تجمع حوامل اللي موعد ولادتهم في شهر جمادى الثاني1433 ‏ه

[بنت القطان]

بنات فخوذي الألم فيهم قوي وحركة ولدي خفت ؟ طبيعي؟

[عاشقه الجنه]

اخت انا بدونك صحيح الخواجو ممتازه للجروح وحتى للحروق لماتخلطيها مع العسل بس مااادري كيف طريقتها مع العسل وسمعت انها مع العسل تخفي اثر الحروق وحتى مفيده لشمم وناس تتدخن فيها مع قشر البصل بس انا مااقتنعت اني ادخن مضر ويخوف
اما بالنسبه لشنطه جهزتها وارتحت ولله شوفو وش جهزت وعلموني ويش اللي ناقص فيها انا راح اولد بمستشفى اهلي واكيد ليليه اوليلتين فقط
جهزت قميص لي وكلوتين وسنتيانه وحده رضاعه وفرشه اسناني مااستغني عنها مع ان الكلوتات والفرش الاسنان والفوط تكون مجهزينها لك بالحمام بس تجيبينها انت اطمن وجهزت فوطه لجسمي وشعري والا مايحتاج يابنات وش رايكم تتوقعوم اقدراتسبح بعد الولاده
وللبيبي لبس ابيض عادي ولبس ثاني بربتوز وبربتوز ثاني اللي هو داخلي ومانديل ديتول ومهاد ومفرش وكتاب حق النونو شريته اول ماحملت تكتبي فيه كل شي اكيد تعرفونه ويكون لذكرى واخذت ساتر حق الرضاعه لماارضعها من صدري بوجود احد انصحكم فيه تحصلونه بمحل تويز ار اص حق العاب الاطفال وبس هااااا رايكم ايش الناقص وهل لازم اخذ بامبرز للبيبي والا يكون عندالحضانه ولاتحرمنا من رايكم ياامهات

[مبتسنة رغم الالم]

تسلمين ياقلبي ...
بنات وش اخباركم
انا الحركه صايره ع الخصر
الحمدلله خلصت اعراض النونو كامله
باقي الصيدليه
وباقي اغسلها واجهز شنطة المستشفئ
بنات انصحكم تشترؤن صابون الوزير لملابس النوو نوو
عشان مايحش بشرتهم
وحشتووووووني
يارب نقوم بالسلامه وبيبيهاتنا معانا

[هنّوسه]

صباااااااح الخير

والله حمستوني بنات اجهز شنطة الولادة ،،..
اقول لزوجي بعد كم يوم باجهز شنطة البيبي بس ابي اغراض الصيدلية واغراضي اخلصها ،

بس انا حاطة اللست في بالي من اول :
لبسة كاملة ( بربتوز داخلي - بدلة خارجية - قفازات - قبعة - مهاد - ملف فوق المهاد ) >> هذي وانا طالعة فيها من المستشفى
وباحط لبسة ثانية للاحتياط ( بربتوز داخلي - فرهول )
سرير شيال عشان اطلع فيها .
حفايض - مناديل مبللة - مسحات السرة ( لاتنسونها يا بنات )

اما لي انا ،،
قلت باخذ لي لبسة مريحة .
وطقم داخلي .
وفوطة .
ومعجوني وفرشاتي ومشطي وعطري .
لوشن - شامبو ، وبس تقريبا .


تتوقعون ضروري اخذ الرضاعة والحليب والا بتكون الرضاعة طبيعي بس ؟

[احاسيس مبعثره]

صبااااااااااااااح الخيرااات كروشااات
شخباااركم اليوووم
احس صاااير النوووم معاااناااه ربي يسهل

[نجمه فى السماء]

اهلين هنوسه -
ايه

تونى مسويه شنطه المستشفى - مايبغالها شئ من الصيدليه -
( بجامه مريحه لى - وروب استقبال - طبعا اهتم اخذ بنطلون داخلى مريح )
اما للبيبي فلبس واحد مع لفته - اذا جيت اطلع من المستشفى - لانهم مايلبسونه الا من عندهم ويضيعون الاغراض احيانا اذا عطيتيهم
بس في حاجه مهمه دائماآ احرص اخذها معى فى كل عيالى ( المصاصه )
لانى ابغاهم يتعلقون فيها ع طول - اختى دائما تنسى المصاصه وتجربها بعد 3 ايام من الولادة ولا ياخذونها عيالها

غير المفرش جاهز طبعاآ - اغراضى الشخصيه ... أوردى بتكون موجودة ...

[هنّوسه]

يعني تشورين علي ما البسها الا لما نطلع ؟؟

[نجمه فى السماء]

اذا عندك لفه حلوة مع قبعه بدون بربتوز ولا ملابس - ممكن تعطينهم اياها يلفونها فيها بس -
طبعا هاذا اذا كنتى تطلعين بنتك للضيوف الى يزورونك -
اما اذا ماتحبين تطلعينها - ايه والله رآي تلبسينها اذا جيتى تطلعين من المستشفى

[هنّوسه]

اهاا

كوويس ،، يعني ما يحتاج لبستين ...

يااربي كل شهر احاتي شي جديد ،،
عاد انا باولد وباطلع من المستشفى وعلى بامسك خط الحسا اروح لاهلي ،،،
اقول لزوجي اخلي وحدة من خواتي تجي معاي تعينني بالخط
يقول لا ما يحتاج انا معاك ،.

[همسات قلبي]

أنا باقي ماجهزتها
بس حاطه في بالي
أحط لي لبس مريح لي قميص وطقم داخلي وفوطه
وفرشة اسناني ومعجون ومشط لشعري وشامبو
وفوط لي أخاف مايعطوني كافي
واحط للبيبي اذا جيت طالعه بربتوز وفرهول ومهاد وقبعه ولفه حلوه فوق المهاد
وبس اما البيبي الكل يقولي لا تأخذي لا رضاعه ولا حفايظ ولا شي تاني
لان هما يهتموا فيه في المستشفي

بنات أنا مافكرت أخذ حليب للبيبي الا وانا طالعه من المستشفي مو لان الدكتوره تعطيني نوع الحليب وانا طالعه
والا أش رايكم
افيديوني