دردشة بنات العراق, دردشة حوامل العراق , تجمع بنات العراق

[&ام همام&]

سلام عليكم
اني اسمي سرى1
اريد اعرف اكو تاثير للبندول على الحامل في الشهر الرابع

عفييييييييييييييييييييييييييييية بسرعة.....

[شمعه امل]

المشاركة الأصلية كتبت بواسطة سرى1

سلام عليكم
اني اسمي سرى1
اريد اعرف اكو تاثير للبندول على الحامل في الشهر الرابع

عفييييييييييييييييييييييييييييية بسرعة.....

سرى انا دكتورة اعطتني اياه بشهر ال2 كانت معي حرارة بندول الازرق 250 اخدته مرة والله كنت اشوف حوامل يجوها تعطيهم بندول 3 مرات باليوم عادي بس المسموح الازرق لتخافي منه اكيد لو منه ضرر مكانت عطته الك الدكتورة

[شعور الامومة]

شلونكم بنات اخباركم مشتاقتلكم اشو صايرين متذكروني
شلونج تارة اخبارج والله مااعرف شكولج بس انتي من تتحسن حالتج ويستقر حملج روحي يم زوجج وهو زوجج مبين عليه ممفكر بهالفكرة لان حجالج والله يهدي ابو زوجج
ام السحلول مشتاقتلج ياعمري شلونه مهودي فدوة لقلبة امانه تبوسيلياه مفتقدج
مراوي كنتي رفيقة الصباح اشو بس بطلتي من شغلج نسيتينه شنو من لكة احبابة نسه احبابة
زنوبة عيوني شلونج وشلونهة كوكه الله يحفظها الج
ليلي روز كاردينيا رنودة فروحة شهودة سراوي شوكت يطلع عبوسي عصه مثل كوكه سرى بنت الرافدين وكل البنات ها اي ميوشة وبدورة والكل سلامي

[شمعه امل]

هلــــــــــو روقيه حبيبتي تسلميلي والله اول البارح كانت مراجعتي وكمان كلتلي لتسافري وحتى ابني ميصير احمله ولا انحني للارض الله يعيني ويسهل حملي انا زوجي يحب الاطفال ويعررف وضعي وبالعكس لما كتله شو كالت لي الدكتورة كال اتحمل بس يجينا اخ او اخت لمصطفى ليظل لحاله بس ابو زاعجنا

والله روقيـــــــــه دائما اسئل عنك مناسيتك وحتى البارح كنتي كاتبه شرفت الدورة كتلك ربي يرزقك الشهر الجاي ان شاء الله لتفكري دام انو حجم بيضتك طبيعي وهرمون الحليب عندك طبيعي وكله تمام ان شاء الله تحملي وقت حملي بمصطفى 6 شهور من زواجي ورحت لدكتورة منطتني علاج كالت في نساء بعد 6 شهور بالتمام يصيرلهم حمل وفعلا الحمد لله حملت وعقبالك يارب وتصير عندك كروشة بيبي عاجلا غير اجل

[الكاردينيا]

شلونكم بناات اخباركم يااارب الكل بخير هسة نجي وحدة وحدة هههه،،،،،،،،، مرواي هذا خوش كروب بس كون اكو حل لمشكلتنا ههههههه شلونج حب اخبارج وشنسوي خلي نتحمل ،،،، ام مهدي حبي تذكرج العافية بس خوش موقف تتدكريني بي هههههههههه واكيد اكثر مكان من تروحين للحمام بخت مرتاحين مو مثلنا منلحك هههه شلونج اخبارج ،،،،،، رقاوي حب اني دائما اسأل عليج ومو كتلج لاتخلين بالج وياااها ويااارب يرزقج بلحمل والطفل اللي يفرحج اخبار شغلج واهلج شلونهم حاليا مو حدايق مرتاحين من عدنة ههههه،،،،،،، تارة حبي سلامتج من الضوجة وطنشي مادام زوجج يحبج ومقدر وضعج خلص انسي وديري بالج على صحتج والنونو اهم شي ،،،،،،،، فروحة شلونج حبي اخبارج وية الطلاب ودوختهم ،،،،، سوسو شلونج وعبوسي شخبارة مقرر يطلع يااارب يسهلها عليج ،،،، ام جمانة وام حمودي وميوشة وكل البنااااااات سلامي الكم

[شمعه امل]

هلوو سمر شلونك تسلميلي حبيبتي الله يسهل النا يارب ونولد بالسلامه ويفرحنا بشوفتهم بعد هالتعب
فعلا روقيه سمر شو اخبار حزبنا هههههههههههه تركتينا انا وسمر ومروة انضمت يمكن لينا بالاخير ماعدها شغل صارت متلنا

[lily rose]

المشاركة الأصلية كتبت بواسطة شمعه امل

صباح الفل ع الكل
كيف حالكم وحده وحده
سمر ومروة وام مهدي وساره وفرح وام جمانه ومي وعاشقة العراق وسرى وروقيه
صايرين قليل نحكي من البرد هههههههه

بنات شفتو شو صار وياي البارح حكيتلكم حلمت زوجي تزوج علي بعيد الشر عني وعن القارئ اتفسر بسرعه
المهم ليــــــــــــــــش مو بارح زوجي يخبرني انو ابو صاير كل يوم يوزه ليش متتركها وتزوج غيرها هي تاركتك ورايحه لا اهلها وكاني كاعده بيت اهلي ارقص وااني كل وقتي نايمه ع ظهري والله عظمي كلو يوجعني صاير

معصبه من البارحه وصايره اغلي حكيت لا اهلي بابا كلي خلي يتزوج يحلم انو يشوفك انت واولاده اني اضمن زوجي بس ابو يزن والزن ع الادان امر من السحر هالرجال من يومه ميطيقني ويخلق لي مشاكل والحقيقه كل مرة صرت اكره اكتر واكتر ومبطيق اطالع وشه كتله لزوجي كول لا ابوك كما تدين تدان والله ياخذ حقي منه شكلي اخرته هالرجال ع ايدي واخلص البشرية منو

مزعوجه وما اعرف شسوي وما اريد ياثر ع حملي من غيرشي حملي ع كولت دكتورتي صعب الله يسرلي واولد بالسلامة ولكل الحوامل يارب

حبيبتي هذا رجال وهيج شبقى للنسوان انتي سوريه لو عراقيه

[شمعه امل]

المشاركة الأصلية كتبت بواسطة lily rose

حبيبتي هذا رجال وهيج شبقى للنسوان انتي سوريه لو عراقيه

اي والله ليلي روز ام زوجي الله يرحمه متوفي من زمان بس ابـــــــــــــــو مطلع عيني لا حبيبي اني عراقيـــة

[منى عمري]

مساء الخير حبيباتي العراقيات واخيرا لكيتكم
صارلي اسبوعين ادور على دردشة حوامل عراقيات عالكوكل
احب اتعرف عليكم واسولف وياكم
اسمي منى واني اشتغل معيدة بالجامعه
وحامل بالاسبوع السادس
هذا اول حمل الي متزوجه صارلي 8 اشهر
ممكن تقبلوني صديقه الكم
وتحياتي ياحلوين

[شمعه امل]

ياهلا منى نورتي جمعتنا ومبروك زواجك وحملك الله يتممه الك بالسلامــــــــــه
انا تاره نورتينا مرة تانيه