دردشة بنات المدينه المنوره - تجمع حوامل بنات المدينه

[غنج أنثى]

[أم رزاان]

هلا ولله ام رزان ولله فرحت لما شفتك داخله خخخخخخ فيه احد سهران معي وش اخبارك وكيف كروووشتك

هلا وغلا قلبي :)

أنا والكروشة بخير جعلك بخير :)

كيفك أنت ِ ؟ :)

[غنو حياتي]

كيفكم كروشات

اعتذر عن الغيبه
بجد وحشتوني كلكم

الايام اللي فاتت حسيت بالم باخر الظهر وبيشد علي احيان ومغص
خفت انه طلق
لان الدكتوره متوقعه لي ولاده بالسابع بسبب وفاه الجنين الثاني
انا في بدايه وخايفه كثير

يوم الاحد عندي موعد وان شاء الله تطمني
لانه حاسه بان الجنين السليم بدت حركاته تقل شوي

كرهت المستشفيات والمواعيد من اللي عملوه فيني
وبنفس الوقت القلق والتوتر بيجنني

ادعولي ربي يهدي بالي وما يضيع تعبي ويفرحني بالبنت ويعوضني عن الولد خير

لي عوده ان شاء الله بس بحاول استعيد نفسي زي ماكنت

استودعتكم الله

[رحيق الورد]

السلام عليكم
مساء الخير عل الجميع
وحشتوني كيفكم اللهم بارك دخل كروشات جدد والدردشة فيها تفاعل
بس بجد حيرتوني في المستشفيات كل واحدة تمدح اللي جربتها او اللي سمعت عنه
انا عن نفسي ولدت في الدار وارتحت جدا بصراحة لا ادري هل من تعامل الدكتورة ام من المستشفى نفسها لان الكتورة كانت بلسم ومتدينة جدا
بالنسبة للواساة اكرهها من اسمهما مع اني لم اروحعندهم ولا زيارة ولا اعرف فين مكانها اصلا
الان امامي مدح في الاحمدي ودكتورة فوزية
والالماني ودكتورة الهام
انا اراجع عند دكتورة ايمان في العقالي ولو ولدت عندها هتولدني في الاحمدي بس صراحة لست مستقرة
طولت عليكم ربي يسر للجميع

[أم رزاان]

غنو سلامتك يالغاليه
وربي لا يضيع لك تعب

توكلي على الله واكثري من قووول " حسبنا الله ونعم الوكيل "
سبحان الله عجيييييييبة هالكلمة لا تغفلي عنها ابداً !
واكثري من الإستغفار

وإن شاء الله ماتجي البنوووتة إلا في وقتها في التاسع
وتجي تبشرينا :)

[رحيق الورد]

غنو كيفك يارب تكوني بخير
اغصان وينك مختفية طمنيني عليكي

[أم رزاان]

رحيق الورد هلا وغلا فيك يالغاليه

والله أنا مثلك باقي لي ايام وادخل السادس
بس محتااااارة في اي مستشفى بولد
كل ما اسأل ناس تسب وناس تمدح ! :(

وياريت اللي يولدوا من الكروشات هنا يخبرونا عن تجاربهم في المستشفيات
بلكي نستفيد ونستقر على رأأي ! :)

[قلب غاليها]

المشاركة الأصلية كتبت بواسطة جود احلى بنوته

حبيبتي انتي متى جربتي الماني قريب انا جربته وفعلا روووعه بس هذا الكلام قبل 5 سنوات ايام سلوى لله يذكرها بالخير ام الحين ما حد يحب الماني بعد اللي صارله ونفسي اعرف احد جربه قريب حبيبتي انا ماجربت ابره الظهر ههههه الحين بيقومون علي خخخخ لاني ماكنت اعرفها وما عرف احد جربها وان شاء لله بحملي هذا اخذ الابره لان خواتي كلهم اخذوها وصحباتي عشان كذا اتطمنت انو كل الكلام اللي ان قال عنها مو صحيح الان الحمد لله عمرنا ما سمعنا احد صارله شي وليه تتوفر بالمستشفيات اذا هي خطررره وعلى فكره ياعسل هم اخذوها بالمواساه

المشاركة الأصلية كتبت بواسطة غنج أنثى

بالبداية هلا وغلا فيك بيننا وتشرفينا وربي يرزقك بالحمل والذرية الصالحة بس حبيت اسالك عند مين ولدتي بالالماني ؟؟؟ وع فكرة انا ولدت فية وقالوا لي تبغي ابرة الظهر وانا رفضتها يعني عندهم اما بخصوص دكتورة لتاخر الحمل ما اعرف بس ممكن يفيدونك البنات ,,,

ولك ودي واحترامي ,,,

مشكورات حبيباتي على الرد

جود الظاهر جربيته مع الدكتوره سلوى الحبشي لأنها ولدت أخواتي كذا مره وكانوا مره مرتاحين معاها
أنا جربته قبل 3 سنوات تقريبا وقتها كانت الدكتوره إلهام تولد في الليل وقت مايكون فيه الدكاتره
لأنها ولدتني وتابعتني لين ماخرجت من المستشفى , وفي الأوراق كاتبين إللي ولدتني دكتورتي إللي كنت أتابع عندها
أما إبرة الظهر جربتها زوجة أخوي في المواساه قبل 9 سنوات و تقول إنها ولدت وماحست بشي أبدا , بس الآن المستشفى ينخاف منه
طلبتها في الألماني وكان توقيت ولادتي زي الزفت ( الفجر) ودكتور التخدير ماكان موجود وما أستدعوه ليا عشان كذا قالت لي الدكتوره مافيه
وبعد ماولدت وخرجوني من الكشك ماطلعوني لغرفتي على طول وخلوني ساعتين تحت الملاحظه وقتها بدأ دوام الدكاتره و كانت عندي في الغرفه وحده بتولد وجاتها الدكتوره سلوى سعد تسألها عايزه إبره؟ وإلا كمام ؟ والحرمه تقول لها أبره لا أبغى كمام
كان ودي أقوم أخنقها لاتكوني أنتي بس ياغنج هههههه
بس برضو بدون الكمام كانت تجربة ولادتي عندهم حلوه بالمقارنه مع اللي اسمعه عن المستشفيات الثانيه
الله يسهل عليكم ويرزقكم ببولاده سهله ميسره وتقوموا أنتو والبيبيهات بصحه وسلامه يااااارب

[RoOoMa]

مساء الخير كروشات القمورات

كيفكم كلكم ان شاء الله بخير ..؟

غنو حياتي

الله يخليلك البنوته وتجي بوقتها بدون زياده ولا نقصان

ويريح قلبك وبالك يارب

دايمآ استودعيها الله وحطي يدك على بطنك واقري المعوذات وآية الكرسي

الله يهونها عليكي حبيبتي ويعوضك كل خير ان شاء الله

[قلب غاليها]

غنو حياتي

الله يعوضك عن الولد ويجعله شفيع لكم يوم القيامه وإن شاء الله تفرحي بالبنوته

أنا كنت حامل بتوأم و واحد منهم وقف نبضه في الشهر الثالث من حملي

والحمد لله كملت حملي وتلاشى الجنين الميت , لكن أنتي وضعك أصعب بكثير لأن حملك كبير

الله يسهل عليك و يحفظ لك البنوته وتولديها بصحه وسلامه إن شاء الله