دردشة حوامل أهل الدمام - دردشة بنات الدمام - تجمع حوامل مدينة الدمام

[maesooo]

اهلين التوفي 1 والله ماقدر احكم الدوره والحمل لهم نفس الاعراض استني شوي وحللي مره ثانيه ان شالله تطلعين حامل
اموووله انا اللي اعرف صبغاتهم حلوه مشغل دار نجد في الشارع الاول ما هندي خبره بمشاعل الدمام لاني جديده بس دار نجد جربته وواجد ناس يمدحونه في الصبغ
بانتضاره الا شفتك خخخخخخخخخخ

[ام يونس123]

السلام عليكم
صبحكم الله بلخير والعافيه كيف كل الكروشات عسى ربي يسهل عليكم ويعدي الايام على خير وعافيه
تذكروني ولا نسيتوني وعدتكم بقصة ولادتي وتاخرت عليكم بلقصه والله مااحصل وقت ابد ..الا وين البنات وين تاليا وشموع وام فطومي ان شاءالله كلهم بخير وبسمه شخبارك وميسوو الله يهون عليكم فترة الحمل ..
قصة ولادتي
في يوم السبت تاريخ 26-6-2012 اتنومت في اخر الليل لان الجنين كان بلعرض حركته قلت واطرت الدكتوره تعطيني طلق تحميلة طلق الساعه خمس الفجر واستمر الطلق عندي الى خمس العصر يوم الاحد وحاولت توسع لي الدكتوره وماكان في فا يده لان الرحم مافتح الا واحد ونص والسبب لان الجنين مادخل الحوض ابد وكمان بدا الجنين يتعب من الطلق ومافي نزول للراس ومع انه كان في الثامن الراس تحت وفجآه ارتفع فوق الراس وصار مقعدي وماادري وش السبب وعلى التاسع رجع ونزل الراس بس مو في الحوض كان عرضي المهم بعد ماحاولت الدكتوره تعطيني طلق صناعي واعطتني فرصه لعل الجنين ينزل راسه للحوض ومانزل بداوا يقلقوا لان حركت الجنين في التخطيط بدات تقل وبعد طلق 12 ساعه والم وقلق والراس لازالت عرضيه خافت الدكتوره لايكون لما لف الجنين من فوق الى عرض لايكون لف السر على راسه المهم يابنات انا وزوجي بدا لخوف فينا على ان نخسر البيبي فقررت الدكتوره بعد طلق 12 انه شكله مافي فايده من الولاده الطبيعي والسبب انه الرحم مو راضي يفتح ابد حتى التوسيع 3 دكتوراة حاولوا يوسعوا ومافي فايده يفتح وبدانا كلنا نقلق المهم يابنات ربي له الحمد اعطاني الصبر على الالم وانزع الخوف من داخلي والساعه سته المغرب دخلت عمليات سته ونص بدات العمليه وكان تخدير نصفي عطوني ابرة الظهر وتخدر نص جسمي وانا كنت مستنيه احس السكينه متى تذبحني وترى كانوا مسوين ستاره من عند راسي عشان مااشوف وماحست بشي والحمدلله وكانت الدكتوره على قلق ليكون السر لف في البيبي وتصدقوا وش كان السبب انه كان السر قصير جدا وكان هذا السبب لعدم نزول الجنين في الحوض وعم فتح الرحم كمان سبحان الله وفعلا انا شفته السر قصير مره وكل ماكلن الجنين يبي ينزل للحوض كان يشده الحبل لافوق لانه قصير وبسرعه سحبت الجنين الدكتوره وسمعت صراخه وارتاح قلبي اننا ماخسرناه ودمعت عيني والدكتوره تقول لي هاه تسمعي البيبي واخذتني العبره وقلت ايه وهااااااااااااااااااااااااااااااااان علي التعب والالم وجابته لعندي السستر وبسته وحمدت ربي على سلامته وتصدقوا وانا في العمليه حسيت اني بموت لاني كنت احس نفسي قل والم في صدري وكنت اقول للدكتوره على الي احسه والسبب انهم لما يطلعوا الجنين كانهم يدفشوا الاحشاء لافوق عشان يسحبوا البيبي عشان كذا كنت احس بالم في داخلي وصدري والله لايوريكم الي شفته لكن ربنا فديته يغطي الانسان قوه وصبر قي المواقف المهم يابنات طلعت من العمليه لغرفة الملاحظه ماادري كم ساعه خلوني وطلعت وكان زوجي على الباب وكثير من الموظفات تعرفت عليهم وماقصروا كلهم كانوا يستنوني عند الباب واول ماطلعت استقبلوني وباركولي وزوجي اخذته العبره فديته كان خايف علي حيل وحمدت ربي الف مره ولو ضليت عمري كله ساجده اشكر ربي ماوفيت حق ربي الف الحمدلله ....طلغت لغرفتي وكان لسى نص جسمي مخدر وضليت لليوم الثاني مخدره والصبح جابوا لي حمودي فديته وحطوه لي فحضني ونسيت كللللللللللللللللل الالم وكل الي مريت فيه من تعب في التسعه شهور وفي العمليه وهان كل شي بشوفة حبيبي حمودي جعله الله بار فيني انا وابوه ومطيع للاه ومحافظ على صلاته ومن الخيره اللهم امين وصدق رسولنا الكريم لما قال امك ثم امك ثم امك ثم ابوك والسبب لما تمر به الام وجزاكم الله الف خير ياامهات والسموحه على الاطاله عليكم وهذي قصتي في ولادتي والله يرزق كل محرومه ويسهل على الحوامل ولاده طبيعي وميسره وربي يحفظ لي ذريني ويصلحهم وييسر امرهم ويهديهم ويجعلهم بارين فينا وكذا لكل المسلمين والمسلمات ........ ولدت يوم الاحد الساعه سبعه ونص مساءآ 27-6-2012
واي استفسار انا تحت الخدمه الله يسهل عليكم....

[maesooo]

ام يونس تاحمد لله على سلمتج
والله جاتني العبره وانا اقرا
من ومان نسال عنج بس اهم شي انتي وحمودي بخبر الله يخليه لكم

[maesooo]

سوري عالاملاء الدمار
كنت اكتب وانا نص مفتحه ههههه:)
بمات بسال مين اللي عرفت جنس البيبي من الاسبوع 13 ؟؟؟؟
انا موعدي مع دز نعيمه المفروض الاسبوع اللي طاف بس ماسويت التحاليل بيخلصون يوم الاثنين هذا وبيكون لي 12 اسبوع بس افكر اروح الاسبوع اللي بعده عشان يبان معاي جنس البيبي

[شموع العلم]

هلا اموووووووووووووووووووولة ربي يسر لك وبالعاافية بس نبي منك تقولين لنا بعدين كيف الخياطة معك رجعتك ضيقة

هلا بسمة وميسو ربي يعننا علي الحمل

هلا ام يونس يالله شدي حيلك بالحمل اللب بعد حمودي ترى لسا ادعي لك فديتك

اهم شي سلامتك انت وحمودي ربي يسر لك وكيف كانت نعيمة معاك

لا جديد لا زلت مصيفة بابها وبراد بس ذلبحني الضغط منخفض مو راضي يرتفع طوال امس بالطواري

ورجعت لي الالتهابات المسالك

وان شاء الله زوجي جاي الاسبوع الجاي

ونكمل الصيف بابها ونرجع علي نصف 8 ان شاء الله

[أمووله]

هلا شموع شخبارك وسلامتك الف سلامه ماتشوفين شر يالغلا
انا كمان بعد اسبوعين مسافره الباحه عند براد ربنا
وابشرري راح اقولك ع نتيجة الخياط
ام يونس الف سلامه لك ولحمودي ويتربى بعزكم

[ام ريوووووووومه]

مرحبا
ممكن انضم لتجمعكم الحلو
انا حامل وتقريبا نهاية السادس وودي ادردش وياكم

[*بسمة *]

مساااااااء الورد لكل الكروشاااات
اهلا ومرحبا بضيفتنا الجديده ومبروك الحمل والله يسهل عليك ويتمم لك بخير

ام يووونس ياقلبي الف الحمدلله ان الجنين طلع بخير وفرحتي فيه والله قصتك عورت قلبي لكن ربي لطف الف شكر لله
والحمدلله انك طلعتي منها بسلاااام

ميسووو وشموووعه واموله شخباركم وماشاءالله كلكم بتسافرون وبتهربون من الحررر
يااااحظكم والله

[بانتظاره]

ام يوونس الحمدللهه على سلامتك وربي عوض صبركم خير وعساه اجر ان شاءالله
شموع العلم الله يهنيكم ان شاءالله
ام ريووومه ياهلا فيك
ميسوو ايه انا استغربت الاملاء ههههههههههه انا والله عرفت جنس البيبي حقي بالشهر الخامس
مين هينا يعرف مركز تحميل كويس ؟؟؟

[بانتظاره]

انا لي 8 ايام غي التاسع اليوم احس بالآآم ويادووب امشي الله يسسسهل لي واولدد بسسرعه م ادخل العاششرر