربي يتمم لكل الحوامل حملهن ويقر عينهم
انا حامل بالشهر الرابع بطفلي الثالث

الامل الموعود · 08-10-2012, 03:26 AM

مبروك الي ولدوووو
وعقبال الباقي

نسومه حبيبتي بغيت اسالك
الي في الولاده والاطفال الي تولد دكتوره ولا قابله ...؟؟؟؟
وبستروحين يجطونج بغرفة الطلق اول وبعدين الولاده وقت الولاده ...؟
ولا غرفة الطلق اهي نفسها الولاده ...؟

*بسمة * · 08-10-2012, 05:17 PM

اقتباس:

المشاركة الأصلية كتبت بواسطة الامل الموعود

مبروك الي ولدوووو
وعقبال الباقي

نسومه حبيبتي بغيت اسالك
الي في الولاده والاطفال الي تولد دكتوره ولا قابله ...؟؟؟؟
وبستروحين يجطونج بغرفة الطلق اول وبعدين الولاده وقت الولاده ...؟
ولا غرفة الطلق اهي نفسها الولاده ...؟

هلا فيش

اللي ولدتني دكتوره موقابله لاني بكر واحتاج جراحه

وغرفة الطلق نفسها غرفة الولاده

الله يسهل عليك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع و دردشة حوامل الدمام - 2011	يارب أصير أم	إستفسارات حوامل من الشهر السابع إلى الشهر التاسع	48	08-12-2012 02:28 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM