تجمع حوامل ليبيا

[ام وسونة]

الحمدلله ياام اجنادين ربي طمنك

لكن المفروض تحليل الهرمونات ديريه في تونس افضل

اني مشيت لتونس العاصمة وانتي

[ميمونة]

السلام عليكم وين الحلوات مغطسات

[أم أجنادين 80]

انا مشيت لجربة وسوسوة وتونس العاصمة

انا كان عندي فرح صديقتي ياميمونة

واخيرا دخلت لعرس بعد سنة من زواجي هدا اول عرس نحضره تصدقوا

ههههههههههه

[أم مُحمد]

سلام عليكم نبي نسأل على هرمون الحليب هل ياثر على تاخر الحمل اكثر من سنه مع العلاج ونسال على الصور متاع المبايض في اى حاله اديرها المراه ولما يكون التبويض في غير الوقت المحدد للبويضه شنو السبب(اللى فهمت حاجه من اللخبوطه هذى او عندها فكره اتقوللا فى انتظار الرد وبدون بخل على المعلومه وشكرا مقدما

[ام قصى محمد]

السلام عليكم
شوفى ام محمد مرحبا بيك
بالنسبه لهرمون الحليب ياثر على الحمل
حبيبتى شوفى دكتورتك شن تنصح لان فى اطعمه لازم ماتاكليهم
حبيباتى خشيت انسلم بكره انشاء الله نقرى الصفحات الفايتين ونشوف اخباركم اتمسوا

[ميمونة]

للھمَ إنّ يــومْ آلجمعه أحـَبّ آلٱيآمَ إليك . .
~
فلا تَدع شَمـسْ آلسَبْتّ تَشرِقْ ،،
إلٱ ۆ قَدّ گتبَتّ لنْآ مَغفِرھّ لٍذنَۆبِنآ . . ۆ إزآحَھ لٍهمٌۆمٍنآ . . ۆ تَفرْيَجاً لگٍرْۆبِنَآ ،،
ۆ شٍفَآءً لٍمَرْضٍآنآ . . ۆ رحَمْة لٍمَۆتٍآنآ ،،
... ... و سًعَآدْھَ ونقاء تَغمٍرْ قٌلۆبٍنـا

صباح الخير جمعتكم مباركه

[ميمونة]

هلا ام قصي كيف حالك ياحلو طمنينا عليك

ام محمد----نورتي المنتدي والله هرمون الحليب ياثر هلبه عالحمل زي مانعرف بس مع العلاج ينخفض بادن الله

ام اجنادي--انشاءالله بطول عمرك واخيراا ماخشيتش لاعراس بكل علاش
واحكلنا شن لبستي وشن العروسه ههههههههههه

[ميمونة]

وين السنفورات يقين وام رفيده وعيون وتموره وميرنا وليبا وام سعد هاتو مغطسات

[يقين]

السلام عليكم صباح\مساء الخير
كيف حالكم كويسين ان شالله
ليبيا قلبي كيف حالك ياغاليه وحال بنيتك واهلك وشيابينك
ميمونه كيف حالك وحال اهلك
ام وسونه كيف حالك وحال بنيتك وان شالله ربي يرزقك من واسع ابوابه ويفتحها في وجهك يااااااارب
هاتوا كيف حالك وحال بنيتك
ام قصي لالالالالالا بالرسمي ما عجبكش الفطور هههههههه كيف حالك يا غاليه وحمدلله علي سلامة بوك وخوتك وكي حال سنفوراتك ربي يحفضهولك
ام اجنادين كيف حالك ان شالله كويسه
ميراس كييييييييييييييف حالك وحال صغارك
تمر حنه وينك وكيف حالك وحال البصل شكله ذبل قولي شن اخبار التلقيح ان شالله مريح روحك بس
ام محمد كيف حالك وحال الحمل تمام ان شالله
عيون كيف حالك وحال صغارك
ام ردينه وين غايبه ان شالله المانع خير وكيف حال صغيويرتك
كبريائي وينك وكيف حالك وحال بنوتك ان شالله تمام

[يقين]

اني زي ما عارفين سلفي عندي مره نحصل و10 لا علشان هكي اني ما نخشش يمه وهما توا في الجمعه هادا باش قلت نخش نسال علي حبيباتي اسمعوا غير مايروح سلفي لما نرقلكم في التجمع هيا باي توا سلامي للجمييييييييييييييييييع دون استثناء