تجمع حبايبنا في منتدنا الحبيب

[اميرة ليفربول]

لأعاد تسمعي كلام احد مادام زوجك طيب معاكي ومحترمكي ماشالله خلااااص مالو احد دخل فيكي وربي إحنا اخواتك وراح تلاقيني في اي وقت

[مرهفة الإحساس]

حبيبتي احنا خواتك اللي لم تنجبهم امك

[غرااام]

اخر مره رحت معاها السوق وماما كانت معانا زوجي اتصل فيني وقال بجي اخذكي قلت لو طيب استناك بالمحل الفلاني
وكان في فستان على الملكان مره عجبني ورحت شفت سعروا وما قدرت اشتريه لان الفلوس الي معاي خايفه تنقص وما اكمل هدايا زوجي واولادي بالعيد لاني مو حابه اجيب لهم اي شي
المهم لمن جا زوجي قلت لمامتي خلي اكياسي معاكي بروح لزوجي وبعدين هو ياخد الاكياس ......لاني ما احب اشيل الاكياس \\\\مستحيل اشيلها
وطبعا رحت لزوجي ومرينا من عند المحل الي فيه الفستان وقلت لزوجي ايش رايك قالي عاجبكي قلت مره جنان \\كان الفستان انتيكى
وبس راح المجنون واشتراه لي
طبعا اختي شافت السعر معايا والمحل معروف والكيس معايا وراح تشوفوا لان اكياسي معاهم ولازم اخدها
وربي يابنات كانت مره معصبه وبس تبغى تزعلني يالطيف

[مرهفة الإحساس]

يا الله يا حبيبتي لا معلش لازم تاخدي بالك منها واقرأي دايما قران على نفسك وعلى عيالك الله يحميكم

[اميرة ليفربول]

يارب رحمتك أقولك شي وماتزعلي وربي أختك المفروض تكون أعقل من كذا مؤ تقولي اكبر منك 12سنه يعني انتي المفروض أختها الصغيرة تحبك وتحن عليك مؤ تغار ياساااااتر

[غرااام]

هادا من غير الاغراض الي كنت مشتريتها معاهم في سنتر بوينت وراح زوجي حاسب عليها وكانت هي والوالده واقفين يحاسبوا
واغراضي طلعت بالف وشوي احسها هداك اليوم شوي وتموت بس وربي ماتوقعت
بس وربي زوجي معاي قدام الناس يعاملني كاننا لوحدنا محد راح يشوف شي او حتى يلاحظ
يعني ماكان الناس موجوده اساسا الله يهديه واقولوا يقولي والله مانتبهت
كل كوم ويفتح لي باب السيارة كانوا اخواتي يتريقون وماكنت اعرف

[غرااام]

والله كانت احن من الوالدة بس بعد ماتغير وضع زوجي المادي مرى قلبت
والكارثة بنتها نفس الشي مع بنتي
اصلن العمر ما يفرق لو 100 سنه هادا الي استنتجتوا

[اميرة ليفربول]

يابنت حصني نفسك لا تجيك عين بعيد الشر عنك وعن زوجك وعيالك

[مرهفة الإحساس]

يا حياتي لازم تحصني نفسك لا بعد الشر تجيكم عين
سبحان الله هذى ارزاق ومايصير حدا يزعل منها معلش حبيبتي

[غرااام]

بنتي المسكينه زي الهبله معاها.....مرى كانوا جالسين بالصالون عند ماما وانا داخله فجأه امع بنتها تقول لبنتي يا حرام انا خوالي بس يجيبوا لي هدايا وانتي يا حرام محد يجيب لك
طبعا هداك الوقت بنتي عمرها خمسه سنين وبنتها عمرها عشرة سنين
وتغار من بنتي مووووت لان لا إله إلا الله الملك لله بنتي شقراء وبيضاء وبسم الله عليه ملامح زي بريئه عكس بنتها تماما
وكان هداك الوقت بنتها بالمدرسه عشان كيدا الكل بيجيب لها هدايا لانها بتنجح وبنتي لساتها صغيرة
وبنتي المسكينه بدأت تلاحظ
طبعا وضعنا المادي بالمره ماكان يسمح مع اني مره مدلعه بنتي ولله الحمد ماألبسها إلا مركات وملبستها ذهب ومو مقصره عليها