دردشة حوامل القطيف- تجمع بنات القطيف

[أحلام أم]

أم خليل
الله يسهل عليش حبيبتي وتدخليين تبشرينه بقدووم الولد ومابننساش من الدعاء إنتين بعد حاولي تدعيين لينه
روز
هلا أني ودوني السلمانية في الإسعاف وسيدة ركبوني جناح الولادة ماشفت شي،لازم في تفتيش حبيبتي أول ماتدخلوون السلمانية،إحنه لازم للحيين في الدخلة والطلعة من المستشفى تفتيش ،والله ييسر ليش بس عادي بعد التفتيش تدخليين لطوارىء الولادة وعاادي حبيبتي تولديين في جدحفص والله ييسر لش وحنن قلوب القابلات والممرضات عليش ويكونون تحت خدمتش
طفطف
الله يسلمش حبيبتي ويسمع منش
أشوفكم على خير

[om khalil]

رحت حفيت
ونبصت محل الأعشاب الي قبال الحديقه شريت كف مريم للتبخير ومراميه وملح فارسي لخلف الولاده وصابونة فرجنتي
ورحت لأم حسن الله يحفظها مرخت بطني عابلتني يألم شوي لصقت في الأرض أمبا أقوم أبدن

ورجعت حياة حظي بتمشي ماغير أحاجيكم من تحت البرنص هذاني

[شمس الصباح]

ام خليل ان شاء الله ولادة وترتاحين

بس بقول ليش شي ليش منخشه تحت البرنص لانش خايفة انتين مو بجر علشان تخافين ترى الولادة الثانية والثالثة تصير اسهل يالله ذكري الله ولا تحاتين شي والله يفرج عليش وعلى جميع المؤمنين والمؤمنات

اهل القطيف اليوم ماليكم حس ام حسين الدار وينش ام كرار حبيبة ولد عمها وينكم اليوم اتصلت اختى من العوامية تقول ان غبرة عندكم شنو مسوين مع الغبره

[rose soul]

سلامي عليكم
شخباركم؟؟
بسألكم .. انا عندي موعد عقب باجر..الا اهو موعد عقب الولادة
ابي اعرف شنو يسون بالضبط؟؟
يلا جاوبو حبيبات قلبي..بقوم اسبح قبل لا تقعد وردتي
وبرجع وان شاء الله اجوف جواب

المشاركة الأصلية كتبت بواسطة فلونة

ام بشوورة ،، امتى تطعيم بشاير انا من احين احاتيها و مو متقبلة ارجع الشقة مادري ليش :(
ريلي تعب من المشاوير وانا خايفة ارجع الشقة بروحي وماعرف اتصرف معاها

يلا نجوفكم على خير

فلونتي..موعدها 25-4
وانتي متى موعدها الوردة؟؟
تعالي ماعندج موعد لج انتي؟؟
ابي اعرف شسون..
ليكون يجيكون تحت
اذا يجيكون تحت ما بروح

[حبيبة حسوني]

سلااااااااام بنات شخباركم
بسال نفس السؤال باجر عندي موعد لي ولتوتتي
بغيت اسال بخصوص موعدي ويش بيسوون بالضبط ؟؟؟ للعلم اني عمليه وقالو ليي يفحصون عنق الرحم وياخدون منه عينه وحابه اعرف من الي راحو بلييييييز ردو علي خايفه حدي ومتردده اروح وامبي اروح اتطمن

[om khalil]

شمس من صدقي ترى خايفه وكأني بجر يمكن بعد من الاوضاع بالبحرين
من دخلت التاسع لا مشيت ولا شي كله كسل في كسل وخمول
ومن فترة احس من آكل بسرعه أدوخ جامو سكري
رغم اني سويته بالعصير مرتين وكان طبيعي وقالت لي الدكتورة
مدام ماياش خلاص يعني مابيي بس مادري ويش سالفة هالدوخة
اليوم عيز مني قومي بامشيش انا باساعدش واني ابدا منخشة تحت هالبرنص

نومي متقلب حده ما انام الا الصبح، واذا نمت من وقت ساعه ساعتين وواقعد وخلاص مافي نوم
هذاني قاعده من فنعش ونص، تمشيت شوي وقعدت هذاني امبي انااااااااااااااام

توي متذكرة اني ماشتريت برنص للياهل ويش هالحاله جان زين مجهزه من فترة لتنسي ههههههه
يالله الحمدلله على كل حال يارب تسهل عليي وعلى كل الحوامل يارب وترزق المتاخرات يااارب



أحلام متى بيعطونش هنوي، وماقلتين شخبار صحته ان شاءالله زين

[om khalil]

حبيبة حسوني اذكر فحص مابعد الولاده ياخذون عينة من افرازات الرحم بواسطة اداه مثل العود مايعور يعني

[شمس الصباح]

صباااااااح الخير

ام خليل اني من شفت ردش قلت اكيد بتروح ولادة بس دخلت قبل لا تروح ههههههه
ام خليل ويش فيش ياله عاااااد خلش من الخوف والولادة ما تخوف ولا تقتل هي دقايق وبتشوفين احلى قمر بين ايدش ربي يسهل عليش
ومن ناحية البرنص للصغير في محل اسمه بيبي مون في البديع صوب الملعب روحي وشوفي او دخلي منتديات البحرين التجاري واخذي الرقم وهم يوصلون ليج للبيت اللي تبغينه ان شاء الله تحصلين واذا كلش روحي انصار غاليري يقولون انه يبيع عنده اشياء للآطفال اني بروح بس ما ادري متى بجرب يمكن احصل الي ملاك شي

اليوم ملاك قاعده من الغبشة على قولتش ما خلتني انام واخر شي شلت قشي وقمت من السرير

اي بنات اللي سئلو عن الفحص ترى مثل ما قلتو يفحصون من تحت ولا يعور غمضي عين فتحي عين واخذو العينه وترى التحليل وايد زين يشفون اذا فيه التهاب لا قدر الله او شي ثاني وهذا المفروض مو بس الولاده تسوي حتى المتزوجه كل سنة وفي ناس تسويه بفلوس لانه مهم وايد رحو واتكلو على الله التحليل ما ياخذ وقت ابدا واي سؤال عندكم سئلو الدكتورة وبتجاوب عليكم

[شمس الصباح]

بقول ليكم شي بنااااااات ما تلاحظون ان اهل القطيف ماليهم حس لا يكون زعلانين منا وام حسين الدار كلش ما بينت قاعده احاتيها لان هي كانت تشتكي من الم في بطنها والحين كلش ما دخلت ان شاء الله يكونون بخير

اكي ملاك نامت ولكن اني ما اعتقد انام لان الساعة ست برد اقعد اجهز اليهال للمدارس بس بروح اعدل ظهري اشوي قبل الساعة ست

يالله الي اللقاء وقت اخر

[أحلام أم]

صباااح الخير
أم خليل
ويش فيش ياحبيبتي صلي على النبي ولاتخوفيين روحش ،تصدقيين أني ماكنت خايفة بس من شفت الماي يركض يتني بردية ورجفة وخوف وقمت أركض وأقول لليهال بسرعة إلبسوا وهم كانوا متهاوشيين وكل واحد يشتكي على الثاني فاضيين وأتصل لأبويي لأنه زوجي بعييد كلش لوتشوفيني كأني ياهلة حتى من غزة الإبراه أصيح يعني كل لحظة كانت صياح وخوف من أي ألم كأني مو مجربة الولادة ولاكن الحمدلله الولادة تيسرت بفضل الله سبحانه وتعالى وبفضل القرأن و التوسلات والصدقة ،ربي يسهل عليش وكلها ياارب لحظات وتشوفيين الولد يصيح تحتش وبين إيدش
هاني الحمدلله أحسن بفضل الله ،ويقولون بينتظروون المضاد يخلص وتدريين كورس المضاد يإسبوع يأقل وبنشوف بعد أبوصفار وياارب يعجل بشفاءه ونطلعه بالسلامة والصحة
شمس الصباح
هلا والله بالسهارى وصاادقة خيووو (شكلهم بنات القطيف ملوا من وجودنه وياهم وهربوا عنه )ماليهم حس وين أم حســــــــــين الدار والباقي عسى المانع خير ،طمنونه عنكم
أقوم أبرز اليهال للمدرسة أشوفكم على خير