تجمع حوامل ليبيا

[يقين]

السلام عليكم كللللللللللللللل عام وانتم بخير وصحه وسعاده وينعاد عليكم بالخير والهنا والصحيحه
استاااااااااااااااااااااااااااااااااااحشتكم
اني مشغوله في مقاضي العيد وامبارح صبغت شعري ودرت شمع لوجهي وحواجبي ولدت علي روحي
ونفضت الشقه والحمدلله تميت كل شي وعييانه بنموت
والله استاحشتكم
ميمو صحيتي ياغاليه ان شالله ربي ينولك اللي في بالك يااااااااارب ويسعدك يارب
ام وسونه كيف حالك وحال بنيتك
ام قصي وينك والله مستاحشاتك معاد تلاقينا بكل
ليبيا قلبي كيف حالك ههههههههههه معليشي فتحت عليك مش قصدي غلطت ان شالله ما طارش رصيدك ههههه
تموره كيف حالك ان تمام
مروسه كيف حالك يا بنيت عمي وشن اخبار اصغارك
ام محمد كيف حال وحال الحمل ان شالله كويسه
هاتو كيف حال وحال بنيتك ان شالله كويسه
ان شالله كل عام وانتم بخير واني فرحانه بالعيد بس مضايقه امبارح كلمتني ماما ومضايقه هلبا وعرفتها من صوتها انها متغششه قلتلها خيرك شن في قعدت تقولي والله ما في حاجه غير مستاحشينك معاش عيدتي معانا فاني قعت نبكي والله يابنات بكل اني مضايقه ومستاحشتهم

[أم أجنادين 80]

السلام عليكم
جمعه مباركة عليكم
وكل عام وانتم بخير
ويارب ينعاد عالجميع بالصحه والعافية
وتكون ليبيا بلد افضل من قبل يارب

[ميراس]

سلامات للحلوات ليبيا قلبي انا زعلانة منك علاش مانابنيش من دعاءك حتة

[ام وسونة]

السلام عليكم

كل عام والجميع بخير

[ميمونة]

السلام عليكم كيف حالكم وكل عام وانتم بخير

تسلمين ام محمد عقبالك في حجه

ام قصي--تفضلي حيبتي في اي وقت معاك الشيفه ايمان

يقين الله يسلمك ماعنديش فيه جميل

[ميمونة]

ميراس شن حالك وحال وليداتك

[جنة ليبيا]

السلام عليكم أخواتي كيف الحال اتمنى أن تفيدني احدى الأخوات عن التهابات عملية ربط عنق الرحم وطرق علاجها

[ميمونة]

هلا جنه ليبيا--انا بختت علي سؤالك هل انتي حامل لو حامل وخايفه من الاجهاض هده اجابه الدكتور

--في هذه الحالة (اتساع عنق الرحم) هل من الضروري إجراء عملية الربط في كل حمل أم أن هناك حلولا أخرى وتدابير احتياطية قد يتم اتخاذها قد تغني عن إجراء العملية؟


الاجابه==


إن لدى زوجتك ما يسمى بقصور عنق الرحم، بمعنى أن عنق الرحم يكون غير قادر على البقاء مغلقا بعد أن يبدأ الحمل بالكبر والرحم بالتمدد، أي لا يتمكن من تحمل ضغط الجنين فيبدأ بالتوسع ومن ثم يجهض الجنين.

لذلك وكون زوجتك قد حدث لديها إجهاض سابق، ومن ثم في الحمل التالي استجابت لعملية الربط واستطاع الرحم الاحتفاظ بالجنين لغاية الشهر التاسع فهنا نقول بأنه يجب إجراء العملية لها في كل حمل عند بلوغ الحمل ما بين الأسبوع 14-15.

ويفضل عدم المجازفة في مثل هذه الحالة، لأننا لا نستطيع الجزم إن لم نجر لها العملية بأن الرحم سيستطيع المحافظة على الجنين إن لم تتم عملية الربط، كما أن هذه العملية لا تفيد إن بدأ الرحم بالتوسع، ولكن يجب أن تجرى قبل أن يبدأ التوسع حتى تكون مفيدة، مع العلم أنها لا تضمن استمرار الحمل بنسبة 100% ولكنها تقلل كثيرا من نسبة الإجهاض عندما يكبر الحمل - بإذن الله تعالى-.

وقبل إجرائها يجب دوما أخذ عينة من عنق الرحم والمهبل للتأكد من عدم وجود أية التهابات حتى نضمن لها نسبة نجاح أعلى، وحتى لا يزداد الالتهاب سوءاً بوجودها.

وللأسف يا أخي الفاضل لا يوجد بديل للعملية، وللآن لا توجد أدوية تقوم بنفس عمل العملية، ولكن يوجد بعض الأدوية والاحتياطات التي تساعد مع العملية في زيادة نسبة نجاحها مثل:

إجراء مسحة عنق الرحم والمهبل وعلاج أي التهاب موجود بشكل جيد.

إعطاء الحبوب المرخية للعضلة الرحمية والتي تمنع حدوث الطلق الباكر.

إعطاء المثبتات الرحمية على شكل إبر أو تحاميل أو حبوب عند حدوث الحمل.

الراحة قدر الإمكان وعدم الوقوف لفترات طويلة.

تجنب الإمساك أو الكحة وكل ما يزيد الضغط داخل البطن.

الإكثار من شرب السوائل المفيدة خلال الحمل وخاصة الماء وعدم التعرض للجفاف.

ولكن أكرر ثانية بأن كل هذه الأمور السابقة لا تكفي وحدها ولكن يجب أن تكون مرافقة لعملية الربط.

[ميراس]

يعطيهالك ياام وسونة والله الاقوية اللقطة يدبحوني مش يدبحوني والله لو كنت في تونس يمكن يخيروك لكن في ليبيا والله مافي خيار

[ليبياقلبي]

سلامي ليكم
ميراس الا زعلك ربي يغتحها عليك يارب وينولك لي في بالك قادر ياكريم اسفة عالنسوة
ميمونة شن اخبارك كيف حال اماليك
ام قصي ربي يعاونك ايميلي عالفيس ام ناريز ضيفني ووانت ويم تسكني طربلس شكلك
بقين لالا عادي رصيدي فداك والله شوفتني باصلصبغة قسما بالله مضايقة ببنفجر لاصبغت لاحنت لانظفت ووجهي علشان الشيباني محبوس مقدرتش والناس تجي متغغشيشن عيد نكد الحق ربي يعينا ويعينهم شوفتني ربي يوفقك وعادي تو تروحي وتعيدي مع الماما ليبيا لاحقة عليها
وهاتو حلو اسم رتاال