تجمع حوامل العراق واتمنى اكو احد موجود

رودينة الراوي · 09-08-2011, 04:58 PM

منو موجودة

kokee · 09-08-2011, 05:03 PM

يمعوده ارادة الله كن فيكون
الله يرزقج عاجلا غير اجلا

kokee · 09-08-2011, 05:04 PM

هلا ام ردون شخبارج حبيبه وشخبار بنيتج ؟

~~زينب السعدي~~ · 09-08-2011, 05:17 PM

شلونج يسورة شلونها ردونة انشالله زينه حطيلنه صورة الها خنشوفها

رودينة الراوي · 09-08-2011, 06:12 PM

كوكي وزينب السعدي شلونكم اخباركم اني وردونة بخير الحمد لله

زنوبة

مااكدر انزل صورة لردونة لان زوجي ميفارك الحاسبة وميقبل ينطينياها بس روحي على صفحة 1105 رح تلكيهة بالمرفقة دوسي عليها كلك هسة تكبر
سواها مرة وبعد ميسويها ههههههههههههههههههه افتح نت كلة من الايباد

رودينة الراوي · 09-08-2011, 06:15 PM

رحوب مو من عوايدها تختفي بدون متحجي ان شاء الله السبب خير وتدخل وتطمنا عليها

توتايه · 09-08-2011, 06:34 PM

هلو يسوره شلونج حبي وشلون صارت ردونه بالي يمها حبيبتي
اكولج لقحتيها اللقاح الثاني لان اني لقحت سوفي وصخن عليهن

شلونكم بنات اخباركم
مشتاقه لرحوبه كلش هوايه ما اعرف ليش مختفيه

اليوم مجاوبت بالعربي وكعدت دكيتها بجيه لان يوسف افندي البارحه ظل لازك بية وميقبل يروح لامي واليوم الصبح مخلاني ارجع لان اذا الزم الملزمه يكوم يعوي دمرني والله

توتايه · 09-08-2011, 06:48 PM

ايمان اني بوكتها الدكتوره من جنت بعمان جنت كل يوم ابجي علمود الطفل اخر شي كالتلي بتي انتي عندج تكيسات محترمه ومتروح تطول يلا اني هم كلت يمكن سنه يلا يصير عندي وكالتلي اضعف لان جنت سمينه وربج شلت الموضوع من بالي وسويت ريجيم وكلت اقدم على الخارجي ماطول السالفه تطول وربج بس عفت الموضوع مفكرت بيه الله رزقني رحت لعمان برمضان وره العيد الله كتبلي حملي بيوسف
فتوكلي على الله وانسي الموضوع شويه
وصدك كرايبنا جانت تصير حامل وتجيها الدوره كل شهر انتي حللي منزلي بالبيت وخلي ايمانج بألله قوي حبيبتي

رودينة الراوي · 09-08-2011, 07:03 PM

هلوووو توتاية شلونج اخبارج كلش مشتاقتلج حبي
والله ردونة لابسة المسند وكاعدة على حطتها الحمد لله والشكر رح تبقة عليه 4او 5 شهور وان شاءالله خير

هاي شنو بلشتي امتحانات بلكت الله تعدي على خير

اي لقحتها اللقاح الثاني وهم صخنت وكظتها بس بجي وفوكاها اني بنفس اليوم زرفت اذاناتها والتمت عليها بس هسة احسن الحمد لله
اذا صخن يسوفي انطيه انتبيرول خاشوكة جاي والله فادها لردونة

~~زينب السعدي~~ · 09-08-2011, 08:03 PM

شلونككم بنات شو ماكو احد هسه
شلونج توتايه والله الله يساعدج ربي يسهلج وشدي حيلج
اذا اكو وحدة موجودة خلي تمد راسها ونكعد نسولف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM
تجمع حوامل الاردن	warka	إستفسارات حوامل من الشهر السابع إلى الشهر التاسع	0	05-23-2010 06:06 PM
تجمع حوامل الامارات	lola	إستفسارات حوامل من الشهر السابع إلى الشهر التاسع	2	04-04-2010 10:03 AM