ديوانية البحرين - دردشة حوامل البحرين - البحرينيات

[rose soul]

المشاركة الأصلية كتبت بواسطة بنوتة حلوة

شخباركم؟؟
روزة ترا نفس شعور زوجي لمن عرف انها بنوتة.. بس احين حده مستانس..

اليوم حسيت بأول الرفسات الخفيفة.. حده ونااسة.. ههههههه
خسارة جوعانة بس زوجي نايم عني.. تعبان مسكين..

بسألكم؟ في فراش حق البيبي يجي فيه نفس الجرار ينحط البيبي داخله وينصك حده فن.. ويتراوى لي احلى من الفراش العادي.. أحد جاف أويعرف من وين أقدر أحصل أشكال حلوة؟؟؟ وشكرااا

اي اتوقع بيتغير بعدين شعوره
الحين صدمة وبتروح هههه
اما الرفسات انا ساعات اتملل منها بنتي شيطونة عدل

بالنسبة للفراشات اي اعرفه بس مادري من وين لحين ماجهزت
الحين بابتدي اجهز من يوم عرفت

[rose soul]

انا برب حددددي يوعانة

[أم حماني]

ههههههههههههه اي والله اسامي البنات تحير .... انا اذا ربي رزقني بنت ان شاء الله بسميها لطيفه

[أم حماني]

بنوتة هاذي يتحصل اي مكان بس ترى زين حق الطلعه بس ... حق داخل البيت مب عملي ... انا استخدمه اذا بودي حماني العياده بس ماخليه وايد واحاسب مايكون لابس وايد لانه دافي بزياده .. بتحصلين منه وايد في مذركير

[بنت الأياويد]

صباح الخير شخباركم
روز طلع فيج بنت يعني ماخاب ظني مبروك عليج البنوتة
بس حبيت اسألكم امس ثلاث مرات صايدني الم في معدتي بس الثالثة بغت تطلع روحي من مكانها ويهي كامل صار اصفر وجاف والله يعزكم تميت ارجع وزوجي راح اييب لي دوى المعدة شربته والحين يوم قعدت الصبح بعد فيني الم بدى من شوي عطوني حل ؟
انا خايفة الله لايقول الياهل فيها شي ولا شسالفة اول مرة يصيدني جذي والالم واااااااااااااااااااااايد قوي الي احس روحي بموت
ياريت اذا احد يعرف عن هالموضوع يساعدني
تعباااانه وايد واليوم عندي عزيمة بيتنا بييوني بعد مابي اكنسلها ابي ايلس معاهم بس هالالم مو مخليني كلش

[بنوتة حلوة]

انزين روحي المستشفى عشان تتطمنين بدل هالوسواس.. وعشان تعرفين شنو المشكلة وتعالجينها قبل لا تتفاقم لاسمح الله..

[om khalil]

جمعه مباركة خواتي الحاضرات والغايبات

فجوره
سلامات ماتشوفين شر ابدي من ألحين على منتجات القليلة الدسم، والسكر خفيف
وخففي عيوش ومعكرونات وباقي الشغلات اللي نستين اذا تركناها.
وشوي شوي بخف ان شاءالله. مابي اخوفش بس ترى خطر على الجنين لو مانزل السكر
وماتشوفين شر ان شاءالله.

روز
مبرووك عليش البنوته الحمدلله على عطاياه الله يحفظها ويتمم حملش على خير ان شاءالله
احنا الاسم جاهز لو كان ولد، بس البنت حيره..

بنت الأياويد
ماتشوفين شر ان شاءالله يمكن عندش تسمم، روحي المستشفى احسن يمكن يعطونش ابرة التسمم، اشربي حليب ابيض بارد كثري منه زين للتسمم، اني صادني هالشي كذا مره كان بطني ينعصر من الألم يتقطع بعيد الشر عنكم ومايفيد الا الحليب اهم شي بارد يبرد على المعده وبدون سكر.

[طفلي حياتي]

السلام عليكم
جمعه مباركه عليكم حبيباتي
ماتشوفين فجوره وروحي المستشفى احسن تطمني على روحش
ام خليل اني رحت امس سويت تحليل السكر والسانكست شربته
وبالنسبه لفحص عنق الرحم بنتظر عقب 3 اسابيع وبسأل الدكتوره عنه

[rose soul]

ام حماني حلوو اسم لطيفة..

..
بنت الاياويد و ام خليل الله يبارك بعمركم والله

..
بنت الاياويد..انا اقول بعد روحي المستشفى احسن علشان تطمنين .. وجوفيهم شيقولون لج وشنو سبب هالآلام لأنهم اخبر..وما جوفين شر ان شاء الله..

[أم حماني]

صباااااااح الورداااااااااااات