تجمع حبيباتي الكروشات اللي راح يولدون بشعبان

[سلافتي]

اهلين حبيبتي baby`s smile انا تمام ياقلبي
مبسوطه الحمدلله بس احيانا تجيني ضيقه
لدرجة ودي ابكي بس اصلي واقرا قراءن تخف

[ام لبنى 666]

كيفكم كروشات ايوه كذا التجمع رجعت حيويته ووناسته
نعومه //الله يسعدك انشالله يارب انشالله طيبه الا من عبود ولبنى بهذلوني بهذلوني والله صرت ابكي منهم عبودي صار متعلق فيني وكل شوي احمله لدرجه احس سري برز مره عندي شغاله اهل زوجي ع طول معي بس مايحبونها بس المهم تكفيني بشغل البيت الله يعين عليهم نسوني الحمل والتعب ههههههههههههههههههههه
نسمه بحر// تبين الصدق الكريم مستخدمت الا مره بس خفيف قلبي متخوف منه وتركته
مس يويو //هلا وغلا نورتي والله ارتحت بقوه وتشافيت لما استخدمت الغسول والتحاميل حتى الم ظهري خف والافرازات اختفت والريحه الي كنت اعاني منها اختفت بقوه الحمدلله من بعد الله ثم هي نفعتني ربي لك الحمد والشكر
خوخه //الله يعطيك العافيه ويطمن قلبك انشالله ريحي نفسك وانشالله تصفى المشيمه عندك وحده من قريباتي صار معها كذا وتشافت
سفونه //كيفك وكيف برهوم معك واكيد الحين معد تطيقين طلباته من الثقل الله يعينا يارب
سلافتي// كيفك ياحلوه والضيقه احسها كثرت ع الناس هذي اليومين كبير او صغير ماتتصورون كل الي حولي مضايق وزعلان ولاحد يطيق حتى نفسه الله المستعان
سلافتي //ليش ماتجربين تروحين لشيخ بس للاطمئنان الله يعطيك العافيه يارب
نوني //مشكوووووووووووره ياقمر ع الدعوات الحلوه مثلك ويارب تولدي بالسلامه وتشوفي نونتك بجنبك سليمه معافاه والجميع يارب
والبقيه كيفكم ياعسولات الله يحميكم من كل شر

[baby`s smile]

هلا وغلا مس يويو وحشتينا
وربي انك صادقه اللي من الله يامحلاه اهم شي السلامه
انا كمان اخذت كم قطعه محايده << احتياط اخاف اتمقلب هع هع

سلافتي ربي يسعدك ويبعد عنك الضيق

بنات بسألكم برايكم متى اخذ السرير لنونتي ؟!!
انا شفت كم محل .. يعني عارفه من وين باخذه تقريبا
بس محتاره اخذه في السابع او الثامن ؟!

وماادري اخذ دولاب صغير او ادراج ؟!!
وش اللي احسن ؟!!
وااخذ جاهز او تفصيل ؟!!

[خوخه بريه]

هلا والله باغلى الحبايب
تسلموا عالرد والدعوات
هانت ان شاءالله
ربي يفرحنا كلنا

سولافتي
ارقي نفسك
مريت بنفس الحاله

من فيكم سوت الرباعيه

انا سويتها
وبعيدها الاسبوع الجاي
عشان اتطمن عالمشيمه
والتليفات الي في جدار الرحم
الله يكفيني همها وشرها
من يوم دعيت ربي
الحمدلله
خلوا صلتكم بالله قويه

اللهم هون علينا الحمل والولادة
وفرح قلوبنا

[سلافتي]

ام لبنى ياقلبي انتي والله ناويه اروح لشيخ بس مو لاقيه شيخ يقرا انفرادي يعني انا وزوجي بس

[أمـ عبدالله]

يااارب ياحي ياقيوم ارزقني فرح وسرور
يجعلني اسجد لك باكية

[سفن بارد]

صباااح الخيرات

مس يويو حبيبتي الله يحفظك من كل شر فقدناك خلااااص راحوا ضيوفك مالك عذر

ام لبنى الله يعينك ويقويك عندك اثنين صغار وحمل وثقل الله يسهلها عليك


وانا بخير حمدالله بس عندي ثقل هالاسبوع مرررره صارت تتعبني الوقفه واحس الجنين ضاغط على تحت انتم مثلي لاني خايفه احيانا اقول ضغط الجنين واحيانا اقول يمكن ثقل لاني نهايه السادس وموعد يوم الاحد الجاي وودي اطمن على نفسي والجنين هل هو طبيعي رايكم اروح قبل الموعد لان عندي اهل زوجي الخميس عزيمه كبييييره وذبائح الله يعين ياااارب مع اني ماراح اشتغل بس يكفي حوسه وخبه ذاك اليوم الله يسهلها شوروا على اروح اطمن قبل العزيمه ولا هذا طبيعي وانتم تحسون مثلي بثقل تحت طمنوني

[السامره]

صباح الخير عليكم كيفكم جميعا
اذا على الضغط من تحت طبيعي انا مره ماني قادره اوقف اسوي شي اذا قلقانه مره روحي اكشفي وارتاحي
والسلام للجميع

[ام الحلوين 5]

مساء الخير
هلا وغلا مس يويونورتي التجمع
سفن حياتي أنا بعد والله مأوقف شويات إلا أحس خلاص ثقل أسفل وظهري رحت السوق لفيت شوي قلت خلاص مأقدر لازم أرجع انسدح أحس البيبي نزل
الله يهون علينا ويسهل أمرنا

[~* عبق الأنوثة *~]

هلآ كروشآت
كيفكم اليووووم ؟
^_^

سفووونة حبيبتي عآادي
حتى أنا أحس أحيانآ بضغط
أسفل بطني
كأن النونو نآزل تحت
بس أتحركـ شوي و أحركه
و يروح الضغط