تجمع حوامل ليبيا

[اميسر]

بسم الله الرحمن الرحيم

smhaa
الله يعوضك خير ويرزقك يارب بالحمل الثابت وتشوفه قدام عيونك معافى
والحمد لله على سلامتك


ودائما كرري
ربنا هب لنا من لدنك ذرية طيبه انك سميع الدعاء
اللهم اجرني في مصيبتي واخلف لي خيرا منها

[اميسر]

والله والله تنكدت اول ما سمعت خبر اجهاضك
بس ربك كريم وانشاء الله انشاء الله تحملي بسرعه ويعوضك ربي

[اميسر]

بسم الله الرحمن الرحيم

لولى2010

الف الحمد لله على السلامه وانشاء الله ابنيتك من قسمك

[اميسر]

لولى2010

[ميمونه]

السلام عليكم انا متزوجه ليا _ثماني شهور وماحصل حمل حللت وطلع عندي هرمون الحليب مرتفع خايفه مايصير حمل وتوا ناخد في العلاج

[ام روفيدة]

المشاركة الأصلية كتبت بواسطة لولى2010

سماح الحمد لله ع السلامه وان شاء الله تعوضى يارب
انا الحمد لله ولدت امس قيصريه والبنت فى الحضانه والحمد لله ربي ينجيها ليا من كل سوء وتطلع معافاء وسليمه من كل شر يارب بسرعه تطلع من الحضانه انا مازلت ماخشيت شهرى لكن الله اردانها تجى تو سبحان الله وانا تعبانه ع الاخير وجعتنى بنيتى بعيده عنى وانا مازلت فى المستشفى وخشيت ع النت من المستشفى قلت نسال ونشوف شن صار فيكم

حمد الله على سلامتك أختي (لولي 2010) وربي يخليلك بنتك ويحفظها لك وكلها أيام قليلة في الحضانة وإن شاء الله بعدها تكون جنبك وتشبعي منها وربي يخليها لك ويخليك ليها وتشوفيها أحلى عروس بارك الله لك في الموهوبة لك وشكرتي الواهب وبلغت أشدها ورزقتي برها اللهم امين ما تنسينيش من دعائك بالله عليك إدعيلي ربي يسهل عليا الولادة

[اميسر]

ميمونه

اهلا وسهلا بك حللت اهلا ونزلت سهلا

وانشاء الله ربي ييسر لك الحمل

ام رُفيده انشاء الله ربي يسهل ولادتك ويحفظك ويحفظ اللي في بطنك

[اميسر]

عرفينا بنفسك يا ميمونه اشويه

كم عمرك
كم وزنك
تشتغلي وإلا لا
من اي مدينه في ليبيا

[ميمونه]

اهلا وسهلا بيكم

انا من طرابلس عمري 24ووطولي 169 وزني75 اشتغل

وانت من وين اميسر

[ام روفيدة]

المشاركة الأصلية كتبت بواسطة ميمونه

السلام عليكم انا متزوجه ليا _ثماني شهور وماحصل حمل حللت وطلع عندي هرمون الحليب مرتفع خايفه مايصير حمل وتوا ناخد في العلاج

يا أختي ما تخافيش لأن كل شيء بيد الله عز وجل حتى أني كان عندي هرمون الحليب وهرمونات تانية ملخبطة وتأخرت في الحمل لمدة سنة وثمانية شهور وفجأة وسبحان الله طلعت حامل والله والله ما خديتش ولا علاج والله رحمة من ربي درت التحاليل بس وعرفت إن عندي مشكلة في الهرمونات لكن ما خديتش أي علاج زي ما قلت لك والله ما كنتش نتوقع إني نحمل فجأة ومن غير علاج لأن حالتي كانت صعبة جدا لكن ربي كريم خلي ثقتك بالله عز وجل قوية واستمري في علاجك وربي يسهل لك وتحملي في القريب العاجل وربي يفرحك ببنية أو وليد يونسك في دنيتك إنتي وزوجك اللهم امين